معلومات الكابرس 93 وتحت يوصل 260

اذا كان بوليسي يوصل اما غيره مايوصل

يعطيك العافية لو اقدر احص ذي المكينة

يعتمد على الدفرنس اذا كان دفرنس الامباله او ابوغزاله ومسنن يجيب ال 260 ترى اكابرس 93 جير 700 اسرع من الكابرس 94 الى 96 لانه اخف في الوزن .

بعد100 لاتأمن السياره

الشفر غييييير لو اقدر امشي 300 مية كان مشيت وكل شيء بيد الله

ايه اذا عاد دفرنس اس اس او بوليسي اما ٩٤ وفوق هي اصلا طبلونها ٢٦٠ وانا قد صكيته كامل ووالله ان الابره حقت الامبير انها نزلت تحت ٢٦٠ بكابرس ss 96

يا راعي الغزال تقارن الصابونة بالاس اس الله يسامحك تدري مكتوب عندي الطبلون 140 كيلو 80 ميل الهايلوكس 85 طبلونة 180 لاكن الامريكان لاعبين في حسبت السيارات الي جاية لنا

ابو خزز الي عندك اكيد من ٩٣ وتحت واستخدام امريكي. اما ٩٤ وفوق يجيك العداد ديجتل 

انا عندي كابرس موديل 85 بوليسي قزاز هندل وفيه علامة داخل السيارة مكتوب امبالا والاستمارة كابرس والشكل كابرس مافي فرق المهم مرة كنت مسافر ورحيمي معاه مرسيدس 87 اتصل على وحنا ماشيين قال كم ماشي طبعا طبلون الكابرس مسطرة واخر شيء مكتوب 140 طبعا العداد يتعدى ينزل تحت ويوقف في الاخير يقول رحيمي انه ماشي وراي 240 والله ما صدقت حلف لي انه ماشي 240 مع ان مكينته 305 والجربكس 700 والدفرنس دائري لو مربع ممكن تفرق والكابرس باقي موجود معي بس له تقريبا ست سنوات ما احركه وعندي كابرس ثاني اخوه بس جميح ومن الوكالة والى الان معي ويفرق عنه مكينته 350 والجربكس 700 والدفرنس مربع وماشاء الله سيارات قوية وعز وقديمك نديمك لو الجديد اغنااك ،،، وسلامتكم وآسف على الاطالة .

حياكم الله اي نعم الكابرس 91
طيب وش يفرق البوليسي عن العادي

والله ياجماعة السرعه مهي طيبة


انا كان معي كابريس ال تي زد 96 وكنت فاك الفصلة مشيت عليه 230 اقسم بالله مرررعب

ايه البوليسي اقوى من العادي بكثير واحد من اصحابي عنده 93 ltz والطبلون طبيعي يجي مستطيل
لكن حق خويي مستطيل وفيه عداد الكتروني و عداد ضغط استخدام بوليسي الاختلافات قير 700 عادي
المكينه 350 بوليسي شد بلد مو مخروطه ولا حاجه اتوقع الاختلاف في الكرنك اما الدفرنس قوي مررره 3.73
ومستحيل كابرس يجي كيذه الدفرنس هذا ما يجي الا على الجمووس طبعا جاب جميع موديلات الفوردات والكوامري والهايلوكس
قير عادي جابها قوومه وخط واي شي وموستنق بس قديمه لمن يدعس ربع الدعسه السياره تقحص مع اول تعشيقتين في الزفلت واذا مغطها تحووس مكانها واكثر سرعه جابها 244 بس الخوف ما خلنا نزيد والى الان ما نعرف كم آخر الطبلون

عندي كابرس 87 و مشيت فيه فوق 200 و احس انه يبي بعد يبيني ادعس زود بس خفت عليه ..و القير 700 و الماكينه مدري والله و مو عارف كيف اكتشف هي 305 او 350

عندي غزال 96 يمشي 270 بالراحه وبدون اي تعديل ولاحتى برمجه مافي سياره صفت معي بالخط 

الحين وش مواصفات الكابرس البوليسي في البدي والداخليه !؟

ياحظكم طبيتم ياأهل الكوابرس في النظيف .. انا دوبي تولعت فيها لكن مالقيت النظيف ومن خردة في خردة ...بعدين فكرة في 79  واخذته وابتلشت في القطع حتى في التشاليح ماتحصل ..واخيرا النفس من الكابرس قنعت .