أضف سؤال أو موضوع جديد          

اخطاء الطريق واخلاق الناس

up 17 down 7
سكودر 14891
قبل 4 سنه و 10 شهر



السلام عليكم 

موضوع لتسليه  وبعض اسلوب الناس 

 1_ اذا حصلت شخص ماسك مسار الايسر وتكبس له مافتح لك خط  وتضرب له بوري نفس طريقه اعرف انه 1_ ياانه يبي يعناد 2_ يانه يهوجس ويفكر بمستقل 3_ ياانه شايب وماسمعك زين 

2_ اذا حصلت انسان واقف بي الاشاره وماسك مسار الايمن حق الي يلفون يمين وكبست وضرب بوري ولا وخر 1_ اعرف ياقدامه سياره 2_ اعرف انه مايبي يزحف لك 3_ اعرف انه توه متعلم سواقه ومايبي يقطع الاشاره خوفن من طريق 

3_ مسكت خط  وكنت مسرع  ولف عليك شخص   1_ اعرف شافك بس مرايه خدعته وقال انك بعيد 2_ سواقه الله بخير 3_ غشيم رقم 1 


4_ اذا شفت واحد واقف جنبك بي الاشاره ويناظر فيك 1_ اعرف ياانه مشبه 2_ معجب بسياره 3_ يبي يحارشك بسيارته 


5_ اذا شفت شخص بطريق سريع كبست له وفتح لك الخط  ودز معك  1_ اعرف انه مقهور انك تجاوزته وعلقه صغير 2_ يبي يقهرك ان سيارتك  ضعيفه وماخذ مقلب بسيارته يبي يطوفك 


6_ اذا قابلت شخص هايط عليك  بشارع 1_ اعرف ان معه شله 2_ اعرف  انه سكران او في راسه حبه ماطحنت 3_ يبي احد يدق خشمه 


7_ اذا مشيت في امان الله وجاك شخص وضرب لك بوري 1_ يبي ينبهك سيارتك تروح يمين ويساره 2_ مشبه عليك


8_ اذا مسكت خط طريق سريع وفيه شخص طافك مع مسار الايسر ودق لك اشاره  معنها  خلك بمسار وسط 


9_ اذا شفت شخص طافك  بطريق سريع ويعطيك اشاره يمين ويسار القصد منها تقصر نورك  



10_ اذا شفت شخص يدق لك فلشرات  بطريق اعرف انه يبي يجرب معك وطفشان بخط  



11_ اذا مسكت طريق السريع وماشي في امان الله وشفت مرسيدس شبح 600 يكبس لك من بعيد افتح لبوه الخط  لن ممكن جنب سيارتك يجيها شراره  هذا خله يروح 


12_ اذا شفت  سياره رياضيه كابرس اس اس او لومينا اس اس افتح له خط وبلاش تعانده لنه ممكن معدل ويمشي 300 













إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


لا اله الى الله ...
سبحان الله وبحمد عدد خلقه ورضى نفسه وزنة عرشه ومداد كلماته...
استغفر الله العضيم رب العرش العضيم واتوب اليه ...


up 8 down 2
abonagm 66
قبل 4 سنه و 10 شهر



جزاك الله خير يا abona gm


up 4 down 0
سكودر 14891
قبل 4 سنه و 10 شهر



هههههههههههههههههههههههههههه التمس لاخيك عذرا 

بضيف وحدة بعد اذنك : اذا حارشك احد في الطريق لاتحط عقلك بعقلة لانه يمكن يصير مريض نفسي ويمكن تصل فيه الى القتل مثل ماحصل امس في شارع حمزه والقاتل مريض نفسي ملقب بالملعقة 


up 5 down 2
شليطيح 5019
قبل 4 سنه و 10 شهر



كلامك صحيح

نقطة رقم 5 صارت معي كنت ماشي الجنوب وبعد وادي الدواسر كنت ماشي 130 وقدامي شاص وأشر له بالنور ويفتح الخط ويدعس وقلت مادام دعست خلني أوريك الشاص حقك كم يمشي وكان معي كابرس ومشى معي إلى 170 والهوا صار يلعب بسيارته وكلمت أنا للـ 220


up 3 down 3
أبو عبادة 4341
قبل 4 سنه و 10 شهر



موضوع جميل يا جميل 


up 2 down 2
أستشاري الحب 6460
قبل 4 سنه و 10 شهر



الله يسعدك ياسكودر كل ماذكرة بالموضوع واقع نعيشه في شوارعنا ويالله السلامه

وافضل شي تسويه تتجاهل جميع من أراد المشاكل معك في الطريق وكما قيل في الأثر


                   ( متاركةُ السفيهِ بلا جوابِ *** أشد على السفيهِ من الجوابِ )


