أضف سؤال أو موضوع جديد          

وش رايكم بالكابرس موديل 2007 --2008 وهل خراباته قليلة

up 2 down 0
mt3b bn man8or 437
قبل 8 سنه و شهر



السلام عليكم .. شباب انا ناوي اغير الفورد حقي موديله 98 وصراحة كفا ووفا ماقصر بس خلاص طابت نفسي منه ونى عاجبني بالحيل الكابرس موديل 2007 --2008 وش رايكم فيه هل الموتر اعطالة قليلة ويعيش ويكد مثل الفورد وقطع الغيار ونى عادي ماهمني سوا 6 سلندر او 8سلندر ووش الي اعطالة اقل افيدوني 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


مطلعين واحد وكاله  2006  وقتها ال اي زد  ناسي بكم يس اظن حول 80 الف

بعناه عام 2009  ب38 الف او 30 او 34  ﻻاذكر   بديه وكاله ﻻرش وﻻسمكره  

 صديق الورشه  قطع غير متوفر غالي  عند البيع  مايسوى  ﻻانه شبههه   انت بعت فورد خذ فورد ثان  2007  مرغوب  صبور  قطع متوفر   ميحتاج امدح انت تعرفه 


up 4 down 1
القووويعيه -374
قبل 8 سنه و شهر



^^^^^

ال تي زد


up 0 down 0
القووويعيه -374
قبل 8 سنه و شهر



ماشي حاله بس قليل ماتحصل نظيف .. وبعدين فرق 6 و8 سلندر  حتى لو مايهمك واخذت 6 مع الوقت بتقول ليتني اخذت 8 ﻻنه قوي ومرغوب  


up 0 down 0
al_orainy 56
قبل 8 سنه و شهر



صراحه موتر واذا انت في شوري اخذ 8 سلندر ودور واحد نظيف والله موتر جبار 


up 0 down 1
05512 1697
قبل 8 سنه و شهر



أخوي كل واحد على حسب استعماله 
مثال: 
شخصين اشتروا. اكسنت. طلعوها بنفس اليوم 
واحد محافظ عليها. وواحد يفحط فيها ويسابق 
فيها لو تسألوا عن الاكسنت يقلك مو كويسة وتخرب على 
طول. ( ليش قال هذا الكلام؟؟ ) 
والمحافظ عالسيارة تسألوا كيف الاكسنت يقلك 
( ممتازة مافي احسن منها)  
هذه الناس زي كدة 
والملخص. كل واحد حسب استعماله 


up 0 down 1
salah.e 472
قبل 8 سنه و شهر



^^ 


مب شرط يالغالي أنا كان معي كآبرس ومحآفظ عليه طبعا 8 سلندر و2007 وأنواع المشاكل الي تشيب الراس من كهرب ومن قطع ميكانيكيه وقروشه وقلة حيا وبطن الموتر هبل بي مقصات ومساعدات وفيه أشياء كثيره لايسعني ذكرها الا بالقوه بتخلونه موتر اعتمادي ويتتحمل ؟ وعموما أنا يوم أشريه أخذت بنصيحة واحد زيك أذا بتحافظ عليه بيمشي معك لكن للأسف شفت العكس  ومن أعطاله الي واجهتني واغلبها على ال 130 ألف واجهتها


طرمبة زيت وهذي شآئعه بالكوابرس واللومينات ال 8سلندر وأذا حبيت تتاكد أدخل اس اس عربي قسم الورشه وخذلك جوله على المشاكل 

بكرة الكرنك كل 40 الف لازم تغيرها

طرمبة المويه تطلع صوت


دينمو الكهرب جنني من سطحه لسطحه واحيانا أدق سلف وانا بمكان محرج مثل مواقف الجامعه أو موآقف سوق أو ضيف عند أحد ويالله النكبه 



عموما الي يبي يشري كآبرس يكون موظف أو عنده قدره على أنه يصرف عليه شهريا أو يأخذه جديد سنتين ويبيعه 


up 2 down 0
عسى ربي يفرجها 40
قبل 8 سنه و شهر



^^  وش ذا المشاكل والله لو انه في التشليح الا كانك ماخذه من التشليح ومركب له مكينه 

انا معي 2011   له معي سنه و 8 شهور وماخليت ديره عليه ولا واجهتني المشاكل اللي تقول بعد ماكمل 100000 كم غيرت حاجات 

استهلاكيه بواجي وزيت قير وماء راديتر جديد وفحمات وكفرات والباقي  على حالة الوكاله والحمدلله مرتاح معه 

واذا بعته بشتري كابرس 2014 واخليه يكمل المشوار معي   وسلامتك 


up 0 down 2
05512 1697
قبل 8 سنه و شهر



طيب اخوي دامك تبي امريكي الشباب فوق ماقصروا .. 
لكن شفلك فورد 2006 وطالع اذا لك نظره ...
الله يوفقك ي رب ومن يقرا


up 1 down 0
ابو نورره 98
قبل 8 سنه و شهر



وعليكم السلام

انا جربت كابرس ثمانيه سلندر اس اس 2007 .. ممتاز جدا واذا سواقتك تمام مابتشوف خرابات .. والسياره مريحه وثابته جدا بالخط ..

