المفتاح ضاع

الي اقدر افيدك فيه من واقع تجربه 

ضاع مفتاحي ف فقدت الامل اني اتفح السياره

رحت ل حقين المفاتيح  قال لي انا اجي معاك وجا معي  ومدري وش سوا وقال مشينا ووديته وسوا لي مفتاح بس لعب بشنطة السياره

كيف قدر ياخذ نسخه مدري ماكنت مركز يعني لا تشيل هم  بتقدر تسوي مفتاح

رح محل مفاتيح وخله يجي معك وهو يقص لك ويبرمج لك 

والله مادري عن اللومينا وناخوك الوالد عنده صالون فكسار 2004  مفتاحه انكسر جوا السلف مرتين المره الاولى شرينا مفتاح بثمانين ريال المره القتنيه الوالد ضيع الشريحه ونروح ياطويل العمر عالوكاله قالو شريحه ب800 ريال وتكاليف غيرها المهم ياطويل العمر قالو نصلحه لك قلنا طيب وشوي الا يدقون قالو ماعندنا شريحه بس عندنا حل ثاني بنركبله جهاز ب1000 ريال قال الوالد ركبوه شوي قالو ماعندنا لموترك موترك خليجي ماعندنا الا مواصفات سعوديه وشلناه سطحه على واحد سعودي وزبطه لنا ب500ريال

اهلين اخوي
-(اخوي اول ضيع مفتاحو معاهـ جيب فورد اكسبلور ورحنا محل مفاتيح والحمدلله عندو ازرار في الباب (رقم سري) فكينا السياره وفك يد الباب الخارجيه والرجال معاهـ مفتاح وركبو في كيلون الباب وجالس يدقدق في راس مفك وبعدين طلعو وجالس ينحت لمن حطو في السلف والحمدلله زبط المفتاح وبعدين جاب كمبيوتر وشبكو في السياره وبرمج المفتاح 100%100)
-(فك وتركيب ديكور الباب مع مفتاح وبرمجه ...سعر التكلفه 230 ريال)
-(لا تنسى تشترط المهندس يرجع الديكور باب زي ما كان ووقت فك وتركيب تقريبا ساعه)
والله يعطيك العافيه وشكرااا لك