أضف سؤال أو موضوع جديد          

تخزين تاهو او السيارة بشكل عام

up 1 down 0
saleh734 1091
قبل 7 سنه و 2 شهر



أسعد الله اوقاتكم اخواني بكل خير
استفساري حفظكم الله عن تخزين السيارة
عندي سفر لمدة سنه
والسيارة تاهو وراح اعطي قريبي مفتاح السيارة فماهو الافضل للمحافظة على السيارة من التلف (جلب والكفرات)
هل يتم تشغيلها كل اسبوع فقط او يأخذ فيها لفة او كل اسبوعين شاكر لكم جميعا تفاعلكم








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الحل الامثل انت ذكرته في موضوعك

(( هل يتم تشغيلها كل اسبوع فقط او يأخذ فيها لفة او كل اسبوعين شاكر لكم جميعا تفاعلكم ))
^^
ايه خلها يشغلها كل اسبوع وياخذ فيها مشوار بسيط 


كل اسبوع يلف فيها بالحاره يكفيها باذن الله


up 2 down 0
االخاالدي 3898
قبل 7 سنه و 2 شهر



تمام عليك جاوبت عن نفسك ..  و الاخوان ماقصروا والله يوفقنا و اياك 


up 1 down 0
kq11 231
قبل 7 سنه و 2 شهر



الأفضل إنك تبيعها .. و ما تضمن قريبك يتفضى لها كل إسبوع ! ! ! بع سيارتك و بعد

سنة طق لك موتر ثاني .. لو سفرتك 3 أو 4 شهور ممكن أقول لك خل قريبك يخزنها

بس سنة كثييييير والله ! ! ! موفق بسفرتك .


up 3 down 0



المشكلة وانا اخوك توني شارية جديد مايمديني لبيعة واتخسر فيه


up 0 down 1
saleh734 1091
قبل 7 سنه و 2 شهر



لا يارجال دامك توثق بقريبك عطه وماعليك وخله بالاسبوع ياخذ لفه فيه 


up 1 down 1
momo21 155
قبل 7 سنه و 2 شهر



زي ماقالو الاعضاء كانك واثق بقريبك خلها معه وكل اسبوع كذا تقريبا يطلع عليها مشوار بسيط ولا ياخذ فيها لفه بالحارة وموفق تروح وترجع بالسلامة


up 1 down 1
فهد الريااض 333
قبل 7 سنه و 2 شهر



ياخذبها لفة ويمشيبها خط لان الجديد مايفتح كامل السلندرات الى على سرعه 
وخله بعد 6 شهور يغير زيتها حتا لو مامشت واجد وحسبها صح اذا تقدر تبيعها 


up 0 down 1
bamaas -2
قبل 7 سنه و 2 شهر



افصل أصبع البطارية ونسم كفراتها وخلها تحت مظلة 


up 2 down 2
ابوسعود 87 115
قبل 7 سنه و 2 شهر



شاكر لكم اخواني وانا ودي اعطيكم نقاط وطلعت لي الرسالة التالية
0 لايمكن التقييم بشكل إيجابي 7 مرات متتالية.
إضغط هنا للإخفاء

الله لايحرمكم الاجر
دمتم بود



up 0 down 2
saleh734 1091
قبل 7 سنه و 2 شهر



شاكر لكم اخواني وانا ودي اعطيكم نقاط وطلعت لي الرسالة التالية
0 لايمكن التقييم بشكل إيجابي 7 مرات متتالية.
إضغط هنا للإخفاء

الله لايحرمكم الاجر
دمتم بود



up 0 down 1
saleh734 1091
قبل 7 سنه و 2 شهر



اذا تبي رايي ..
انا اختلف مع الاخوان كل اسبوع يشغلها ! غير زيتها وافصل البطارية ولو ترفع الكفرات يكون افضل ,,ترى لو كل اسبوع يشغلها يكرفها كرف ...
تجربتنا حنا سيارتنا عادي نشغلها كل شهر عشان البطارية اذا ماطلعنا فيها خلال هالشهر ولو بتخليها بنسافر او شي فصلنا البطارية وغطيناها (بس اهم شي الغطاء مايكون بلاستيك مايدخله هواء وبسبب لك صدى يكون قطن )او تحت مظله ..

