أضف سؤال أو موضوع جديد          

X ولقينا الحل مع الداخليات الغامقه ؟؟؟ X

up 41 down 7
ابو يزيد 000 8688
قبل 3 سنه و 11 شهر



السلام عليكم ورحمة الله وبركاته

كيفكم عساكم طيبين

ندخل بموضوعنا

موضوعنا اليوم عن الداخليات الغامقه للسيارات

وخصوصا الداخليه السوداء

الناس عندنا يكرهوها

ولا يشترون السياره عشان الداخليه سوداء ؟؟

ليه طيب كذا مكبر السالفه

الوالد لقينا له جمس داخليته سوداء والجمس نظيف جدا ويلق لق

وقال ما بشتريه

طيب ليه الله يهديك ؟؟ قال عشان داخليته سوداء

وقلت له طيب التنجيد والله يظبط

وقال ما قد شفت جمس اسود ومنجد بيج 

وشكله بيطلع بايخ

ولا لا 

فكنا من شغلات الترقيع

ومن الكلام هذا وخلنا ندور جمس ثاني

وما شريناه 

و انا اقدر اجزم ان نسبه تصل الى 75% يكرهون الداخليه الغامقه

لانها ماتبين الفخامه ولا تتحمل واجوائنا ما ينفع لها الا البيج

وعشان كذا

حاولت اجيب لك الحل ونسبة نجاح هذا الحل تصل الى 70%  >> يعني يعتبر حل ناجح

طبعا هذا الحل هو التنجيد

لكن الناس هنا يقولون ما يظبط و و و و

لانهم ما شافوا عينات قدامهم

مثل الوالد 

قلته له , وقال لا , لانه ما قد شاف جمس او اي سياره ثانيه داخليتها سوداء ومنجده بيج , ولا وريته صور لسيارات داخليتها سوداء وتنجدت بيج ,

وفي اعتقادي اذا نجدتها تطلع اجمل من الوكاله 

طبعا إذا تم تنجيد ( المراتب + قماش او جلد الابواب + التكايه + تحط لها فرشات او دعسات بيج )واهم شيء دعسات الارضيه او الفرشات لان الارضيه لو كانت فاتحه , بتكون السياره فاتحه والارضيه هي الاساس
و راح تطلع جميله جدا جدا جدا 

ولو تخلي اللون ( اوف وايت ) البيج الفاتح جدا , قريب من الابيض

تطلع كأنها بي ام او اللكزس

المهم تطلع احسن من لون الوكاله

ويطلع لك لون جديد 

ومميز لانه قليل ونادر

انا حاولت اجمع لكم صور وصراحه كان ودي اجمع لكم اكثر واكثر لكن والله اني تعبت لاني دخلت اكثر من 300 اعلان ويمكن احصل في كل 100 اعلان >> 5 اعلانات مسويه الطريقه اللي قلتها 

فتعبت والله 

و حفظت صور تكفي ان شاء الله مع ان بعض الصور مو واضحه لكن ربك يسهلها :)

طبعا البعض منهم

نجد المراتب بس والبعض المراتب و قماش الابواب والبعض المراتب وقماش الابواب والتكايه والبعض نجد المراتب وقماش الابواب و التكايه وحط فرشات للارضيه فاتحه 
طبعا من محل لمحل يفرق الشغل

يعني فيه بعض التنجيد ابو كلب

والبعض كأنه وكاله

طبعا فيه محلات بجده عند المعارض عليهم شغل وكاله

وخصوصا بالجموس

يفكون الجلد الاصلي وتسير المرتبه حديد

ويحطون الجلد اللي فصلوه على الحديد

يعني فك و تركيب

طبعا التنجيد نظيف جدا وخياطته خياطة الوكاله

يعني كانه وكاله

احسن من اللي ينجد على القماش او الجلد الاصلي

وتسير كأنك رافع المرتبه على اعلى شيء وتتضايق

ويطلع عفطات كثيره

اما بالجده اذهلوني

ومعروفين اهل جده بالتعديل والتنجيد

يعني العماله عندهم هناك شغلهم نظيف لان الطلب عليهم كثير

و سعر التنجيد للسيارات الصغيره 800-900

والجموس 1200-1400

ولو تبغا اللون الرياضي ( اللونين )

يخلي الاطراف جلد اسود حق الوكاله ويفك القطعه اللي بالوسط و يحط لك اللون اللي تبغاه

مثلا بالوسط ( جملي ) والاطراف لون الوكاله اسود

او بالوسط لون ابيض والاطراف اسود

يعني رياضي لونين

و تكون الاطراف الجلد اللي جاي على السياره

هو بس يفك القطعه اللي بالنص و يحط لك قطعه بدالها

وهذي الطريقه تكلفك

للسياره الصغيره 400-500 ريال

الكبيره 700-900 ريال

وطبعا تقدر انت تسوي الالوان اللي على كيفك

تبي الاطراف لون واللي بالوسط لون ثاني على كيفك

المهم تكون غيرت الداخليه وسارت افتح من اول

وسارت تعتبر سبورت وشكل رياضي وجميل 

اترككم مع الصور

وان شاء الله تعجبكم الفكره 

ملاحظه :

اللون الغامق وبالاخص الاسود جميل لابعد درجه في الغرب لان اجوائهم تساعد و الداخليه السوداء مع الامطار والغيوم و اعتدال الجو تطلع شيء خرافي وتفتح نفسك اكثر من البيج
وايضا الداخليات الغامقه تنفع لاهل الجنوب لان اجوائهم جميله ,, لكن ماتجي مثل اجواء الغرب ولو ب1 %  :)

الداخليه الغامقه تنفع للأجواء الهادئه و المغيمه 

لان ما فيه تراب يوصخ الداخليه وتقعد نظيفه وتلق

لكن المنطقه الوسطى والغربيه والشرقيه ماينفع لها الا اللون البيج لانه يتحمل الوصاخه 

لان التراب على طول يلصق بالاسود و يتوصخ بسرعه ولازم كل يوم تنظفه وزياده على ذلك ماينفع مع الشمس ما تحس بقيمة السياره تحسها خياس لان الشمس مع لون اسود ما تبين لك الفخامه والراحه النفسيه , تحسها افيو >>  مع احترامي لاصحاب الافيو

اما لو لون بيج مع الشمس تطلع لك فخامتها

فالبيج مع الاجواء الحاره ممتاز

والعكس صحيح


اترككم مع الصور وراح ابدأ باللون الاسود وبعدها باوريكم العنيات المنجده

وياليت تتفاعلون بالموضوع :)

واسف على الاطاله

تحياتي للجميع / اخوكم : ابو يزيد



































































إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


حلو كامنضر ولاكن مو احلا من حق الوكاله ولابيجي في ربع جودته


up 0 down 0
ابومحمد:::
قبل 2 سنه و شهر



حلو كامنضر ولاكن مو احلا من حق الوكاله ولابيجي في ربع جودته


up 0 down 0
ابومحمد:::
قبل 2 سنه و شهر