ظهور علامة تغيير الزيت تاهو 2010

الطبيعي عندي تحت اقل من النص واذا دعست يرتفع اكثر من النص بشوي ولكن يتحرك بالدعس
والعداد اغير على 7000كيلو والزيت 10W30 كاسترول .وشكرك على الاهتمام

ابراهيم التركي الرجال يتكلم عن علامة تغيير الزيت وليست لمبة الزيت
هناك رساله تطلع يجي فيها امر بالانجليزي يجب تغيير الزيت عندي فالفورد دايم تجي وانا مبرمجها تطلع كل 10 الالف كيلو

شوف
نظام ظهور هذي العلامه لاتعتمد عليه والسبب

انك تحدد المسافه تغيير الزيت بعد 10 الالف كيلو 
هذي برمجه انت تسويها بعد ماتغير الزيت تظهر هذي العلامه حلو 

لو فرضا انك غيرت الزيت وبرمجة الكمبيوتر يعطيك تنبيه بتغيير الزيت بعد 10 الالف كيلو
لكن انت غيرت الزيت بعد 9 الالف كيلو وماكملت 10 الف كيلو

بعد ماتمشي على الزيت الجديد الف كيلو راح تطلع لك هذي العلامه لان الكمبيوتر مبرمج يعطيك تنبيه بتغيير الزيت على حسب الممشى اللي انت محدده

فلو مثلا برمجته يعطيك تنبيه بتغيير الزيت بعد 8 الالف كيلو
والزيت احترق بعد 5 الالف كيلو 
فالكمبيوتر ماراح يعطيك امر بتغيير الزيت رغم ان الزيت محترق بعد 5 الالف كيلو

لان الكمبيوتر جاه امر يعطيك انتباه بتغيير الزيت ب8 الالف كيلو

اذا هذي البرمجه ماتبني امر تغيير الزيت بناء على حالة الزيت فالمكينه
لكن تعطيك امر بتغيير الزيت بناء امر تحديد المسافه اللي انت تبيها

وصلت الفكره
لذلك لاتعتمد عليها ابدا
انت غير الزيت وكل اسبوعين شيك عليه واحسب تغيير الزيت بعد ممشى الكيلوات الاساسيه مو العداد اللي يحسب حق الرحلات

يعني مثلا السياره ماشيه 120 الف وغيرت الزيت
بعد ماتوصل 128 الف غيره  واستمر كذا

روح للاعدادت اللي ع الطبلون ، شف اول زر او ثاني زر واحد منهم فيه صلاحية الزيت وفيه نسبة مئوية

مثلا 70% 

اذا وصلتها اضغط على علامة صح وععلق عليها لين يعيد 100% 

سو كذا كل ماجيت تغير الزيت 

بالتوفيق

كاسترول خبط كثير من السيارات من ضمنها سيارتين في البيت

غيره وركب موتركرافت او ايسي ديلكو لزوجه 5w30

اخوي انت لما غير الزيت صفرت عداد نسبه الزيت؟؟

اذا ما سويت شي 
روح على نسبه الزيت
واضغط على علامه الصح اللي اخر شي في الازرار علق عليه 
لين ما تسمع صوت طنننن 

في الازرار الاربعه اللي جنب القير 
اول زر...فيه صوره طريق ...هذا خله
ثاني زر في صوره ..سياره وجنبها علامه تعجب(!)
اضغطه لين ما توصل نسبه الزيت 
طيب الحين وانت في نسبه الزيت رح لاخر زر اللي عليه صح فقط
علق عليه لين ما تسمع صوت طننن
او يرجع النسبه 100%
والسلام ختام

السلام عليكم ورحمة الله وبركاته . اشكرم على التفاعل وألارائ النيره .فعلن صفرت عدد الزيت وطلع عندي ميه بالمية والمره القادمة راح اغير 5W30 على حسب الكتالوج . وجزاكم الله خير .