أضف سؤال أو موضوع جديد          

المره اللي راحت خسرت 1000 والمره هذي م خسرت ولا ريال

up 26 down 1
hmada1213 2018
قبل 7 سنه و 11 شهر



بسم الله الرحمن الرحيم 

السلام عليكم ورحمه الله وبركاته 

أصبح | أمسي عليكم بالخير أحبابي آعضاء منتدى حراج

ندخل بالموضوع . 

انا قد نزلت موضوع وهي مشكله بسيارتي التاهو 2011 وهي كالتالي : 

انه الموتر تولع فيه لمبتين مانع الانزلاق ولمبه المكينه ، وتفتفه قويه ونتع بالقير 
ولازم استخدم النمر ( M ) واحشره بنمره عشان اوصل 80 

طبعا قبل 4 شهور تقريبا حصلت لي وخسرت الف ريال بسبب شيء سخيف مادريت عنه

تغيير الدعسه + برمجه = الف ريال تقريبا 

واليوم الصباح حصلت لي واستغربت توني مغيرها والقطعه عمرها طويل وماشيه 70 الف بس

وجلست ابحث وابحث ماكان ودي اخسر الف ثانيه ، وسبحان الله لقيت واحد الله يجزاه خير كاتب طريقه وقلت انقلها لكم

( توقف وتخلي السياره تشتغل لمده دقيقه وهي على D وتطفيها وتروح تفتح غطاء البنزين والسبب فيه هواء ) 

جربت قلت مو خسران شيء 

وسويتها وطلع هواء احسه مكتوم بالتانكي وتجمع الهواء بسبب عمال المحطات يسكر الغطاء ويصير مايل

والله العظيم طفت اللمبات ورجع الموتر وكاله ! 

والمره اللي قبلها لو كنت مسويها كان الف ريال بجيبي 

لكن كل دقه بتعليمه 

وآسف ع الاطاله 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


انا فسيارتي نفس الخراب ذا ولم تضبط معنا حركة الغطاء التانكي


up 0 down 0
khleid
قبل 2 سنه و 11 شهر



جزاكم الله خير
وانا نفس المشكلة صارت معي
فتحت غطا البنزين وانحلت المشكلة
الحمدلله



up 0 down 0
khaled_abdulall 6
قبل 2 سنه و 3 شهر