اذكر عندنا لومينا بالبيت كل اسبوع نشغلها ونرجع شوي ونمشي ونطلع بالحارة كذا ...لين ولعت لمبة المكينة وصارت تبديلات القير تنتع وتطول ماتعشق.


up 1 down 1
talal abdullah 5421
قبل 7 سنه و 2 شهر



يارجال اعمل له توكيل قياده وخله يسوقها ويخلص مشاويره ويسافر عليه بعد


up 0 down 2
عبدالرحمن النوفل 108
قبل 7 سنه و 2 شهر



حياك اخوي
اذا السياره ما بتتحرك ف بعلمك سالفه حكاها لي ابوي الله يحفظه
واحد من اصحابه معاه جيت لاندكروزر موديل 1980 اشتراه وكاله على ايامه
و استخدمه 6 سنوات وبعدها وقفه
الرجال هذا يحب سيارته و مستعد يضحي بنفسه لكن ما يضحي بالسياره
وش سوا ..??
دخل السياره بالبايكه و رفعها بالعفريته و وقف السياره ع البلوك حق العماير
بس ثبت البلك ع الشاصي اثنين قدام و اثنين ورى
و نفخ الفكر لين قال الكفر بس
و الله الذي تعالت اسمائه ان السياره واقفه 8 سنوات ع البلوك اللهم انه يشغلها
بين فتره و فتره و هي ع البلوك
و بعد 8 سنوات نزل السياره و الجلد غيرها و الكفر بعد سنه غيره
و السياره الى يومك هذا زي الورده

اذا سيارتك ما بيحركها قريبك ف اتبع الحركه هذي
و صدقني ما بيحصل لسيارتك لو قد الشعره


up 0 down 0
w176.amg 2014
قبل 7 سنه و 2 شهر



تبي الجد هالسيارات الجديدة بالذات الامريكية ماتصلح للتخزين يعدم الصوف والتروس اذكر واحد مخزن ماركيز تفقعت مساعداته وهو وافق مكانه وغيرها وصلح بعض التهريبات وباعه وهو مامشى كثير ما اقولك بعه بس حاول يستخدمه كل اسبوعين مرة يطلع عليه ويغير زيته حتى لو مامشى


up 0 down 0
بريق الرياض 258
قبل 7 سنه و 2 شهر



انتتتتببببببهه تنسم الكفففر 

عبي الكفر على 50 وترى االسنه قليله سبحان االله يعني ﻻتستعجل تبيعه والله يوفقك


up 0 down 0
ahmad alhodali 400
قبل 7 سنه و 2 شهر



تروح وترجع بالسلامة 
عزيزي انا كنت مخزن فورد عندي بالحوش احركه في الشهر مره واحيان اقدمه شوي قدام ثم ارجعه مكانه 
المهم بعد سنة تقريبا احتجت اسافر به لقيت كفراته كلها محبله وغيرتها طقم وسافرت و بعد كم يوم من السفر لقيت واحد من المساعدات يخر زيت وغيرته في الوكاله على الضمان مع جلد التوازن 
هذا كله وانا احركه شهريا تقريبا 
فنصيحتي لك بعه وحط فلوسه في الحساب لين ترجع بالسلامة وخذ اطلق منه 

او ارفعه على بلك مثل ماقال لك احد الاعضاء وعب الكفرات هوا للاخير وخله يشغله اسبوعيا ويبدل النمر حقت القير وهو واقف وينزل القزاز ويرفعه 

ومع ذلك احتمال الجلود تنشف عندك 
بالتوفيق واتمنى اني افدتك 



up 1 down 0
أبو عبد الله 2 341
قبل 7 سنه و 2 شهر