سؤال لاهل الكوابرس

قصدك رجه ؟ 
السيارة تحسها ترج لما تشغلها ؟؟؟ 

هذي البواجي ي غالي ولله اعلم ..  ، واحد من الشباب معاه كرسيدا .. كانت سيارته تنفض بشكل مو طبيعي
حتى خاف انها المكينه ، اخر شي طلعت البواجي وغيرها ورجعت زي الفل ^ـ^

يا اخوي اذا تنفض السياره نفضه قويه وترتج هذا عندك احد البواجي طافي 
او احد البلوف ماسك يعني عندك أحد السلندرات ما يشتغل طبيعي انت جيك 
علي البواجي انت شغل السياره وافصل أسلاك البواجي سلك سلك واذا انفضت 
السياره اكثر وطفت يعني السلك اللي رفعته اوكي والسليندر شغال طبيعي لحد 
ما توصل الي سلك اذا فصلته وما تغير شي بالسياره يعني العيب بالسلندر هذا 
اللي فصلت سلكه افحصه شف يمكن من البوجي مزيت ولا محترق وحاول تفك 
البوجي وتبدله واذا ما عندك محل قطع غيار قريب فك البوجي وحط راس البوجي 
علي جولة المطبخ وخله يحمي لحد ما يجمر وبعدها شيله وخله لحد ما يبرد بعدين 
ركبه علي السياره وانتبه تمسك البوجي بيدك لازم زراديه علشان انه حار ويحرق 
وان شاء الله تظبط .
تحياتي

نفس كلام اخوي فوق اعطاك العلم والبواجيات رخيصه غيرها وريح راسك واذا تحب بشغله ابسط جيب صنفره ناعمه وبنزين95 ونظف البواجي كلها والله انه يرجع حديد يلق لق وركبهم الثمانيه كنا نسويها ايام الطفره -_-

شباب يعطيكم العافيه غيرت البواجي اصلي واسلاك البواجي اصلي ولسى النفضه موجوده ما راحت 

هاذا اللي محيرني وفكرت فيه على طول البواجي والاسلاك وغيرتها بس الموضوع ما اختلف هل البخاخات لها دور او الديلكو او كراسي المكينه تكفون افيدونا

يا wwf2004 كل الاسباب اللي قالوها لك الشباب هي م اسباب النفضه وبرضوه البخاخات سبب والكربون وكراسي المكينة كلها سبب لكن اذا النفضه بسيطة ماسببت مشاكل على السيارة كتمه ولا رجه قويه لا تدقق لاتنسى انك تتكلم عن سيارة لها 22 سنة فطبيعي انه ينتفض لان مافيه من ذاك العزل او مقومات المواتر الجديدة ليسا تقليل من القيمة لكن هذي الحقيقة فعادي جدا اهم شي انه يمشي معك كويس ولاهوب يطفى ولا شي دق سلفه وتوكل على الله اذا انت لك فترة ماصفيت المكينة ممكن تغير له صفاية وتنظف البواجي والدعسة وان شاء الله تخف

يعطيك العافيه ياخوي والله سويتلها تصفيه وغيرت الصفايه بس لسى ما راحت موجوده النفضه بيني وبينك رافع ظغطي شعله اشم ريحة الكربون والبنزين داخل السياره تروح وتجي الريحه ما ني عارف وش سالفتها

بواجي - اسلاك بواجي - ديلكو

علتك في احد هالاشياء الطريقة المستخدمه من قبلي في الفحص
بما ان كهرب الكابرس قوي افضل البواجي واحد واحد من الديلكو وشغل السيارة اذا ضعفت المكينه بفصله
البوجي سليم والسلك سليم اذا ماحسيت في تغير ملحوظ غير السلك وجرب لين تكتشف العله

اذا الامور سليمه شيك على شاكوك الديلكو ممكن تلقاه جايه كهرب قوي مثلي ومحترق

لان مشكلتك عقدتني لمده اسبوع وعندي الديلكو شاكوشه يدور شوي وشوي يدور بوش

افضل البواجي = افصل البوجي واشغل

والله يا خوي يعطيك العافيه على الرد وديتها للمهندس وقالي البخاخات يبغالها طقم اصلاح بعد ما يفحصها بالكمبيوتر

قلتله على كلامك قالي لا مو العيب فيه