أضف سؤال أو موضوع جديد          

افتوني شيفروليه ابيكا اوبترا لومينا افيو

up 4 down 2
بارومه 61
قبل 8 سنه و 8 شهر



يا اخوان ابغى اشترى سيارة مستعمله في حدود 13 الف وترى الشيفروليه مواصفات جيده وسعر بسيط لكن ما عندي خبره فيها فافتوني ايش افضل نوع فيها وايش عيوبها ولا الافضل اسيبني منها واخد هيونداي







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


كلها ماتصلح للإستخدام و خراباتها كثير ،
أفضل لك تأخذ يارس موديل 2007 أو هونداي أكسنت ،
أبعد عن الأفيو والأوبترا والأبيكا و بعض سيارات شيفرولية الثانية
موفق


up 2 down 4
abu zi4d 45
قبل 8 سنه و 8 شهر



هوانداي اكسنت ويارس فقط ويمكن كمان معاها كياريو لكن أي شي شفر مومعروف ماله اصلا لاتاخذه الشفر خذ سييرا يوكن هذي السيارات الي نعرفها


up 0 down 5



شوف بتجيك ردود تخليك تكره السيارات ذي كلها لكن تبي الشور روح دور اي احد استخدم شي نظيف واسأله ...
انا بفتيك في الاوبترا بحكم اني استخدمتها ...سيارة ممتازة داخل المدينه ماجربتها سفر ...قطعها بتراب الفلوس
لكنها واقفه من شهر بسبب اني وديتها لميكانيكي سباك لعب فيها وخربها ...
واذا لزمت ع الاوبترا خذ النوعيه اللي مكينتها معروفة سودا وفيها 4 خططوط 1.6 وهذي صورتها

http://cdn2.txtips.com/p_images/2013/2/7/8R51-1360262862.jpg

 لان لها3 او4 مكائن وحده 1.8وهي اللي معي وهذي مالها قطع ميكانيكيتها تختلف كليا
ومعظم قطعها طلبيه من برا والثانيه ماقد شفتها لكن سمعت فيها واللي هي تيربو وبرضه نادره... 

طبعا لاتهمل السيارات الباقيه لان انا لو ميزانيتي سمحت لي اخذت ابيكا افضل مكينتها واقوى ... وشاور مستخدم مثل ماقلت لك


up 3 down 2
m11013 923
قبل 8 سنه و 8 شهر



اخذ نظيف وحافظ عليه من زيوت وفلاتر وكل شي والموتر يحافظ عليكك 
اما تاخذ مكروف ثم تقول خراباتها بهذلتني 


up 2 down 1
momo21 155
قبل 8 سنه و 8 شهر



m11013  + momo21     عليكم نور ماقصرو عطوك العلم الصحيح 


up 2 down 0
سكودر 14931
قبل 8 سنه و 8 شهر



حبيبي الموديلات القديمة تعبانه شوي خاصة ان المبللغ 13 الف بيجيبلك شي مكروف وتعبان والشفر فيه الزين بس اقل شي تحصل ابيكا 09 لؤلؤي جميل وتبع كرف ومن تجربتي الشخصية وليست فلسفة ممتاز وانصح فيه دورلك واحد نظيف وبتدعيلي سعره حدود 19 الف الى 22 الف حسب الممشى والنظافة - واللومينا ممتازه لو تبحث عن 07 وطالع البقية ابترا وافيو صديقة الورشة حتى الورشة والوكالة مايعرفون لاعطالها ابعد عنها


up 0 down 0
al_orainy 56
قبل 8 سنه و 8 شهر



ابعد عن الشفروليه 


up 2 down 2
مرسيدس e230 50
قبل 8 سنه و 8 شهر



اذا عندك استطاعه تساهم في دفع رواتب عمال الورش فاشترها


up 0 down 4
حسوف -60
قبل 8 سنه و 8 شهر



والله شوف انا انصحك بيارس والله تعيش معك ملعونه الوالدين وانت كارفها على وجهها ما شاء الله تبارك الله

قريبي باع يارس 2008 اتوماتيك بالمعارض ب 15 الف

انزل المعارض وبتحصل ولو بتاخذ عايدي والله لتعيش معك بدون اي مشكلة تذكر

تحياتي لك


up 2 down 3
ابو يزيد 000 8712
قبل 8 سنه و 8 شهر



بحكم أني أمتلك أوبترا بعلمك بكل حاجة أعرفها 

طبعاً شاريها شهر 5 السنة الماضية و من ذاك الوقت إلى الآن الحمدلله أعبيها بنزين و أغير زيوت فقط 
طبعاً بعض القطع الإستهلاكية مثل فحمات و سيور و كذلك الكفرات هذي المفروض أول شيء تغيره 

كرفتها ولله الحمد و صراحة موتر عزم و جربته فالخط رساوته معقولة على حجمه و هي تقارن بفئة الألنترا 

فئة السيدان مواصفاتها مكينة 1.6 
و القير فيه عادي و فيه أوتوماتيك و به خاصية قفل القير إذا الوضع عندك عادي كلما ركبت تفكه من الزر أو فك الديكور حق القير 
و أربط القفل بسيم علشان يكون مفتوح دايم 

