استشارتكم تاهو بدبل او بدون

صباحك قشطه بالعسل وجبنه بالمربى هههه

أول شي مشكور جدا على الدعوة الله يجزاك خير .

بالنسبه للتاهو دامك منت راعي بر ومطامرات اخذ بدون دبل افضل ارخص في السعر ولايتعبك في الصيانة .

بالنسبه للعزم والرساوة طبعا الي بدون دبل أخف في السرعة عشان ابو دبل فيه دفرنسين .. والرساوة واحدة ماتفرق بدبل أو بدون .

واذا قدرت تصبر وتاخذ 2015 يكون أفضل لأنه بيتغير شكله بالكامل وشكله رهيييييييييييب ... لاتنسا الاستخارة بالله .. بالتوفيق .

ماله دخل الدبل في الخرابات , الا اذا اعدمت امه ولا تعرف تشغله !!!

الشريطيه هذولي هم اللي طلعوا الاشاعه هذي

عشان هم دايم يبغون يمشون اللي عندهم والاغلب يجي بدون دبل

فيجي ويقول بدون دبل , يعني انسى خرابات الدبل , و طبعا اخف و انعم !!!!!

هذي اشاعه , الدبل اذا كان طافي يكون مثل التاهو اللي بدون دبل , فكيف تقول اخف وانعم !!!

الدبل , مهم , مثلا كنت على خط وكنت حشران , وجنبت على التراب و غرزت السياره !! , لازم تشبك الدبل عشان تطلع 

فالدبل مهم , وراح يجي يومه لاتخاف

الوالد شرا جمس وكان ما يبغا دبل , ولكن طلع بدبل , وكان موديله 2004 , المهم كان ماله فائده , لكن استفاد منه , وقال الحمد لله اني اخذت بدبل , مره رحنا للباحه وكانت طلعاتها قويه , وشبكنا الدبل و تشوف كيف يرقا بكل سهوله وهو مريح على الاخر لان الكفرات كلها شغاله و موفره جهد , و مره لف مع لفه و طلع قدامه ردميه وصبات , وهو يحسب ان الردميه صغيره لانه راكب بالجمس ويحسبها نازله عشان بيرقاها  عادي , المهم قدم قدم لين وصل عندها وطلعت مرتفعه جدا , وجاء يبغا يدق رويس ونشب , لان الجمس طويل ووراه صبات , وهو بيالله دخل فصعبه يرجع بالرويس لانه ممكن يحك , وشغل الدبل , ورقا ام الردميه , طبعا الرديمه عباره عن تراب + حصا , عند احد الفلل اللي تنبني , وقال انه الجمس تعلق من بطنه , والكفرات الخلفيه تشمي لين طاح على وجهه , و بمجرد ماا نزلت الكفرات الاماميه , على الارض واشتغل الدبل , مشت الكفرات الاماميه ونزلت السياره زي سلام عليكم , لو كان بدون دبل كان لقيته معلق وعيا ينزل لان كفراته الاماميه ما تشتغل 

فالدبل والله مهم و راح يجي يوم وتحتاجه  

تحياتي

كلام سليم يبو يزيد
خذ دبل وقت الحاجة يفيدك و احسن بالبيع بعدين
و الشكل الجديد بيزيد سعره و بينزل مكينة V6 بسعر V8 الموجود حاليا"

