نصيحتكم في الكابرس 96 SS

أخبر لك كرت ميكانيكي وكهربائي , هذا اذا ما حصلت بالدرج كابريس كرت خخ ^_^

ياخوي زمن الكابرس من 1991 مات ومشاكله كثره خصوص الموديل ذا منها الجربوكس والدفرنس وعندك الكهرب
لك عليه ولا اعتقد قطع الغيار متوفره الا في تشليح لن مر عليه 19 سنه .... الكابرس الامريكي بشكل عام معروف انه حق
مشاوير ويتحمل الكرف لاني اخبر اول كانو التكاسي اكثرهم كوابرس الامريكيه وليس الاستراليه ايام الطــيـبيـن امثالى
نعم هي سياره ممتازه بلخطوط ومراتب الامريكي صراحه ولو اني ما احبه بس الحق ينقال مراتب الامريكي مريحه جدآ جدآ
وراسيه

قديمة جدا 96 ... والله ما انصحك وما اعتقد تستمر معك اكثر من سنه

طيب لو اخذت سيارة نظيفة بيكوت في مشاكل ؟؟

الss يصلح للخطوط واذا كان نضيف ما يتعبك بس خرباته كثيرة يبيله واحد سواقته هادية

طيب لو كان نظيف يصلح للمدن ؟؟

حتى لو نظيف مايصلح فيه مشاكل وعيبوب في الكهرب اذا تبي كابرس خذ من 91 الى 93 هذي الموديلات لو حصلت نظيف
بيخدمك داخل المدن وخارجها

القطع موجوده ايس دلكو

استأجرتها على أيام ما كانت جديدة عام 97 ، دعستها ما شاء الله تقول طائرة نفاثة ، لكن أنا أسمع إن مشاكل ss في القير ، وبعدين موديل قديم وصعب جداً تلاقي نظيف منها ، على شفت واحد معلن في موقع حراج البارحة ثلاث سيارات منها كابريس ss ويقول سعرها بثمانية آلاف ريال ، راجع الموقع وشكراً .

هذا رقم الاعلان 3427690

اذا كان نظيف وماعليه خلاف لاتردد توكل على الله موتر تحطه على يمينك
وقطعه متوفره اذا كان الكابرس 80 متوفره قطعه اجل 96 كيف ؟

( شــــرط يــــكــــون نـــــظــــييييييـــف ) صدقني تدمن علييييه و الكابرس القديم مخبور

والاهم من هذا كله استخير ربك والله يوفقك

كان معي واحد على أيامه وراح تشليح


سيارة عز وهدواء ورااحه خراباته اكثر من خرابات ال 93

اخوي انا مجربه عيبه احيانا ماتحصل له قطع .... غير تصليحات اااغلب ال بالورش 
ماااحد حوولك مااحد يعرف له ..
وسيارة ياغالي خلاص عمرها افتراضي انتهى 18 سنة ماشاء الله .. 
اذا بغيت سيارة رخيصة وحق خطووط ورااسية بالخط انصحك
لنكون تاون كار موديلات 2001 او 2002 اسعارها رخيصة وطيبة 

و الله يا شباب ما قصرتوا 

يعطيكم الف عافية