ما رأيكم بالتريل بليزر؟

موتر كفوو وسياره جباره معنا 2008 ماشاء الله تخدم وتكرف ونسافر عليها ولا بيها اي مشاكل توكل وخذ واهم شي افحص

اي ولله من سنة 2006 و انا اشتري منها اول شي انفوي بعدين انفوي بعدين الحيت تريل بليزر و سيارة كفو و ماكينة جبار ماشاءالله 
حتى في البر الدبل 100% 

أفشل سيارات ع وجه الارض .  اخذته جمرك


بعته وعندي صابونة 96  ltz  اماراتي مرتاح فيها مع فرق الموديل.

انا اتكلم على بليزر 2005 الي كان عندي


الله يخنارك الي فيه خيرة.

أنصحك لا تفكر تاخذه موتر خرابات وأعطال

كان قصدك الشكل الجديد لا بأس به و سعره مناسب بس مهو منتشر
صحيح انه كولارادو "ايسوزو" مصندق  تجميع اسيوي
بس مكينته  V6 3.6 غنية عن التعريف موجودة بالاكاديا و الامبالا و الماليبو و الكاديلاك
بس ما يجي فتحة و قفل دفرنس و احتمال شكله يتغير 2015 لانه بينزل كولورادو امريكي 100%

http://www.google.com.sa/search?q=%D9%83%D9%88%D9%84%D9%88%D8%B1%D8%A7%D8%AF%D9%88+2015&safe=active&source=lnms&tbm=isch&sa=X&ei=9gEBU7XbIvKa1AXC44HoCw&ved=0CAgQ_AUoAA&biw=320&bih=508&dpr=1.5#biv=i%7C9%3Bd%7CNP9i8iq7rDvRjM%3A


 

لا انصحك فيه ابدا 
كان عندي الشكل القديم
ما شفت فيه الخير 
وما خاب من استخار
استخير وشف وش يصير معك

سيارة حلوة بس الصراحة شكل الموديلات القديمة أفضل بكثير من هذا الي فيه شبه من الفورشنر

نصيحه لك من مالك هالسيآره ، اصرف النظر عنها فآشله جدا هالسياره =توضيب قير غير مشاكل الطبلون العدادات تخرب والموتر يبي له يوميا تربيط ! عزل الهواء بايخ قطع الغيار غاليه الموتر بشكل عام يطلب ،زدها شوي وخذ لك يوكن

^^ طبعا اتكلم عن الشكل القديم

الكابرس خربات والبليزر خرابات وافيو خرابات اتقو الله يا عالم انا استعملت كل السيارات ومحافظ عليها ولا عمري اشتكيت العيب مو ب السياره العيب من الورش الي تلعب فيها 

انا ماجبت شي من رآسي ! موتري وموجود عنديُ ونصحت الرجال وهو بكيفه معقوله انا الوحيد الي اشتكي منه ؟ كل الناس تشتكي " بالمختصر "البليزر ملك الصناعيه" 

انا    سالت   عنه  ماحد   مدحه

خذالك    فورتشنر   6  سرندل  تماتيك
كفووووو      تنسى    درب  الصناعيه
  تنسى    وجه   الكهربائي
تنسى  محل  قطع  الغيار     ان  شاء  الله


صح  الراحه  والرساوه  لك عليها    لاكن    موتر   1000/1000

عن  تجربة    طويلة   الاجل

استغرب علي اللي يمدحوها الحين وانا عمري ما سمعت احد يمدحها لا اصاحبها ولا الميكانيكية ولا محلات قطع الغيار لا هي ولا الانغوي دورلك شئ تاني افضل وبالتوفيق

ما انصحك فيها لانها سيارات فاشلة بما تعنيه الكلمه

اذا قصدك الشكل القديم الي من 2002 الى 2009
ورب الكعبة انه من افضل السيارات بالنسبة لي
شريت واحد ماشي 160 الف
وبعته ماشي 270
بسنتين مشيته فوق الـ110 الاف ولا عمره دخل الصناعية
الا مرة وحدة خرب الدفرنس الامامي لاني ماكنت محافظ عليه
الرصيف اخذه سفري مثل المطب ههههههههههه

غير كذا كل يوم اداوم فيه من الرياض للخرج ولا عمره قال لأ
بس أهم شي دور النظيف

والله حيره ناس تقول كذا وناس كذا طيب العلم وشنو

والله حيره ناس تقول كذا وناس كذا طيب العلم وشنو

السلام عليكم ورحمة الله وبركاته
اخواني الكرام 
رغم كل ما ذكر عن عيوب البليزر ما سبب انتشاره بالشارع؟

يااخوان كل السيارات المستخدمه اللي شريتها هبلت فيني والسبب النصب والاحتيال اللي في المعارض السياره الوحيده اللي كرفت معي سنه كامله بدون مااحط فيها شي هي الانفوووي  لاني ببساطه جبته من امريكا نظيف وغير مغشوش سياره عسلللل وناوي ادور لي واحد هاليومين بس مشكلتي ابي النظيف ومالقيت بهالديره الا المضروب بس عسى يعطينا على قد النيه