صباح النور اخوي وجزاك الله خير على اادعاء 
بالنسبه زي مقال اﻻخ
مابغى ازيد على كﻻمه لكن معروف ان الجمس سياره استخدامها كثير في ااسفر
وسياره ثقيله تسافر مع اهلك بخط واحتجت توقف بااخط تبغى تريح ايس تبغى تمشي عيالك 
امور كثير تبغى تصلي طبعا دائما بجناب الخطوط او اكثراه فيها تغاريز
فﻻزم تحتاج الدبل
هدا ماحصلي اخدت جمس بدون دبل ومعاي الى اﻻن وندمان مره اني ماخدت دبا
الفلوس تروح وتجي لكن احطها بشي يفيدني
المهم دخلت اشوي بجنب الخط غرز على طبعا هدا عشان اصلي المغرب
تخيل جلست ساعتين وغابت الشمس وطلع على الخط محد راضي يوقف دقيت عاى امن الطرق وطلعوني دايما اتمشى مع جماعتي وتغرز اﻻن وقت التمشيات ربيع وناسه اشيل هم الطلعه وادا طلعت بتدعس بالسياره عشان ماتغرز
المهم ان الدبل ضروري جدا
وبالنسبه للي يقولك خربتها كثير اسمحي غلطانﻻن الدبل يشتغل في حالت انك شغلته
وادا كان طافي يكون زي الجمس اللي بدون دبل
واستخير بالله واتمنى لك اللتوفيق

زي ماقالو الاخوان الدبل مهم موب لازم شغال على طول في عند ازرار تقدر تختار دفع ثنائي خلفي او رباعي مستمر اتومتاتيك يعني يشتغل وقت الحاجه ويطفي لمن مايحتاجه

وصدقني انه الدبل مهم كيف تشتري تاهو سعره فوق 100الف وهو مايدخل تراب ولا طعوس ولا شي وتجلس معاك تاهو ودايم تخاف من اي تراب في الطلعات بيجي مواقف لازم دبل وعن زياده سعره يعني انت الحين اذا شريته مع دبل وجيت وقت تبيعه بيصير زي سعر الي بدون دبل لا اكيد الدبل له زياده في السعر يعني بتبيعه اغلى من العادي وبينفعك الدبل في الاستخدام

سياره هذا وش كبرها وبدون دبل ماتجي


الدبل بيجي يوم وبتحتاجه صدقني

البارح طلعنا طلعة جهة البحر وكان فيه طلعه وفيها تغاريز واثنين من الشباب معاهم يوكن 2012 دبل و 2013 بدون دبل 
اللي دبل مشى بسهولة واللي بدون تعب في الوصول وللمعلومية كلهم استخدامهم حق مدينة لا طلعات اسبوعية وولا شي نادر جدا يطلعون مثل هذه الطلعات الطعوس وبصراحة راعي اليوكن اللي بدون دبل تفشل

انصحك بالدبل وطبعا الخيار الاول والاخير لك

يا رجل ترى الرمل الي بجنب البحر يغرز التاهو وهذا عن تجربه مع احد اقاربي يا هو انقهر وقتها هههههه لان ما عنده دبل 

السلام عليكم ورحمة الله وبركاته 
ابي اختصر تجربتي وان شاء الله اقدر افيدك 

معي تاهو LT 2013  ((دبل)) علي يدي من الوكالة ماشي الان 30 الف السيارة ماشاء الله تبارك الله اكثر من رائعه 
التاهو رائع من عدة نواحي وهي:
الشكل
العزم
التماسك
التحمل 
السيارة اول ما خلصت 1000 كيلو قلت ابي اجرب الدبل دخلت فيه طعوس ونفوذ ما كنت متوقع اني اقدر اطلعها بالتاهو بس عيبه الوحيد في البر ((الدقن)) نازل ويحك واحتمال يطيح عليك
من اول طلعه زي ما صار معاي بس انا كنت شوي متسرع واجاري اخوياي اللي معهم مقفصات 

الزبدة خذ دبل وان شاء الله ماراح تندم وراح تفل ام امها صح

الآن فيه عرض من الجميح بس مادري هو انتهى او لا الدبل 135900 واللي بدون دبل 133000  فرق بسيط 
الدبل افضل خصوصا  ان حجم السياره كبير.

تاهو دبل 4×4 ماعليه زود

تبي تدفع ١٤٠ الف للي بدون دبل
زدها عشرة وخذ دبل
لو الفرق مثلاً ٢٥ او ٣٠ الف انا معك 
لكن الفرق بسيط 
كما ان الدبل عند البيع مرغوب أكثر 
بالتوفيق