كابرس 90 أو كابرس 96 ss ؟؟؟

طيب موديلات 91 الى 93 وشفيها ؟
انا اشوف الناس دايم تسال عن 90 ونازل او94 وطالع !

انصحك بالكابرس 87 الى 90 
يا فيه راحة تخليك تنسى شيء اسمه كابرس 96 ss

بالنسبة لرد الاخ حسوف 

موديل 91 و طالع ما حبيت شكله الا ال 96 ss

مشكووور يا ابو مبارك

ننتظر بقية الشباب

ننتظر بقية الشباب

ابحث عن النظيف ....الناس تذمه لانه نادر النظيف ..صاحبي كان معه واحد ماشاء الله طرب في الخط اذكر يوميا يوقفونه ناس تبيع تبيع

الين صار عليه حادث بطريق المدينه -الرياض بسرعه 270 والحمدلله بقدرة الله سلم الا من بعض الكسور 

خويي امتلك اس اس 96 وكنا بابحر نتمشى على رواق الا والسيارة وقفت فجاة وهي تدحدر اتصلنا بالمرور وجابوا ونش يشيلوا السيارة
رحنا عند الميكانيكي وقال الدفرنس ضرب وصراحة من بعدها السيارة ماشمت العافية لانه غير ثلاث دفرنسات تقريبا حقات صابونة
وتضرب عليه في الاخير باعه برخيص
بس السبب في ضرب الدفرنس هي القومات وياعليه قومات تشق الارض وتسمع الطرب طول الطريق 
والسبب الثاني اللي انهى عليه الدفرنس هو التهبيط تنزيل السيارة للارض 
والا كل شيء فيه هيبة وروعة هالكابريس 
اما القديم ماتخاف عليه اي شي تقدر تولفه عليه وسهل استخدامه
موفق..

اخوي انا مجرب كابرسات موديلات 86 و 89 و 91 صابونة و صابونة بوكس 92 و صابونة او الوحش SS 96
بصرااحة انسيابية وراحة المقاعد وقوة بالقومة صابونة رووعة وربي خصوصاً 96 اس اس ووحش يكفي هيبته 

ليش ماتفكر بيوك رود ماسترخطييير وربي قوة وفخامة ..... بس وين بتحصله *قصدي وين تحصل نظيف

ونصيحة ابعد من موديلات 89 وتحت يشرب بنزين شرب موطبيعي ... وغير شبهه كل تفتيش يوقفوك .
... عكس صابونة اقتصادية ببنزين 

طيب موديل 90 يشرب بنزين ولا لا ؟

و ايش انسب قير و مكينة للموديل هذا ؟

موديل 89 و90 ماتصرف لانها بخاخات اما 88 وتحت هي بالوعة البانزين لانها كربليتر 
انصحك ب90 بس يكون نظيف ... وابعد عن الصابونه 

طيب يا اخ has90has

الكابرس 96 ss خرابات و لا لا ؟؟

و ممكن احد يقول لي على اسعار الكابرس 90 النظيف

و 96 ss النظيف

والله ونا أخوك على حسب النظافة فيه كابرسات تلقاء نظيف وفي معدوووم 
ومن ناحية خرابات شئ طبيعي السيارة عمرها ماشاء الله * 18 سنة طبيعي تطلب تصليحات
بس اهم شئ تاخذ شئ نظيف .... 
الله يرزقنا ويرزقكـــ 

اذا عندك القدرة انك تنفض الموتر من والى يعني تجدد القطع
خذ موتر من 87 الى 90 ولاتخلي مسمار الى مغيره اذا كان قديم

وبيعيش معك 10 سنين قدام بالراحه

اهم الاجزاء ( ميكانيكا - كهرباء - اذرعه مقصات جلد - كراسي مكينه وقير ) وشغل وامشي

بمعنى لو عندك موتر شريته ب 8 وعندك قدره تدفع 10 الاف بس يرجع كالجديد
اعقلها وتوكل وابحث عن الموتر النظيف من ناحيه ( الشاص خالي من العذاريب والصدوم القويه )
اما المحركات تتغير سواء مكينه قير ودفرنس والممشى لايهمك لو كان 900