X ظاهره منتشره بين الشباب ومن كثر ما نفهم فيهم ما يفهموا X

18 8

لايمكنك التصويت حتى الحصول على 20 نقطة على الأقل
إضغط هنا للإخفاء

ابو يزيد 000 8714
قبل 10 سنه و 2 شهر

السلام عليكم  ورحمة الله وبركاته

كيفكم عساكم طيبين إن شاء الله

موضوعنا اليوم يمكن مكرر

لكن نذكر فأن الذكرى تنفع المؤمنين

انا امس وانا في طريقي رايح مخرج 9

وقفت عند اشاره وكان فيه هايلكس مرفع الاغاني على الاخير

لو كنت انا معه بالسياره ممكن اليوم الثاني اروح اشيك على اذني بأقرب مستشفى

ياولد السياره ترج رج من الصوت !!!!

ليه كذا طيب ؟

كل هذا نقص فيك حبيبي ؟

وتبي تعوض النقص هذا فإنك تجذب الناس لك !!

ترا ورب الكعبه محد طق لك خبر

وبالعكس الناس الحين يدعون عليك

فرجاء خاص للي يسوي مثله ,, حبيت اقوله ان نظرة الناس له  >>  نظره سلبيه 

و كل الناس تعرف انه عنده نقص شنيع , ويبغا يعوض النقص هذا بلفت الانتباه بواسطة ترفيع اصوات المويسقى

والحين هو يحسب انه شيء وان محد قده وراسه منتفخ

الله يشفيكم ولا يبتلينا بسسس

والله اللي تسوه شيء يفشل 

انا وانا اطالعكم انحرج واتفشل وتعال شوف وجهي كيف يتعفط من الاحراج

طيب وانتم وش تحسون فيه ,, ماعندكم احساس ما تتفشلون !!

والمشكله ان جت عينك في عينه

يووووووه الحين انت غلطت غلطه كبيره

لانه راح يستعرض و يرقص 

ويوريك الحركات المعوقه حقته جوا السياره

ما درا انك تشوفه وتقول الحمد لله والشكر ههههههههههههه

ولا ان شاف بنات معك بالسياره ولا بنات في سياره قريبه منه

يالليل بسسسسسسسسسس

يجيب لك حركات التميلح و الرقص على ايقاع الاغنيه ويغني مع الاغينه

يلعن ابو القرف ياشيخ

ياناس فكوني عليه تكفووون

وين الكلاشنكوف

خلوني انزل وامردغه امردغه قدام العالم , لين ينفتح وخل الشيخه تنفعه

ناس تستحق العزل عن العالم :(



فاللي ابغا اوصله للي يسوي مثله

ياخي اذا انت تسمع اغاني و ربي باليك فيها

لا تجاهر فيها وخلها بينك وبين نفسك

ورخ الصوت على قدك

لانك اذا رفعت الصوت

تسير مجاهر بالمعصيه

ياليت لو تتأمل قوله تعالى ( وَلَيَحْمِلُنَّ أَثْقَالَهُمْ وَأَثْقَالًا مَعَ أَثْقَالِهِمْ ? وَلَيُسْأَلُنَّ يَوْمَ الْقِيَامَةِ عَمَّا كَانُوا يَفْتَرُونَ )

يعني ترضى تتحمل ذنبوك وذنوب اللي سمعوا من شدة الصوت ؟؟؟

الواحد يالله يالله يتحمل ذنوبه وتبغا يتحمل ذنوب غيره !!

(( ^ تأمل فيها بالله ^  ))

وتأمل قول النبي 

عن أبي هريرة رضي الله عنه قال: سمعت رسول الله  يقول: ((كلّ أمّتي معافًى إلاّ المجاهرين))

يعني الله يغفر و يستر على اللي يسوي المعصيه بينه وبين نفسه ولا احد يدري عنها

لكن الفاسقَ المعلن اللي يجاهر بالمعصيه لا يعافيه الله عز وجل لانه استهان في حق الله وجاهر بمعصية ربه 

فأنتبهوا يا حبايب لان في خطوط حمراء واحنا غافلين عنها , وباب التوبه مفتوح توب والله بيقبل توبك بشرط توبه صادقه و انك تنوي بقلبك انك ماعاد بترجع تسويها , وانك بتسير ترفع على قدك عشان لا تكسب ذنوب فوق ذنوبك , ولا تجاهر بمعصية ربك

تحياتي لكم / اخوكم ابو يزيد

ملاحظه هذي بعض الصوتيات يمكن تغنيك عن الاغاني وان شاء الله تعجبك

http://www.youtube.com/watch?v=pG8Httxudr0
http://www.youtube.com/watch?v=ahEH-PRfRfA
http://www.youtube.com/watch?v=BOonm20RyJc
http://www.youtube.com/watch?v=cmSuWpRYkWo
http://www.youtube.com/watch?v=qPYhOzrrfes
http://www.youtube.com/watch?v=yyu8HcpJM3s
http://www.youtube.com/watch?v=v-bogcw8Cl8

إبلاغ

الردود