up 2 down 2
ابــو ســنــد 10634
قبل 4 سنه و 10 شهر



الكابرس 8سرندل 2010 معى ولد خالي مشالله عزم


up 0 down 2
العربي07 36
قبل 4 سنه و 10 شهر



انظروا إلى دول العالم كيف عندهم سياسة الطريق وإشارات المرور والنظام ....
التغير يبدأ من الشخص نفسه وليس من إصلاح الطرق
كذلك للأسف معظم هذه الأمور أصبحت عادية جداً و تحصل يومياً 
نسال الله العفو والعافيه بارك الله فيك وشكرا على الطرح المميز


up 2 down 2
ماجد المطلق 10769
قبل 4 سنه و 10 شهر



بخصوص رقم 1 مو شرط عناد لكن الي وراك يجي يلصق صدام بصدام ويفقع عينك وهو توه يكبس وخصوصا الي مركب زنون ويدق بوري هذا يخليك تقلب عناد غصب لكن لو جاء باحترام وكبس مرة وحدة تفتحه له لانه ما اقلق مخك !!
 
وبخصوص الاخيرة مو شرط بس الكابرس الاس اس امكن يكبس راعي تشارجر اس ار تي 8 يمشي 300 بدون تعديل لان طبلون الاس ار تي 8  300 اما الكابرس مو 300 لازم يعدل علشان يوصل 300 !! 




up 2 down 4
fahad11-11 158
قبل 4 سنه و 10 شهر



ويبقى الكابرس ملك الخط 
والله يا شباب كان معي واحد قديم اخذته ايام الثانوي قلت ما ببتعد وصار لي ظرف وسافر فيه توقعته ما بيوصلني 
وقسسسم انه يمشي مشي مجنوون اروح واخلي اصحاب السيارات الجديده هم يخافون من السافي وانا معي ابو حديدة 



up 0 down 2
نادرالزهراني 440
قبل 4 سنه و 10 شهر



ورقم 12 

اذا كنت ماسك خط سريع وبالقصيم 
ووراك راعي هلي 2004 وتحت يكبس 
افتح له الخط لانه ممكن مركب كمبيوتر 
ومايعترف نهائياً بشيء اسمه فرامل 


up 1 down 0
المشيعلي 454 3368
قبل 4 سنه و 10 شهر



ههههههههههههه على الطاري الكابرس امس كنت في الوكاله صراحه اجرررام داخليه جباره ماشاء الله 


up 0 down 2
غيـث 130
قبل 4 سنه و 10 شهر



رقم 13 اذا كنت بتبوك ولا الطايف وشفت واحد وراك سيارته زي (راس الحمار)

افتح الخط وروح لاقصى اليمين .. لان النوع هذا ماله علاج

ومستعد يضحي بنفسه ويصدمك عشان (5ريال)


up 0 down 0
ff-ff999 345
قبل 4 سنه و 10 شهر



5_ اذا شفت شخص بطريق سريع كبست له وفتح لك الخط  ودز معك
  1_ اعرف انه مقهور انك تجاوزته وعلقه صغير 2_ يبي يقهرك ان سيارتك  ضعيفه
 وماخذ مقلب بسيارته يبي يطوفك >>>> ياخي الي مثل هالنوعيات اهدي و اعطيه على قد جوه
واشرله بيدي توكل ياحبيبي 



up 2 down 1
باسم 11 -14
قبل 4 سنه و 10 شهر



هههههههههههههههه اهنيك يامبدع موضوعك حلو وصراحه ونسني والي خلاني اعجب فيه زياده يوم جبت سيرت الكابرس اس اس وربي كلامك كليم مكلم


up 3 down 2
باسل النزهة 28
قبل 4 سنه و 10 شهر



 اهم شيء اذا قام يهايط عليك اعرف ان معه احد 
ولو انه للحاله لو تلحقه من هنا   للطبرجل  ما راح يوقف 


up 2 down 2
صوت العزاوي 521
قبل 4 سنه و 10 شهر



مره كنت مسافر علي طريق القصيم 
وماشي تقريبا 210 باكابرس 8 سلندر
وشوي االاذا الهايلوكس 2004 
مر من جنبي  والاكانه شي


up 1 down 4
شكري95 266
قبل 4 سنه و 10 شهر



مره كنت مسافر علي طريق القصيم 
وماشي تقريبا 210 باكابرس 8 سلندر
وشوي االاذا الهايلوكس 2004 
مر من جنبي  والاكانه شي


up 0 down 4
شكري95 266
قبل 4 سنه و 10 شهر



^^^^
قويه شوي ..


up 0 down 0
abonagm 66
قبل 4 سنه و 10 شهر