سلفرادو 2012 غماره وحده هل هو غير مرغوب في السوق

عشانها 6 سلندر كل الناس تبي 8

زي ماقال ^^ الناس يبون 8 سرندل 

ويفضلون السييرا كا افضل شكل  وهيبه عشان ال GMC 

والله يزرقك البيعه الي تسرك ..

تصدق لو جبت لهم شاص او انك لو حطيت علامة تويوتا بدال السسيرا كانوا شروه وهم مغمضين

لان عقولهم متحجره حق تويوتا وحبهم لها ولسياراتها المعفنه ولوكيلها الخايس

ولكن خلهم يجيك من يعرف قيمة سيارتك ويقدرها

اتوقع الالوان مو مرغوبة و خصوصا الداخلية .

,جابت 50 بيع ماتحصل رغبه

بسبب مواصفاته ولونه 

والله انا آمل فيه فوق ال50

كل موتر وله رغيب
لاتستعجل عالبيعه وانا اخوك هنا المستعجل يبخسونه
جدد اعلانك كل يوم ونزلها في اكثر من موقع ويجيك الي يرغبونها وما يبخسونها
ان شاء الله

1- إذا كان موترك V6 مو V8 فهذا شيء طبيعي إنك ماراح تلقى عليه هذاك الإقبال ؛ لصغر حجم المكينة بالنسبة لوزن السيَّارة العالي !
2- عموماً سوق الشاحانات الصغير مثل : شيفرولية سيلفرادو ودوج رام وجي إم سي سييرا عندنا بالسعودية محدود جداً ؛ لأن السعوديين يميلون أكثر للجيوب وسيَّارات السيدان 
طبعاً هذا مو إحتقار في هذا النوع من المواتر بالعكس مواتر عملية وحقت كرف ولها ناسها ، بسْ قيادتها مملة نوعاً ما لثقل وزنها وكُبر حجمها !
عموماً إنت اترك إعلانك لمدة اسبوع أو أكثر ، لأنه من المستحيل إنه بيجيك زبون بنفسْ اليوم إذا كانت السلعة مُسْتخدمة ، إصبر إسبوع أو أكثر والله بيرزقك بالبيعة الي تسرك ! 
بالتوفيق ..

اذا سيارتك 6 سلندر فأنا اقولك بيعته ثقيله وانا كان معي واحد نفس المكينه حق الشركه
عزمه ضعيف ودايخ والله خذيته اسبوع ورجعته لهم قلت مابيه عطوني غيره ، يرفع الضغط مع احترامي
لو انه 8 سلندر ماجلس 5 دقايق / شكرا

انزل معارض النسيم 3 ايام وحول بعدها للشفاء بتلقى بالهبل لاتستعجل

يعطيكم العافيه أجمعين .. أفدتوني كثير ♥