الفحص الكمبيوتر هو سبب الخراب
2
3
إضغط هنا للإخفاء
السلام عليكم ورحمة الله وبركاته
اخواني الكرام معي سيارة شفرولية لومينا 2004 معي من الوكالة طبعا انا محافظ على السيارة كثير على لو شفت مطب ارقاة بشوي شوي
ومع الايام سمعت صوت طقة من تحت يامساعدات ياكراسي مكينة او جلد يعني القطع الاستهلاكية وقلنا وبنوديها اي فحص يشيك على السيارة من تحت ويحدد نوع الصوت
رحنا ولقينا الفحص الموجود الكمبيوتر في الشفاء وقلنا بنروح يوم جينا عندهم سلمكم الله لقينا الفلبيني الله لايوفقة
وقلنا له بسالفة الى ان غسل مخي وعرض علي فحص شامل يعني كمبيوتر والعضلات ومدري وش لون انا غبي وافقت على طول
وشوي كذا الا ويكتب في الورقة انواع الخرابات مثل الي ذكرها كراسي مكينة وجلد ومساعدات ووو الى وصلنا وقال تغيرر زيت القير
قلت له ياخوي زيت القير ماغيرته ونا سيارة لها 9 سنوات وهي معي وماشية اكثر من 300000 الف ولا غيرته
لو قلتي زيت المكينة بقول صح بغيرة عادي قالي الفلبيني غيرة احسنلك ولا يمكن يروح عليك القير وبعدين تصليح القير كامل
قلتله بشنوف
ورحنا بعد يومين ونا افكر في تغيير زيت القير وخليت صوت الطقطقة ورحت ورشة وخليتهم يغيرونة بزيت اصلي يعني اخذته من اوكالة
حتى العامل في الورشة استغرب في البداية يوم قلتله تغيير زيت القير !! قال نصيحة لاتغيرة قلتله ياحبيبي الفلبيني قالي غيرة
ويوم غيرتة ونفسة ولاصار شي يعني عادي التعشيق مظبوط معي يعني زي الأول ولا صار اي شي المهم خسارة دراهم بس
بعد اسبوع تصلب علي القير يوم جيت ابروح الدوام ولا اقدر اعشق ابد !! وسئلت ناس ومن الاصدقاء قالو لي في مشكلة في القير
ونصحوني في ورشة طيبة في الصناعية القديمة متخصصين فيها القير الاتوماتيك روحنا بالموتر عندهم
ولقينا الفني حقهم وهو لبناني قالي شو المشكلة عندك قلتله القير مايعشق ابد قالي ونتة غير الزيت القير قلتله نعم
وضحك ههههه قلتله ليش قالي من الي قالك تغيرة قلتله الفلبيني راعي الفحص قال ارجع عنده وقله يلعن ابوك ههههههههههه
قلته موب وقته قالي نصيحة مني اي سيارة قير اتوماتيك لاتغير زيت القير ابدا
قالي اكثر الناس الي عندي في الورشة نفس قصتك غيرو زيت القير والحين يحتاج توضيب قير بالكامل
واي واحد يقولك غير زيت القير ولو ان شاء الله لونه اسود من الكفر لا تغييرة ولا تفكر في تغيير ابد
وخلينا السيارة عندة يصلحها وان شاء الله تطلع مثل التفاحة هههههههههههههههههههههههههههههههههههههههههه
إبلاغ
سيارات للبيع
الردود
0
0
قبل 11 سنه و 2 شهر