أضف سؤال أو موضوع جديد          

لخبراء الكابرس فقط .. محتاج المشوره

up 2 down 1
yasser oz 44
قبل 6 سنه و 3 شهر



السلام عليكم ورحمة الله وبركاته

مسيتم بالخير جميعا ..
انا والله ناوي على الكابرس 2013 او 2014 اصفار .. ومحتاج منكم المشوره والنصيحه
وخصوصا في موضوع الاصلاحات ..عيوب التصنيع .. يعني مشاكلها بشكل عام .. هل تنصحون فيها ام لا؟
اسرتي صغيره زوجتي وطفلين صغار
فا وش تشوفون؟
خصوصا ان السيارات المنافسه لها عندي هي الازيرا الافالون .. والتشارجر

اسأل الله ان يحقق لكل من ساعدني ما يتمنى ..








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


انصحك بكابرس LTZ


up 0 down 0
مرسيدس e230 50
قبل 6 سنه و 3 شهر



شف وانا اخوك حدد وش الفئة الي بتأخذها اولا
ثانيا الكابريس تفادو عيوبه من بعد 2007 قلت عيوبه ومن بعد 2009 توب والكمال لله
الكابريس موتر شكل مركب وسع هداوه والي زينه المكينة
والكابريس له طعم في الخط طعم خاص حتى وان كان فيه سيارات اسرع منه 
التشارجر هي المنافس الحقيقي للكابريس
اما الافالون منافس للاستاندر بس
اما الازيرا حلوه وجميلة لاكن ماتقارن مع الكابريس 
التشارجر حلوه وفخمه وعزم لاكن عيوبها الوكالة والقطع
انا ارشح لك الكابريس لاكن عيبه ان شكله راح يتغير قريب يمكن السنة الجاية او الي بعدها
لاكن كمركب والله انع عز وكنق وانا اتحدث معك عن تجربه
لاكن زي ماقلت لك عيبه ان شكله راح يتغير وبعده ارشح التشارجر
ولو تصبر شوي وتزيد فلوسك شوي اخذ الجينسس الجديدة حلوه
ومبروك مقدما


up 1 down 0
_long story22_ 43
قبل 6 سنه و 3 شهر



سياره ممتازه جدا جدا وما عليها غبار

اذا استخدامك نظيف لها والله لتمشيك 400 الف ويمكن اكثر والمكينه شد بلد و القير كذلك

والله كان عندي صوره لكابرس 2010 6 سلندر والقير 4 غيارات لونها اسود ماشيه فوق 400 الف لكن للأسف جيت ادور لها في جوالي ما حصلتها ولا كان دي انزل موضوع عنها وهالسالفه لها سنه يمكن الحين دخلت في بحر 500 الف  

و مكينة بلدها وقير بلدها ويمدحها راعيها ويقول والله ما شفت منها الا كل خير والسياره لا حاظفت عليها واعتنيت فيها تخدمك

فما بالك بالكابرس الجديد يجي 8 سلندر ويجي قيره 6 غيارات 

يعني السياره ما شاء الله لا يعلى عليها وخدومه جدا ومعروفه بأسم ( ملكة الخط )


up 1 down 3
أبو يزيد 000 259
قبل 6 سنه و 3 شهر



اهلين اخوي الكابريس موتر جبار عزم وقوة ورساوه 
الخرابات ابد دامك تحافظ عليه بأذن الله ماتسوي فيه شي غير الاستهلاكيه 
الخربات للي يقاومون ويفحطون اما القطع ف غاليه شويه طقم مساعدات اربع 
ب ١٢٥٠ وطقم اقمشه امامي ب ٣٨٠ وخلفي ب ٢٢٠ بس اهون من قطع الافلون 



up 2 down 1
نادرين الزهراني 35
قبل 6 سنه و 3 شهر



اول شي بيض الله وجيه كل من رد

طيب يا اخوان .. انا بستخدم السياره في الرياض

هل هي عمليه للدوام للاستخدام اليومي داخل المدينه؟؟ يعني شايفين الحفر والمطبات الموجوده

وش رايكم؟


up 2 down 1
yasser oz 44
قبل 6 سنه و 3 شهر



للمعلوميه يا اخوان

اللي ابيها LS


up 2 down 1
yasser oz 44
قبل 6 سنه و 3 شهر



اخوي ياسر والله أعتبرك مثل أخوي وأتمنى لك الخير مثل ما أتمناه لنفسي أفضل انك تشوف موتر غير الكابرس وأنا أرشح لك فورد تورس
وماراح تندم أن شاء الله


up 1 down 4
كرومان 518
قبل 6 سنه و 3 شهر



اخوي ياسر ننصحك بالكابريس
واذا تبي تتأكد استأجر وحده بس نظيفه وشف  


up 0 down 0
_long story22_ 43
قبل 6 سنه و 3 شهر



 اهلين ياغالي ^^^^   انا اللي منزل موضوع التورس لأن الموتر لأخوي والتسعيره من الوكاله

المهم مافيه شركه قطع غيارها رخيص   حتى الكابرس لو تنشد عن الصدامات والكبوت والنور بكم بالوكاله بتطلع لك قييمه كبييره

الكبارس بأختصار 

قوه / رساوه / عزل   اوكي  مقابلها عدم تحمل   ،، اعطال الأبي اس مانع الانزالق متكرره اعطال الهكرباء بشكل عام

اذا استخدامك لمده تقل عن 3 سنين   ف توكل على الله وخذه   اذا اكثر  ف انصحك بأعادة التفكير

2 /  الازيره غير اعتماديه خفيفه وكوري ومجرد ديكور ومايتقارن بجودة السيارات الأعتماديه

التشارجر جيده وكويسه ومافيه عيب سوا الوكيل  ،،،    بس تعليقها رياضي وشكلها   وانت ع حسب ما ذكرت انك متزوج ولديك اطفال الله يخليهم لك


في وجهة نظري اذا لقيت افالون 2012  ممشاها بسيط بسعر حلو  ف توكل على الله
او كابرس
او تورس


up 3 down 0
شكلين مابحكي 3159
قبل 6 سنه و 3 شهر



عمليه يا ياسر انا يومياً اداوم عقبه ٤٠ كيلو كلها طلووووع 
عزززم جبار 


up 1 down 0
نادرين الزهراني 35
قبل 6 سنه و 3 شهر



نصيحت مجرب كابرس 2013ls سلبياته صرفيت بنزين جدآ عاليه وثقيل في البلد اتمنى اني افدتك


up 1 down 0
163mmmmm 117
قبل 6 سنه و 3 شهر