أضف سؤال أو موضوع جديد          

ادا شفت واحد يمشي في الطريق توقف له او لا

up 5 down 2
عمر الزمان 672
قبل 7 سنه و شهر



السلام عليكم



اول موضوع نقاش اطرحه

عندي سؤال دائما يدور في بالي

ادا شفت واحد ياشر لك في الطريق العام توقف له اولا ؟

انا كنت شيوم ( ابو شيمة ) ما اشوف احد يتمشى الا اوقف له حتى لو هندي

اما الان مدري ليش ما اوقف يمكن خوف ان يكون عنده مسباقات

وبنفس الوقت الان ما اطلع بالسيارة إلا عندي مشوار ضروري !

اما من قبل اطلع اتمشى او اروح ازور اصحابي بالمزارع


نشوف ويش تعليقكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


على حسب المكان انا اذا شفت شخص يأشر في خط سفر مستحيل اوقف
اما في الاماكن العاديه مافيه مشكلة اشله معي


up 1 down 0
mohammed shareef. -21
قبل 7 سنه و شهر



انا اول كل من اشر وقفت له لكن الحين لا ... صارت سوالف وقصص لو يقولك ودني مكان والمكان يبعد شارعين ماوافقت يطلع لك سكين ولا سلاح وفيه نوعيات من الناس مب بس توصله مشوار لا تكرمه وتغديه وتزين له سيارته وبالاخير يغدر بك 


up 2 down 0
meshal82 507
قبل 7 سنه و شهر



وقفت لواحد في الصيف في وقت الظهر وكنت رايح بقيق وطلع مشواره على طريقي ووصلته ونزل وصفق الباب بطريقة همجية خلتني أجلس 10 سنوات ما أوقف لأحد

وبعدها شفت واحد وأنا طالع من المرور في نهار رمضان وأخذته معي قلت أكسب فيه أجر وسألته ايش عندك في المرور طلعت المشكلة حادث ومضاربة وقلت في نفسي الله يكفينا الشر

الزمان تغير والواحد يبعد عن المشاكل أفضل له


up 1 down 0
أبو عبادة 4852
قبل 7 سنه و شهر



على حسب 

يعني شفت عايلة في طريق سفر وعندهم مشكلة في السيارة مومشكلة اوصلهم اما واحد لحاله مستحيل لا في السفر ولا في المدينة ماتضمن احد لو يكون مهرب ولا حرامي ومبلغ عليه 


up 1 down 0
shecoo 565
قبل 7 سنه و شهر



وقفت مرة لواحد وطلع سكران والمصيبة على حارتنا وصلته وشرد ماعاد شفته عطرلي السيارة وشرد وبعدها حرمت اتكس رغم اني كنت عاطل وطفران


up 1 down 0
ابو عبدالله احمد 3508
قبل 7 سنه و شهر



مره كنت مسافر في الليل طالع من الطايف رايح للرياض المهم وانا في نص الخط كانت وقتها الساعه 12 ليلا لقيت واحد يأشر هديت
قلت ياولد مدام اني لحالي خليني أكسب أجر وفي نفس الوقت نسولف مع الرجال المهم الرجال لابس ثوب ومن شكله سعودي وقفت
عنده نزلت الشباك سلم الرجال وكان متلطم قالي وين رايح قلت الرياض قال على طريقك المهم ولا لكم في الطوله الرجال راكب معي
وساكت احاول أسولف معه مايرد وطول الوقت متلطم بغترته المهم سكت وقتها مدري اش كان عندي أحتجت أولع النور الداخلي ولعت
النور وهنا كان المصيبه شفت منظر تمنيت اني تنشق الارض ولا اشوفه لم أتمالك نفسي أول ماولعت النور اطالع في سيقانه الا هي 
سيقان حمار وانتم بكرامه اعوذ بالله وقفت السياره بريك وسط الخط وطلعت جري في أخر الليل فجأه صحيت من النوم والاحداث
هذي كله طلعت حلم الحمد لله .


up 7 down 2
كرومان 517
قبل 7 سنه و شهر



^^^^^^^^^
هههههههههه
فلم رعب ياشيخ


up 2 down 0
Yaser1 669
قبل 7 سنه و شهر



انا وقفت اكثر من مرة والحمد لله ماصار معي مشاكل لكن مو دايم اوقف للي اشوفهم


up 1 down 0
mohammed2288 174
قبل 7 سنه و شهر



صراحة نادر اوقف
ابعد عن الشر وبس


up 0 down 0
pirlo.z 425
قبل 7 سنه و شهر



ماوقف الا للي اعرفهم :) 
واحد غريب الله يستر عليه 


up 0 down 0
ryan702 465
قبل 7 سنه و شهر



انا اطلع لي فترة قبل الفجر بساعه اشوف اليمنيين والباكستانيين يوقفون يبون يصلون الفجر في الحرم والله استحي من الناس اللي في المدينه ونايم مايصحى الا7 او 8 
غالبا هاذي الفترة اوقف لهم بلاش ماعندي مشكله وادقها سواليف لين نوصل الحرم


up 3 down 0
m11013 923
قبل 7 سنه و شهر



اهلا


ادكر مره انا واخي شفنا واحد يمشي بالطريق

اشر الينا وقفنا اليه و وصلناه بيتهم

عرف بنفسة وقال انه شغال في الاحوال واي شغله تحتاجوا كلموني

المهم بيوم اكتشفنا ان في مشكلة باسم احدى خواتي في الارشيف

واشتغلت على المعاملة كم شهر 

والصدفه الهندية ان المعاملة عند نفس الرجال الي وصلناه

ولكن ما دكرته الا بعد ما خلصت المعاملة بفتره !


up 1 down 0
عمر الزمان 672
قبل 7 سنه و شهر



مااوقف صراحه صرت لي أي احد ياكثر الي طبيت فيهم استغفرالله شاذين بس مومعناته مااحد يوقف لااحد كل واحد حر وهذي وجهة نظري


موضوع جميل وذكرتني بالماضي.
في البداية كنت اوقف بس لسعودين الاجانب مااوقف لهم مرة ركبت معي سعودي وقال وصلني علي طريقك لما وصلنا نفطة تفتيش ظهرت علية علامات الارتباك وكان يتلفت يمين ويسار وستغربت المهم مشيت الموضوع وعدينا التفتيش ويقول الحمدالله عديت على خير.؟؟
شكيت في موضوعة بعد شوي طلع لي حبة ابيض (كبتاجون) وقالي هذا حق راسك؟؟ بكل جراه ووقاحة.
المهم وقفت ونزلتة ومشيت عنة وقعدت احمدالله الى مارحت فيها تحقيق.
من بعدها ماوقف لى اي سعودي الا اذا اعرفة.


up 0 down 0
n 977 409
قبل 7 سنه و شهر