أضف سؤال أو موضوع جديد          

تجربة احد الاعضاء مع اللومينا

up 7 down 5
sultan-q 468
قبل 5 سنه



سلام عليكم


من اكثر الاسئلة الي تنطرح هنا " ما رايكم في اللومينا والكابرس وهل تتحمل الكرف وما عيوبها ومميزاتها "

ونلقى الردود مختلفة وتصير مشاكل ومدري وش

ابراهيم التركي قبل فترة كانت وجهة نظرة تجاه اللومينا والكابرس انها سيارات ما تتحمل لا الكرف ولا الكد ولا اي شي وكلها خرابات في خرابات

والحين ابراهيم اشترى لومينا 2008 إل اس 6 سلندر قير 4 نمر ومشى فيها 50 الف كيلو


حابين نسأله كم سؤال بس


1- وش رايك في اللومينا هل خراباتها كثير ام قليل ؟
2- هل ترتفع الحرارة عندك ؟
3- وش رايك في العزل والرساوة والعزم
4- وش رايك في اسعار قطع الغيار
5- هل ناوي تبيعها وتشتري غيرها ولا مرتاح معها ؟
6- السؤال الاهم " هل تغيرت وجهة نظرك تجاه اللومينا ؟



اتوقع هالاسئلة اجوبتها تكفي للحكم على هالسيارة طالما ان ابراهيم مجربها ومشى فيها 50 الف كيلو :)



ننتظر الاجوبة







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الصراحة كل ما اسأل واحد عن اللومينا والكوابرس يقولي انحش وانحش
كلمت خوياني معهم لومينا ويقولون خلك من كلام الناس
والسيارة معاهم من سنين واعطوني اسعار قطع ولا مرة دخلت الورشة بسبب خراب فيها 
بعدها ما سرت اسمع كلام احد 


up 3 down 1
sosisos 613
قبل 5 سنه



طيب جاوب يرحم والديك لان اخوي ناوي يشتري لومينا 2008 ^^ واخوي اكثر مني محافظه ودايم يسأل لا سمع شيء في السياره و طلع فيها صوت او او او , دايم يسأل , ومن حرصه الزايد كل الاشياء اللي يسأل عنها طبيبعه

فحبيت اشوف هل هي تناسبه او لا

- وش رايك في اللومينا هل خراباتها كثير ام قليل ؟
2- هل ترتفع الحرارة عندك ؟
3- وش رايك في العزل والرساوة والعزم
4- وش رايك في اسعار قطع الغيار
5- هل ناوي تبيعها وتشتري غيرها ولا مرتاح معها ؟
6- السؤال الاهم " هل تغيرت وجهة نظرك تجاه اللومينا ؟

ياليت تجاوب على هذي الاسئله


up 0 down 0
ابو يزيد 000 8696
قبل 5 سنه



اعتقد ان أردى انواع السيارات راح تخدم لفوق 200 الف
الحكم على السيارة بعد سنين استخدام وتقارنها بغيرها


up 1 down 0
سلطان4040 1267
قبل 5 سنه



افضل شي فيها قطع غيارها رخيصة طبعا مع انها تجي من استرالية وتختلف بعضها لان هناك هولدن وهنا شفروليه

وانا يا ابراهيم اخذت اللومينا 2006 عام 2008 استخدام اماراتي وللحين معي 6 سنوات وامدحها

وطبعا ما انكر ان موديل 2008 افضل من 2006


up 4 down 1
sultan-q 468
قبل 5 سنه



والله كانت معي لومينا 2007 ls    استخدمتها 7 شهور ومشيتها حدود 42000 رحت عليها الشرقيه ثلاث مرات وجده مرتين ورحت ابها مره والقصيم مره  وانا ساكن بالرياض كنت اروح الطايف اسبوعيا صراحه سياره جباره ولايلحقها كلام الحراره ثابته مثل ماقال اخي ابراهيم سوا ماسك خط او راقي مرتفعات والعزل ماشاء الله امشي عليها 200 كاني ماشي 120 في السيارات الثانيه والعزم جبار كل ماتدعسلها تعطيك عزم زياده في ثواني   وبعتها على حالتها حتى اللي شراها فحصها طلع تبي لها كرسي قير وجلد مقصات فقط والباقي طلع تمام مع اني ماغيرت فيها شي يوم شريتها من صاحبها الاول الا زيت القير مع الفلتر والبواجي فقط 
اللومينا الشكل الجديد صراحه حلوه وخدومه وقطع غيارها وكاله لاهو رخيص ولا غالي يعني بين الرخيص والغالي وتحصلها في اي محل قطع غيار 
هذي من ناحية تجربتي للومينا 2007 والله الشاهد علي  ماكذبت في اي كلمه قلتها 




,,,,,, أبــــــــــــو فيصــــــــــل ,,,,,,


up 5 down 0
05512 1698
قبل 5 سنه



انا جربت سيارة ابراهيم
رغم انها 6 سلندر على عزمها اقوى وافضل من العزم الفورد هههههههههههه




ماانصحك فيه جربت 2009 رويال بعته قبل ثلاشهور والى الحين اعلانه ماحذفته اعفن سياره استخدمتهاتتعطل عليك في أي وقت ولاتسمع كلام الي يمدحون يضحكون على نفسهم يسلكون لبعض روح شوفه بعدمايبيعها يسبها وويسخط عليها ويوم عيدلمايبيعها ويفتك منها


up 0 down 1
mr.ema112 -45
قبل 5 سنه



اخوي سلطان .. انا معي لومينا 2008 اس اس .. تدري بكم سعر الرديتر الجديد؟


up 0 down 0
faxl 248
قبل 5 سنه