تشارجر ار تي أو كابرس اس اس ؟

الكابرس الا اس 2011 وفوق ابداع والله مع الجنوط الجديده مقاس 18

واكيد اكيد يجي جلد من الداخل و يجي فيه مواصفات كثيره جدا جدا , وشكله رياضي اكثر من التشارجر الار تي

شف لو قلت المقارنه بين الا اس و التشاجر اس ار تي 

يمكن ارشح لك التشارجر اس ار تي لانه رياضي و فخم من كل النواحي وشكله روووووووعه

لكن الار تي , هو حلو لكن الكابرس احلى منه

وابد والله ان حافظت عليها ليمشيك 10 سنوات قدام

للآن باقي محتفظ بصوره كابرس 2006 ماشيه فوق 800 ألف كيلو ويقول صاحبها ما شاء الله ما طلبت مني شيء , بس احافظ عليها واصلح اي شيء يخرب بأسرع وقت عشان لا يكبر الخراب ويسير خراب جامد

ولو تشوف وقفته تقول ما مشى 200 الف ما شاء الله

تحياتي لك يا الغالي

شف الكابرس الجديد من جوا كنه كمارو   شي  كويس لو تاخذه وتحافض عليه يعيش 

بصرفيتة هالموترين  للبنزين احسن لك تاخذ موتر اكبر
مثل يوكون،اكسبدشن،دورانجو هيمي

و البنزين مهو مستمر رخيص
وده العساف يرفع سعره بس طويل العمر راده الله يطول بعمره

أخوي أنت شفت السنتينيال من هيواندي ؟

قيمتها وكالة ٢٠١٤ ب ٢٨٠ ألف 

تحصل مستخدم ماشيه أقل من ١٠ ألاف بـ ١٦٠ ألف 

ما ودي أطوول في الكلام لكن ودي تشوف السيارة و مواصفاتها

و تسوى مقارنة سريعة بينها و بين السيارات اللي ذكرتها وتأخذ فكرة عن ضمانها

بالتوفيق ،،،

الكلام أعلاه عن السنتينيال فئة الفل أوبشن V8 

خذ كابرس والله قطعه رخيصه مقارنه بالتشارجر .. لكن اذا بتاخذ قطعه من الوكالة بتطلع عليك شوي غاليه..

محلات قطع الغيار فلتر الزيت ب15 ريال الوكالة ب25 ريال ..

المكينة تاخذ 9 علب زيت مع السيفون ..

فلتر الهواء انا عندي اس اس 2007 و اخوي 2009 ومركب فلتر رياضي من شركة k&n لكن مثل فلتر الوكالة تماماً يعني ما تحتاج غير تفك القديم ..

الميزه فيه يسمح بمرور الهواء وينقيه اكثر من فلتر الوكالة .. والميزه الثانيه تقدر تنظفه بعدة خاصه سعرها 60 ريال او 70 ريال تكفيك مرتين او ثلاث مرات يعني التنظيفه ترجعه لك جديد وتقريبا ب20 ريال.. عكس لو اشتريت فلتر مثل الوكالة سعره بين 110 الى 180 ريال

البواجي كل 80 الف كيلو تغيرهم وسعرهم بمحلات قطع الغيار 110 ريال والوكاله 250 ريال

اذا بتاخذ السياره وكالة .. ما بتحتاج غير تغير زيت المكينة مع الفلتر كل 10 الاف كيلو + زيت القير مع الفلتر كل 60 الف كيلو + تنظيف فلتر الهواء كل 30 الف كيلو لو كان فلتر رياضي k&n اما لو فلتر الوكالة كل 10 الاف كيلو + تغير كفرات لو محتاجه

الصيانات بالوكالة غير ضروريه وغاليه جدا .. وعضلات السياره ماتحتاج تغيير دامك ما صدمت بالسياره او آكلت مطب قوي قوي .. وما تخاف من الحرارة .. مشاكل الحراره اختفت من الموديلات 2007 وفوق

انا استخدامي للسياره يوميا200 كيلو طريق سريع ومافيه اريح من الكابرس بالطرق الطويله ..

الكابرس شكله مستهلك وبيتغير شكله
انصحك بال R/T - مواصفات وأمان وقوة ومتانة

خذ كابرس ولا تفكر غيره وهاذي نصيحه من مجرب بس حافض عليه كم أسعار كابرس٢٠٠٩اس اس يعني ٥٥٠الف ايش تجبلي من موديلات الكابرس الجديده من٢٠٠٧ وفوق بشرط يكون اس اس ؟؟؟

ماقصرتوا يالغالين والله حيره والواحد مايبي يستعجل وبعدها يندم يقول ليتني اخذت هذي كل سيارة لها ميزه ولها شكلها وجمالها وهيبتها - وبراسي كذلك الكلايسلر الهيمي وارد امريكي فل كامل والله موقفي صعب وعافاكم الله