أضف سؤال أو موضوع جديد          

رجة السياره والقير

up 1 down 0
jenteel 87
قبل 8 سنه و 2 شهر



السلام عليكم ورحمة الله وبركاته
اخواني عندي السياره (كابرس 2006 ) فيها رجه اذا كان القير على D والسيارة واقفه غيرت البواجي وخفت شوي لكن ما اختفت غيرت كراسي المكينة لكن لازال هناك رجه بسيطه تسمع صوت الديكور وقزاز البابين الاماميه لكن لما انزل القزاز شي بسيط يختفي الصوت.
الحاجه الثانيه بعد ماغير البواجي اذا مشيت على السياره مدة نص ساعه مثلاً اشم ريحة بلاستيك .
المشكلة الثالثة عندي القير ينتع اذا دعسة على السياره في التغيير من الثالث للرابع لكن اذا الممشى عادي ماينتع .
المشكله الرابعة لما اكون ماسك خط وادعس على السياره لما يوصل العداد الى سرعة 160 تطلع عندي ريحه ما ادري كيف اوصفها لكم كأنها ريحة كربون او بلاستيك طبعاً المشكله هذي من قبل اغير البواجي.
المشكلة الاخيره لما اكسر الطاره يمين او يسار واكون ماسك الطاره على الاخر الموتر تجيه نفضه قويه ايش ممكن يكون السبب







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


انصحك تبيعها تشليح وتفك نفسك


up 0 down 5
مالك رجا 605
قبل 8 سنه و 2 شهر



والله ياغالي مشكلتك لها اكثر من سبب والرجه اسبابها كثيره 

وسبق صارت لي المشكله وطلع عندي كويل يبي تغيير وكان يسوي لي رجه قويه 

شيك على الكويل 

طبعا انا سويت صيانه وغيرت كراسي المكينه والقير وخفت شوي المشكلة لكن ماراحت تماما

وبخصوص نتعة القير لاتوسوس اغلب القيور بهن طقه خفيفه اذا دعست على السيارة ولما يقترب تبديل النمره ترفع رجلك عن البنزين اكيد راح تحس بنتعه وانا عندي هالشي من 3 سنوات وماشفت الا العافية بالموتر 

لكن كاجراء احتياطي شيك على كرسي القير + فلتر القير مع الزيت

وبخصوص رائحة الكربون

اتوقع والله أعلم انك كنت موقف السياره لفتره طويله او انك تستخدمها واستخدام بسيط وناعم جدا على السياره 

وهي مع الوقت تختفي 

والله أعلم


up 1 down 0
max_9ms 2356
قبل 8 سنه و 2 شهر



ودي والله يا مالك رجا لكن المثل يقول ان طاعك الزمان ولا طعه.


up 1 down 0
jenteel 87
قبل 8 سنه و 2 شهر



اخوي ماكس نتعة القير ماكانت موجود قبل غير زيت القير مع الفلتر قبل سنه ونص ومن بعدها وهو بالبلا.
وبالنسبة لرائحة الكربون اللي تجي على السرعات العاليه والله انا استخدامي داخل الرياض واخر مره مسكة عليها خط شهر 10 العام الماضي.
يعطيك العافية ماقصرت


up 0 down 0
jenteel 87
قبل 8 سنه و 2 شهر



مالك رجاء .. 

معليش وش اللي يبيع تشليح 

الرجال مشاكله سهله ولو يحلها اضمن لك التصليح مايتجاوز 600 ريال وقطع اصليه بعد

لو انك حولي دليتك على ورشه عماله فلبينيه محترفه ومتعامل معهم من سنتين وشغلهم زين واخليهم يفحصونها لك بالمجان


up 2 down 0
max_9ms 2356
قبل 8 سنه و 2 شهر



ربي يسعد قلبك اخوي ماكس ماتقصر يالغالي


up 0 down 0
jenteel 87
قبل 8 سنه و 2 شهر



امسك خط وسرعتك لاتنزل عن 160 وخلك اسبوع على هالموال وان ماراحت الريحه انا ماعرف شئ بالسيارات




up 0 down 0
max_9ms 2356
قبل 8 سنه و 2 شهر



انا كانت معي وحدة 2005 ولما ادعس تطلع ريحه واعتقد انها طبيعيه
لكن عندي سؤال لما تحط D الريس يكون وين واقف؟
اذا نازل زيادة معناتها تبغى وزن بس


up 0 down 0
marwan699 5854
قبل 8 سنه و 2 شهر



اخوي مروان ايش تقصد بالريس ؟


up 1 down 0
jenteel 87
قبل 8 سنه و 2 شهر



امبير الضغط اللي في الطبلون .. هل هو اقل من 1 بشرطة واحدة او اكثر


up 0 down 0
marwan699 5854
قبل 8 سنه و 2 شهر



غير بكرة المكينة اصلي وليس تجاري وراح يزبط عندك التعشيق وتروح الطقة الي بالقير وتروح اهم شي الرجة انا وسوست وفكيت حت القير ولا شي واخرتها طلع عندي بكرة  المكينة بعد كل هالخساير بس الحمد لله لك وللعمر وان شاء الله اخر الخربات ياصديقي


up 0 down 0
سحاب33 22
قبل 8 سنه و 2 شهر