خويك من عايلة الشفر لاتترك مخاواته يوم قل الاخويا

العنوان سامج عارف هههههههه بس ماعندي غيره
حاولت لكن ما باليد حيله
لالالا
اليوم ماحد دق علي اشوى هههههههه
طبعاً اليوم طنّت في راسي أروح اشتري سراويل داخليه طويله مقاس خاص ٣ كراسي ههههههه
كل مره اشق سروال خاصتا يوم اصلّي اجي اسجد بقووه ههههه وتسمع صوت السروال طررررررط
ينشق علطول هههههههه قهر كل اسبوع اشتري واحد
المشكله غالي ١٨ ريال وصناعته سيئه

المهم
وانا رايح
شفت وكالة الجميح
قلت مره وحده على طريقي اصور موتر وانزله للأعضاء
شفتوا مانسيتكم حتى وانا رايح اشتري ههههههه
المهم
وادخل الوكاله
وجلست اناظر فالمواتر
وش اصور لهم ؟؟؟
كابرس ؟ لالا مليان النت كابرس
طيب يوكن ؟ خلاص قديم شكله بيتغير
طيب افيو ؟ هههههههه لالا دعابه
امممم امبالا شكلها حلو بس موتر عادي
قلت بسسس طاحت عيني على الخوي
خوييك في كل مكان فالبر عز خوي
فالخطوط طررب مكينته ٨ سلندر
ينفع للفلفة في التحليه والكشخه بس ركب له جنوط اسكاليد وتمشي امورك
موتر كان سابقاً شكله موب حلو مره وماله هيبه
لكن الحين صراااحه شييخ

وش تتوقعوون هالموتر ؟
موتر ماجوه الزباين باقي

تتوقعون بياكل الجو على خويه الثاني ؟
انا صراحه لو معي فلوسه شريته

تتوقعون وش هالموتر ؟
من شفر هو هههههه طفشتكم صح

انهُ
سلفراااادو
طررررطع دجججج قيييق طوووط طرررقع
ههههههه هذي حقت المفاجأه يعني

انشهد انه شيخ
لاتقول لي شاص
الشاص قوي للغنم والحلال وللوديان والشعبان
بس قاااسي ينطنط صراحه ماينفع للمدن والسفريات

السلفرادو للخط كفوو امريكي مرييح وطرب ٨ سلندر
للطعوس كفوو بعد دبله سهل فرار حتى ماله داعي الدبل الموتر في بطنه قووه مايبي لها دبل يخوك هههههههه كيف يخوك جايه كشخه صح
هههههه امزح معكم
طبعاً السلفرادو مرتفع بالحييل يعني صراحه يبيلك درج عشان تطلع
بس يعيشك جو انك فوق صراحه
ركبت السييرا صراحه ناازل مره ولحيته نازله
لكن السلفرادو مرتفع تحس انه كفوو للبر
طبعاً الي انا صورت لكم الفئه LT
صراحه اشوفها طيبه جدا مايحتاج تاخذ الفل
هذا فيه كل شي
الشاص مافيه تكايه وسطيه
السلفرادو فيه تكايه وسطيه يحبها قلبك وفيها مدخلين USB وفيش ٢٢٠
وصراحه مقاعده مريييحه جداً ما كأنك راكب موتر غماره
السلفرادو فيه مثبت سرعه
الشاص مافيه
السلفرادو قير تيبترونيك والشاص قير عايدي
السلفرادو فيه كمبيوتر رحلات وتنبيهات نقص ضغط الاطار والشاص مافيه
السلفرادو فيه ريوس الشاص مافيه هههههه دعابه هذي موب صدقيه
خاصتاً الوجهيه هييبه
طبعاً

الفئه LT فيه ( قزاز كهرب ، دبلات ، مرايات كهرب ، ريموت ، مثبت سرعه ، دخلات usb ، شاشه صغيره لعرض المعلومات هذي فالوسط عند المسجل )
سعره ١٤٥ الف ريال
أنصح تاخذون غماره وحده
لأنك بتحس أنه مثل خويك انت وياه واحد مايركب فيه إلا انت بس تحس في ارتباط وحب بينك وبينه
بعكس الغمارتين طويل وتحس أنه للجميع هههههه
طبعاً صورة لكم صور كثييره عشان تشوفون كل شي فيه عاد كل واحد يسوي له كاسة شاهي ولا قهوه تركي ويتفرج عليها

نتمنى أننا صنعنا لكم المتعه والاثاره والاكشن هههههه
دمتم سالمين
صديقكم
& أنيق &

دقيقه دقيقه
ترى اخر شي حطيت لكم شيله عشان تتخيلون نفوسكم وانتم ماسكين خط بالسلفرادو هههههه يبي يقهركم

http://m.youtube.com/watch?v=NewpGcGGzos