كم اسعار القطع الاستهلاكية للماليبو 2013

الزيت على حسب النوع الي تستخدمه
في نوع 3 الاف وفي نوع 5 الاف وفي نوع 10 الاف
اما القطع يفيدوك عنه باقي الأخوان

بالوكالة كل 10 الاف 
روح الوكالة وخذ اسعار القطع يعطونك دفتر موجود فيه اغلب القطع الاستهلاكية 
واسعارها متوسطة ومعقولة 

هذي الأسعار اخوي من جدول الصيانة الخاص بسيارتي ماليبو 2013 ماشاء الله والي هو موحد ع كل الخليج وسمحلي بكتب بدرهم نفس ما مكتوب في الدليل

زيت المحرك وفلتر الزيت 229 درهم

فلتر هواء المحرك 149 درهم

شمعات الاشتعال 309 درهم

مجموعة الفرامل الأمامية 539 درهم

مجموعة الفرامل الخلفية 469 درهم

أقراص الدوران الأمامي 909 درهم

أقراص الدوران الخلفية 1389 درهم 

مخمدات صدمات أمامية 1239 درهم 

مخمدات صدمات خلفية 1069 درهم 

مساحات 169 درهم 

والزيت اخوي أنا أبدله بالوكالة كل 10 آلاف كيلو مع الصيانة الدورية في الوكالة كل 10 آلاف كيلو 

مشكورين على المعلومات

بوسلطان ماقصرت بسئلك الفحص الثاني سيارتي ماليبو 2013 الديكورات تفككت التكاية ماتسكر والديكور الخلفي تفهق والزر للنافذة دخل داخل هل يشملهم الضمان اولا

علما بان السيارة مشت 21الف وحجزت موعد للتشيك فالوكاله من موقعهم فالنت وقالو بيتصلون ولا اتصلو

ماعندي علم اخوي الصراحة .. بس أنا انكسر عندي غطا المرايه الي بالشماسية وقالولي مب ع الضمان تتبدل ونفس الشي الديكور الي عند التحكم بكرسي السايق واعترف سوء استخدام لكن ماشي تبديل ع الضمان .. كله ع الجير والمكينة الضمان 5 سنوات .. وأنصحك اخوي تضبط أمورك ويا موظف الصيانه وتأخذ رقمه وتحجز عن طريقه ويخلصلك موترك بأسرع وقت

يا شباب هل انكسار الديكور ودخول الزر وهذي الاشياء الي ذكرتوها من سوء الادوات المصنوعه منها 
ام من سوء الاستخدام ..... 
افيدوني تكفون شباب لان مقبل علة شراء وحده باذن الله 

أنا اخوي من سوء الاستخدام لانه أيدي شوي خشنة ماشاء الله وما ارفق ع الشي