تقرير تنظيف الثروتل

المنظف هذا نظفت فيه سيارتي ... لكن يعيبه انه زيتي ويجمع غبار

اخوي يمكن انت نظفت بطريقة تختلف انا نظفه لي وقعد عليه بمنفاخ الهواء لين نشف وماحصلت فيه رطوبه ثم ركبه يمكن انت نسيت ولو كم قطرة تجمع غبار لازم ينشف بالكامل

لأتعليق ولاشي ناس تمشي وتوزع ديس لايك .. طيب قلي وش الغلط في موضوعي؟

مشالله شغل حلو  
كويس ما نضفها لك وهي راكبه 
انا اعاني كنت من البوابة حق الهوا ونضفتها وهي راكبه ووزنة الدعسة بالكمبيوتر
ضبطت شهر بالتمام ورجعت علا حالتها فصلت الفيش حقها ورفعة الدعسة يدوي 
ودورت بمحلات القطع اقل من 650 ماتلاقي غير انه يبغالك 50 تركيب و100 برمجه
بس الحمدلله لقيت بالتشليح واخذتها وركبتها وان شالله معد ترجع لخبطة الدعسة 
بس راح عن بالي اني افكها واركبها وموفق اخوي حبيت اذكر معاناتي ههههههههه ولك لايك

جيت اقيم معاناتك جاني لايمكن التقييم 7 مرات متتالية هههههههههههههههههه
الله لايوريك مكروه في سيارتك ..والحمدلله انا ارتحت لشغل التركي برغم غلائه الا اني فضلت دفع 100 وتنظيفها على يد خبير وكمان اشوف طريقته واحفظها 
افضل من الفهامه اللي ممكن تخليني اعوف السيارة.

أحييك علي الموضوع 
واشكرك عليه 
وحبيت أضيف لك الثروتل يتنظف ببخاخ الاسي ديلكو 
بس الحساس انتبه تنظفه بالأسي ديلكو فيه بخاخ خاص اسمه منظف الإلكترونيات 
هو اللي ينظف الحساسات .
وعلي ردك تقول ما اقدر أقيم اكثر من ٧ مرات انا اقولك شنو تسوي روح للموضوع 
وعطه ديسلايك وبعدها عطه لايك انا كذا اتحايل علي نظام المنتدي .
ومنتظر جديدك 
تحياتي

وهذا لايك بعد الاحتيال هههههههههههههههههه والله المختص نظف الحساس والثروتل بالبخاخ وانا سألته قال ماعليك هذاك لو مستعجل وتبغاه ينشف بسرعه لكن انا بنشفه لك بالمنفاخ وبالفعل ماتحركت الا لما تأكدت ان كل شي تمام ولافيه قطرة ماء

هههههههههه عسي الله يسعدك دنيا وآخره 
ترا انا تحايلت علي النظام لموضوعك عطيتك ديسلايك وبعدها لايك 
وعلي طاري التنظيف لا انتبه وانا اخوك انا اذكر المدرس قالنا الحساسات 
ما تتنظف بالأسي ديلكو لما قلت ليه حنا ننظف فيه كل شي قالي الحساسات 
مصنوعه من قطعه خفيفه من النحاس والأسي ديلكو فيه مواد مذيبه وقلويات
وهي تذوب النحاس كيميائيا.
وتبيني اسمع كلام ميكانيكي تعليم ورش او اسمع كلام مدرسي مهندس وشخص
متخرج أكاديميا 
تحياتي

الله يخلف على مزيونتي ان شاء الله مايصير شي ويعطيك العافيه .. مشروع الميكانيكا لو مسكوه ناس سعوديين دارسين والله بيندمر سوق الاتراك واليمانيه لانه قائم على التخمين ومعظم المشاكل مايعرفونها ويجربون فيك

يا اخي ما نبي عيالنا السعوديين مشروع الميكانيكا يا اخي خلهم يشتغلون علي سياراتهم 
بس هذا اللي نبيه وثق بالله ان الأمريكان مو مقصرين علي اليوتيوب يعلمونك علي التوضيب 
ان كان قير ولا ماكينه او حتي كيف ترش موترك بس بعض عيالنا اتكالي وفيهم كسل الله يهديهم 
تحياتي لك 

السلام عليكم ورحمة الله وبركاته. 
يااخوان ايش فائدة الثروتل من تنظيفه اعطونا علشان نستفيد

تنظيف الثروتل وحساس الدعسة مو شرط انه يوجد عطل حتى تنظفه للمحافظة على اداء السيارة .. وبرضه اذا تراكمت الاوساخ عليه ممكن يكون سبب في انطفاء او ضعف المحرك وقد تحصل رجفه في السيارة وانخفاض في عداد Rpm طبعا هذي علامات قد تكون من الثروتل او من شئ اخر ولكن لايجب اهمال تنظيفه بشكل دوري في كل مرة نسوي فيها تصفيه للمكينه

يعطيك العافيه ياصاحب الموضوع على الموضوع

صاحب الرد الاول كلامك صحيح اي سي ديلكو فيه ماده زيتيه تمسك الاوساخ بعد فتره
المشكله ماتلقى بخاخ خاص بالثروتل بسهوله لذلك نضطر نستخدم اي سي ديلكو

حاليا فيه بخاخ كويس في ساكو اسمه ( كارب كلين )