شفرولية ماليبو LTZ فل كامل أعلى فئة 6 سلندر؟

واحد من أخوياي يشتغل في التوكيلات العالمية ، يقول عن الماليبو أن أغلب الشكاوي بتكون عن القير والمكيف ..
ما أعرف ايش المشكلة بالضبط في القير ، والمكيف يقولون ما يبرد ..
^^ عموما هذي المشكلتين ممكن تكون بأي سيارة ، الأفضل تسأل مجربينها وهم يجاوبوك .. ياريت إذا في المنتدى من ملاك هذي السيارة يجاوبوا الرجال .

الماليبو سيارة مع الأسف لم تنجح مع انه فخمة مثل ما قال الأخ فيها خرابات بالكهربا

بالعككس اشوف عليها اقبال كبير

بيجيك ابو ميان معاه ماليبو

نفس التسأل عن المازدا6 أول ما نزلت ،،،
الماليبو وغيرها من السيارات الاصدار الاوووول في بعضها عيوب مصنعية وهي نصيب وحظ وتوفيق من الله وعادي 10 من 500 تحصل ويواجة مشكلة ولا تعمم ع الكل ...

اتذكر واحد طلع لوميناss 2001 > بعد ما ســاق سيارتي كابرس 2001 ss
سبحان الله 3 سنوات وهو مشاكل مع الجميح
طبعا وصلها الي مكتب جنرال موتورز بــ دبي وغير له 4 مرات القيــــر وكل مرة يتعطل (ام العين الي فيها) وبدون فايدة اليين تقرر يعوضوه بكابرس 2004

ياخي اكاد اقسم انه اللي يتكلمون عن السيارات ويفتون لا يدري عن السيارة ولا ركبها ولا جربها 
وماشي مع الخيل .. فلان يقول خراباتها كثير خلاص خراباتها كثير 
ياخي الله عطاك عقل لا تكون امعه .. هذا ردي لاول اثنين واللي يقول ماهي ناجحة ترا اول ما جات السعودية كلها انحجزت وانا كنت عند الوكالة
المهم وان كان فيه بعض العيوب المصنعيه في اول دفعه لكن الان تحسنت في الدفعه الثانية وصارت افضل
لكن انا اشير عليك انك تنتظر الشكر الجديد اللي بيجي وفيه نظام ماي لينك وتغييرات خفيفة  حلوة 

الماليبو الدفعة الاولى عيبها ان مافيها مكيف خلفي وبالنسبة لي وانا اتكلم من واقع تجربة والسيارة مع خويي عيبها اللي اشوفه هو انها ضيقة من ورا بسبب حجم المراتب
اما خرابات وعيوب مصنعية مافيها شي وبالعكس ممتازة جدا بعض الناس يحسبون ان 2014 راح يتغير شكلها ويبون يبدلونها

فعشان كذا يمكن يبيعون سياراتهم ولاتحكم على كثرة عرض السيارة للبيع ترا ماهو مقياس ولو تبحث عن اي سيارة ثانية راح تحصل اعلانات لها كثير مثل الكامري او الاكورد

مساء الخير على الشعب .

أخوي عندي ماليبو 2013 فور سلندر هههه الحمد لله كل شي تمام ماشيه 40 الف ولها معي سنه و4 شهور في البدايه واجهت

مشكلة في الحرارة عند طلوع عقبة الطايف بالمكيف كانت توصل بعد النص ولقيت حلها بتغير الزيت والحمد لله ظبطت

بالنسبة للموتر بشكل عام جدا ممتاز بس ناشفه مع المطبات طبعا الي معي 4 سلندر ممكن ال6 سلندر تختلف

رساوة وعزل وديكورات ممتازة وفيها لمبات في الداخليه جدا حلوة صراحة كان ودي في 6 سلندر لاكن النصيب جاني في 4

سلندر أخوي اذا انت ناوي على الفل 6 سلندر فا أنا أقلك مبروك مقدما والله يعطيك خيرها ويكفيك شرها .. ولاتنسا استخير الله .

الله يجزاكم خير جميعا .. وأسأل الله لكم التوفيق والسداد ..

أبو ميان الله يبارك لك في عمرك وفي موترك ....

حاول انك تستاجر وجرب بنفسك يمكن ترتاح لها وتاخذها ويمكن العكس شكلها جدآ رووعه والله اشوف فيها فخامه
بركاده يعني فخامه محترمه :) والله يسهل امرك

جزاك الله خير .. واياك ..

انا فعلا جربتها وعجبتني الصراحة

 لكن من باب ما خاب من استشار

ياخوك الناس الآن عندهم حب التغيير
واغلب بعض الشباب يستخدم  هالسيارة 3 شهور ثم يمل منها  
والبعض الآخر مايحس بقيمة القسط إلا بعد فترة زمنية قصيرة 

كل شخص واستخدامه تلقى الي يشتكي من العيوب من طلعها من الوكاله 500 كيلو ولعن خيرها طلع الي ببطن الموتر بعدين يجي يون الموتر خايس الموتر ماينفع بريال 
انت استخر وجرب السياره بنفسك جازت لك توكل على الله وحافظ على السياره تعيش معك 
والسياره مضمونه لو صار فيها شي تتصلح على الضمان بس اهم شي تحااااافظ  عليه من اول ماتطلعه من مواقف الوكاله 
ومبروك مقدما 

الله يبارك في أعماركم .. وشكرا لكم 

ههههههه عيوب مصنعية وعيوب كهرباء 

الحمد لله ماخليت عليها ديره توها خلصت 20الف وخويي كملت معه 43الف  طبعا كلها 6سرندل فل
الوكاله متعاونه جدا في الضمان اي قطعه تخرب على طول يصلحوها 

سياره بمعنى الكلمه بس يبي لها شوية دلع والتشييك لايطلع عن الوكاله

يا شبااااااااااااااااااااااااااب




انا ان شاء الله مقبل على سيارة في الصيف


فاصحاب الماليبو القدامى ياليت يتفضلوا وحتى الجدادة خخخخ
المهم لان بغيت الموتر فوق ال5 سنوات

الفورد تورس افخم واقور واوجه واجود 
وسلامتكم

جربتها مع خويي حلوه .. لكن حسب كلام الناس ان خراباتها كثيره