اشتريته الكابرس قبل سنتين و6 اشهر بالضبط
واستخدمته من 16 الف كيلو الى 83 الف كيلو وماغيرت اشيآآآء كثير .. هذي الاشيآآآء اللي غيرتها ..

طقم اربع كفرات ب2600 ريال
على 60 الف غيرت زيت القير مع الفلتر مع التركيب ب260 ريال
كل 5 الاف اغير زيت المكينة موتوركرافت 10w30 مع الفلتر مع التركيب ب160 ريال
فلتر الهواء مركب فلتر رياضي ب290 ريال وانظفه كل 20 الف كيلو بعدة خاصه ب60 ريال وتكفي تنظيف ثلاث مرات
بواجي ب110 ريال بمحلات قطع الغيار .. بالوكالة ب250 ريال ..
العضلات ما قد غيرت فيهم شي ...
الفحمات الخلفية والامامية ماقد غيرتهم من يوم اشتريتها .. وقبل اسبوع شيكت عليهم باقي فيهم نص عمر.. مدري كيف للحين فيهم عمر..

قبل شهرين سويت حادث بسيط والرديتر انكسر الخزان السفلي وهربت المويه برى وكلفني هالحادث ..
رديتر جديد ب450 ريال صيني ( الاصلي سعره بالوكالة ب2050 ريال ومحلات قطع الغيار ب1900 ريال)
موية رديتر ب60 ريال
ترموستات مع الكوع ب120 ريال (لحد الآن ما ركبته)
كلبس اهواز ب5 ريال
غطاء رديتر ب70 ريال (لحد الآن ما ركبته)
الرديتر القديم صلحت الخزان ب100 ريال مع شغل يد ب50 ريال وبعته ..
المكيف ثلج بالخط وداخل المدينة وهي واقفه ومايحتاج تشتىري فلتر جديد .. .. تفك الفلتر وتنظفه ويرجع جديد 100% مثل فلتر المكيف سبليت ..


طبعا الحرارة كانت مرتفعه حتى بعد تغيير الرديتر بواحد جديد بعدين سويت تنسيم للهواء وضبطت الحرارة..
بعض الاشيآء شريتها مثل غطاء الرديتر والترموستات لان ما معي وقت كل يوم ادق مشوار عشان اشتري قطعه ..
اشتريهم كامل واللي ما احتاجه اخليه بالبيت ممكن احتاجه بالايام الجآيه ..

السيارة ماعمري آكلت بها لا مطب ولا حفر .. بعض الناس عندها الكابرس خرآبات مدري شلون يعني السياره ماشيه 60 الف يقولك الدينمو خربآن! ولا الكمبريسر للمكيف خربآن.. ومقصات خلفية ورمان خلفي واسلاك بواجي وطرمبة زيت وطرمبة مويه وبلاوي ..

قطع الغيار بالوكالة غالي شوي .. محلات قطع الغيار ارخص بكثير..

واظن موديلات 2009 وفوق الصرفية للبنزين اقل فيهم والله اعلم ..




up 0 down 1
بسدك 1365
قبل 8 سنه و شهر



لاتقرب 2007 او 2008 مشكله القير

فكر ب 2009 وطالع لان القير تغير من هذا الموديل


up 0 down 0
الرعد الابيض 118
قبل 8 سنه و شهر



^
^
نفس الكلام مشكلتها القير 4 نمر وغير كذا احسها صارت موديلات قديييمة وماتحصل نظييف 

اس اس 2009 افضل لان القير 6 نمر ومبردين قير هذا جيد 

واذا اخذت 2011 ووفوق هذا ممتاز 


up 0 down 0
ss 2007 1800
قبل 8 سنه و شهر



الكابرس نوع LS LTZ ماجت ب 6 تعشيقات الا من موديل 2011 الي جاء 6 تعشيقات من موديل 2009 رويال واس اس يعني لو تطلع ال تي زد 2010 فل كامل 8 سلندر 4 تعشيقات


up 0 down 0



غلطان , معي 2009 ال اس , 8 سلندر . 6 تعشقيات ومبردين قير ^_^ معلومتك خطاء هنا


up 0 down 0
f.a.h-666
قبل 8 سنه



طيب وش رايكم بسته سلندر ٢٠٠٧ كابرس 



up 0 down 0
سفوح الجبال
قبل 4 سنه و 3 شهر



السلام عليكم حبيت اعطيكم شور!
موجود كابرس ٢٠٠٩ تنصحوني اشتري؟؟
مع العلم ابي استخدم فقط


up 0 down 0
aayd alshrari
قبل 2 سنه و شهر