و كذلك زر HOLD حسب ما قرأت أنه يخلي تغييرات القير في الأوتوماتيك من 4 إلى 3 يعني يطرح النمرة الاخيرة و يأخر تبديلات القير بحيث يعطيك أقصى عزم المكينة 

و جربته أنا بصراحة السواقة بالهولد يخلي الموتر مجنوون 

المهم ما أطول الموتر ما عليه كلام من الناحية هذي لكن بعطيك معلومة أن السيارة يغلب عليها التقنية و الحساسات 
إذا بتهمل السيارة بيصدع رأسك من الخرابات أما إذا انت محافظ و منتظم توكل على الله و هي أحسن سيارة بالسعر المذكور 

طبعاً انا كرفت السيارة و لكن صاحب السيارة الأول الله يهديه ما كان محافظ على القير لأنه ما غير الفلتر أبد قبل ثلاث شهور 
القير فجأة صار يفصل كأن السيارة بالفاضي و أطفيه ثم أشغل السيارة و يشبك شوي و يفصل و شلته بسطحة 
يوم نزلته عند الورشة أشتغل ولا كأن فيه شيء و جربته مافيه حاجة و رجعت به للبيت ثم طوال هالشهور مافيه شيء 
و قبل كم أسبوع رجعت له المشكلة وغيرت الفلتر في البيت و جلست السيارة فترة ما يقارب 3 أسابيع من أحسن ما يكون فجأة هاليومين صار القير كأنه بالفاضي 
الموتر رجعت له هالمشكلة و أكلم وكالة الجميح أبي أعرف كم سعر القير وللحين ما يردون !


^^

جربت تغير الفلتر؟ تراه ممكن يسبب هالاشياء وبرضه شيك ع زيت القير ..
ترا مانسيتك للحين اذكرك اول رد جاني وطمني كان منك


up 1 down 0
m11013 923
قبل 8 سنه و 8 شهر



تبي ابيكا 2008 جير عادي .. يبيلها شغل كهرباء .. باراعيك حيل 
السياره واقفه لها 6 شهور تقريباّ اذا لك بالتصليح ووجع الراس راسلني 


up 0 down 0
ع محمد الشمري 5
قبل 8 سنه و 8 شهر



و الله ياخوي غيرته وكالة ماكمل ٣ اسابيع سعره ١٨٠ ريال اغلى من فلتر الفورد 
و كذلك زيت اصلي و ضبط حتى تبديلات القير ماصرت احس فيها هادئة مرة

و ماكمل ٣ اسابيع و رجعت له ما ادري احتمال حساس او كلتشات مافضيت له حالياً 


نصيحة اخوية لوجه الله عز وجل ابعد وانحش ترا كلهم من شركة دايو الكورية المفلسة ما عدا لومينا فقط هي اللي صناعة امريكية وكلهم اساسا وقفوا صناعتهم وكلهم اعطال وخرابات بالهبل ما تشوف الورش مليانة منهم 


up 2 down 2
00700 542
قبل 8 سنه و 8 شهر



الشفر خذ منها سييرا او يوكن ... ههههههههههههههههههههههههههههههههه

الا ماحولك سلفرادو جي ام سي ؟ ولا كابريس جي ام سي يجي دبل غمارتين هههههههه


up 1 down 1
shadowz33 1098
قبل 8 سنه و 8 شهر



و اللومينا صناعة امريكيه ... تراها استراليه من شركة هولدن


up 2 down 0
shadowz33 1098
قبل 8 سنه و 8 شهر



تاخذ لك اوبترا قير عادي تكرف معك اما اوتو بسعرك هذا ممكن تتعبك 
خويي كان معه وحدة طلعها وكالة مكينة 1.8 شيبت راسه ماقعدت معه كم شهر الا وتسمع تكتكة وتفتفة وحنحنة وكل اللي في بالك 
وقطعها نادرة وطلبية 
اما 1.6 وقير عادي خذها وانت مطمن اهم شي مايكون انفك منها شيء 
موفق اخوي


up 0 down 1
ابو عبدالله احمد 3530
قبل 8 سنه و 8 شهر



اخ شادوز امريكي ولا استرالي المهم من شركة معروفة هولدن اما البقية افيو وابيكا وطقتهم هذول اشوفهم اكبر غلطة بتاريخ شيفروليه سيارات فاشلة وهم من صنع دايو اللي قفلت زمان بس اشتركو مع شيفروليه وللاسف قليل من الناس يمدحونهم 


up 0 down 0
00700 542
قبل 8 سنه و 8 شهر



والله يا اخوان جميعا ماقصرتوا الله يبارك فيكم ويجزاكم خير . طيب ايش رأيكم فى اللانسر ولا الصني ولا الماكسيما


up 0 down 0
بارومه 61
قبل 8 سنه و 8 شهر



00700

طيب ترا هولدن نفس وضع دايو و قريبه جدا من الافلاس و ترا دايو حتى لو ماكان سوقها ماشي عندنا شوفها
في الصين سوقها حريقة عندهم


up 0 down 0
shadowz33 1098
قبل 8 سنه و 8 شهر