أضف سؤال أو موضوع جديد          

ما الحـل لحراره الكابرس ؟؟

up 2 down 5
ryan702 466
قبل 7 سنه و 11 شهر



السلام عليكم ورحمه الله وبركاته 
 
انا صارلي حادث بسيارتي الجديده 
سيارتي القديمه كابرس 2004 8 سلندر 5.7 لتر كنت خليتها في معرض لبيعها والحمدلله احتجتها ورجعتها لحد ماتخلص سيارتي الجديده من الورشه 

المشكله عندي بالحراره حقتها حاولت احلها اكثر من مره عجزت لازم الحراره ترتفع وبالاخص لو فكيت المكيف 
ولو وقفت لمده معينه تسخن السياره برضوا 

مع العلم اني اعبي مويه الاديتر مويه عاديه بس دائما افللها وتاكد انها معباه 
ياليت الي عنده حل بسيط وماهو مكلف يقولي لان الحاله الماديه مش ولابد وزي ماذكرت 
تسخن السياره اذا وقفت و اذا شغلت المكيف 
ومع العلم ان المراوح توني مغيرها قبل كم شهر مراوح اصليه من شركه GM 

مشكورين 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


هذي والله اعلم انها من سوايا طرنبة الماء


up 2 down 0
قير 700 45
قبل 7 سنه و 11 شهر



شف المشكلة رديتر تأكد من الليات لا يكون فيها تهريب او غطاء الرديتر


up 2 down 0
al_orainy 56
قبل 7 سنه و 11 شهر



انا شفت الاعلان حقك
وشفت دبة المويه لونها اصفر غامق
هذا والله اعلم انها مليااااانه صداء بحكم انك تعبي موي عاديه

واذا فعلا صداء فحتمال الاديتر يبيله تسييخ عشان تفتح المنافذ اللي داخل الاديتر وتكون مسدوده من تراكمات الصداء 


up 9 down 0



أخوي زمان كان معي 2006 نفس موترك كلها واحد وان اختلف الموديل المهم كان فيه تهريب في الرديتر تمام

والتهريب مايتصلح وكانت الحرارة تقول فوق النص بمكيف او بدون المهم شريت رديتر أصلي 1150 ريال وشريت معه مويه

اصليه لونها احمر قيمة الجالون 4 لتر ب60 ريال وزدتها 3 علب ماء مقطر ب6 ريال وركبتها عند بيتي وعبيت الماء الاحمر

وكملت النقص بعلبتين ونص تقريبا ماء مقطر ويارب لك الحمد والشكر بعدها ما ارتفعت الحرارة اكثر من الربع ابدا

الين بعتة على خير ... المهم وعلى كلام شاقح سوي تنظيف للرديتر وعبي ماء اأصلي احمر وباذن الله تختفي الحرارة

بالمناسبة فيه حد للمويه في القربة لاتتعداه عشان الضغط الزايد ويارب تنحل مشكلتك على خير .


up 5 down 0
أبو ميان . 154
قبل 7 سنه و 11 شهر



تاكد ان غطا الراديتر نفس حق الوكاله لانه اذا كان يختلف يدخل هوا و يرفع الحراره


up 2 down 0
عبدالله السعدون 268
قبل 7 سنه و 11 شهر



أغلب مشاكل الحرارة حسبت تجربتي الشخصية هي من /
1ــ طرمبة الموية ، يمكن تكون عطلانة اويمكن  يكون ضخها للماء ضعيف وعلى وشكل الخراب .
2ــ بلف الحرارة ، يمكن يكون قافل وما يوصل موية للمكينة .
3ــ المراوح ، يمكن تكون متعطلة أو ضعيفة وفي كلا الحالتيين يسبب ذالك إرتفاع في حرارة السيارة .
4 ــ الاديتر يمكن يكون متسخ ومتسكر بسبب كثرة الترسبات والأملاح مما يسبب ضعف تبريد الماء
داخل دورة التبريد .
5ــ تشعر رأس المكينة ، ويعرف ذالك بفوران ماء الرديتر بعد تشغيل السيارة بفترة بسيطة .

أي خلل في هذه الأجزاء التي ذكرت تسبب ارتفاع الحرارة .


up 4 down 1
bakeetdo99 84
قبل 7 سنه و 11 شهر



الله يعطيكم العافيه 
ان شاء الله باسوي تسييخ للاديتر 
والغطا حق الاديتر الي اذكره ماقد شريت له غطا او غيرته يعني حق وكالتها 
بس ممكن طلبين 
كم سعر التسييخ للاديتر ؟ لاني مالي خبره بالاسعار وبحراميه الصناعيه 
وكيف اتاكد عن غطا الاديتر اصلي ؟ الي اذكره ماقد غيرته بس كيف اتاكد انو اصلي ولالا 

ومشكورين


up 1 down 0
ryan702 466
قبل 7 سنه و 11 شهر



بالنسبة لسعر التسيخ من 50 - 70 - 100 اقصى حد انت وشطارتك معاهم .

وبالنسبة للغطا تجي عليه علامة GM واتوقع انها من خلف الغطا .


up 0 down 0
أبو ميان . 154
قبل 7 سنه و 11 شهر



اتصل علي 0559920299



up 0 down 0
المنادي 555
قبل 7 سنه و 11 شهر



اول شي تأكد من الغطاء او غيره احتياط وسعره رخيص قبل ماتدخل في التجارب الثانية
لان الغطاء فيه ربلات وممكن تخرب مع المدة وتتقطع فترتفع الحرارة بسبب التنسيم


up 0 down 0
abdulazizsh 117
قبل 7 سنه و 11 شهر



اهم شي الطبه حقت المكينه


up 0 down 0
ايهاب 90211
قبل 3 سنه و 4 شهر