أضف سؤال أو موضوع جديد          

حادث اخوي..

up 13 down 2
b or not be 1422
قبل 8 سنه و شهر



السلام عليكم ورحمة الله وبركاته :




قبل شهر واسبوع تقريبا اخوي اللي اصغر مني غير الكفرات الأماميه ب 600 ريال (الواحد ب300 ريال) وهو راجع في أمان الله الا وتطلع له تريلة ماء معكس الشارع ويبغى يروح للشارع الثاني .. وفعلا دخل ولا عنده..واخوي ما انتبه لانه على لفه ويلف الكابريس يمين كامل ويشطف التريله واول ما رجعه يسار زحف وثبت في الخط ما وقفه الا ضربة الرصيف.
يقول اخوي نزلت وكنت بعيد شوي من التريله وصاحب التريله وقف واخوي من الخوف وقف يطالع ويتحسس عمره وما هو مصدق نفسه انه حي وهذا بفضل الله ثم بفضل الوالده اللي ما نروح مشوار الا وتدعي لنا ..اااه يا قلبي عليها ي جعل يومي قبل يومها الغالية .
بعدها صاحب التريلة عشق ودعس وما فيه احد في الطريق الا اخوي وصاحب التريلة وما درى ايش يسوي وانتظر خمس دقائق وتمر دورية بالصدفة وبدون ما يوقف بلغ عن الحادث وجاء المرور وي ليته ما جاء ..
وانتهت بورقه اصلاح واصلا وجود الورقة مثل عدمها  وقلنا صاحب التريلة والرد كان هو نفس الرد اللي قاله لي في احد مواضيعي السابقه:ما معك رقم اللوحة ما نقدر نخدمك..
انا من الغبنة عصبت على اخوي وقلت ليه ما مشيت على الصدمة الكفر باقي يمشي الين توقفه وبتقدر وهو اللي بيتحمل التكاليف كلها حسبي الله عليه واخوي يطالع فيني وسااااااكت ما يدري ايش يقول .
ولو قدر الله انه لحقه كان كلها بالكثير 500 متر وهو موقفه او ماخذ رقم اللوحه لان الطريق مزدوج وما فيه مخرج و في نهايته مطبات عددها 3 راح تجبر التريله انه يوقف وعاد ما يحتاج اقول كيف كبرها.
اضرار الصدمه وكانت في الجهة اليمين:
1. المقص الخلفي وتجي معه الفلنجة ما تنفك
2. الجنط الامامي انكسر
3. الاذرعه الاماميه وبعد الفحص طلعت الاذرعة الداخلية فقط
4. اخوي صار يكلم نفسه ثلاث ايام بعدين رجع طبيعي الحمد لله ههههههههه
راح اكتب موضوع ثاني عن التصليح وبيكون بالصور




لكم كل الود والاحترام
اخوكم/خالد









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


x500/ صدقت ي الغالي..لكن لو اخذت مقص فيه ذراع فما فيه مشكله لاني ما عندي مكان للذراع وباشيل الذراع لكن المشكلة لو القص حقي فيه 
ذراع وما لقيت!!!! هنا المشكلة.
sponcer / dr.kaj / مشكورين... وبالنسبة للعصبية فهي عشانه كان خايف على السيارة اكثر من نفسه وما لحقه لكن الحين الوضع عادي


up 0 down 0
b or not be 1422
قبل 8 سنه و شهر



يارجال عوافي في الحديد ولافي العبيد


up 0 down 0
Abu Tariq 16 1086
قبل 8 سنه و شهر