أضف سؤال أو موضوع جديد          

واخيرا تم تبديل الزيت

up 4 down 6
عمر الزمان 672
قبل 6 سنه و 11 شهر



السلام عليكم


انا متعود اشتري الزيت مع الفلتر من الوكالة و ابدلهم عند البنشري

وتعامل مع محطه معينه وكان ياخد 10 ريال

ولكن تغير اصحاب المحطة والجدد ما يرضوا يغيروا الزيت

ما عدا واحد منهم يشتغل اخر ليل اروح له وياخد 20 ريال

الان حتى هو اختفى وضعت مع تبديل الزيت


اشتريت الزيت من اسبوع وانا ادور لي محطة تقبل تبديلة وما حصلت

كلامي عن الدمام و سيهات و القطيف !

ولكن الحمدلله البارحه حصلت لي محطه في تركيا و بدل الزيت


قلت خلاص اول ما يصير عندي فلوس بجيب هندي يبني لي حفرة لتبديل الزيت

ابدله بنفسي وافتك من مذلة البشريين







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


مب لازم حفره وخساره فلوس

ارفع الموتر بعفريته وبدل الزيت مثل ما اسوي انا


up 4 down 2
..استغفر الله.. 266
قبل 6 سنه و 11 شهر



غير عند الوكالة وريح راسك 

فيه عندهم صيانة وسعرها غالي شوي وفيه عندهم غيار زيت وفلتر ب220 تقريبا بس ما ادري التاهو نفس السعر او لا


up 2 down 5
المحترف 2012 2124
قبل 6 سنه و 11 شهر



رح الوكاله قله تغير زيت 
سعره نفس الى برا اللهم 
فرق 10 او 20


up 1 down 1
ابوسعيد الاحمري 1017
قبل 6 سنه و 11 شهر



فيه بنشري اغير عنده وياخذ شغل يده 5 ريال بالشارع التجاري 


up 1 down 1
ابو سعود629 4706
قبل 6 سنه و 11 شهر



سوي لك حفره افضل تغير زيت تشحم بطن الموتر وتصلح 

وتتفقد السياره لو عندي فلوس كان سويت حفره

تنفعك كثيير


up 3 down 1
نوار الوذيناني 510
قبل 6 سنه و 11 شهر



سوي لك حفره افضل تغير زيت تشحم بطن الموتر وتصلح 

وتتفقد السياره لو عندي فلوس كان سويت حفره

تنفعك كثيير


up 0 down 0
نوار الوذيناني 510
قبل 6 سنه و 11 شهر



والله ياخوي

اخذ فلتر من الوكاله والزيت من محلات الجمله 

وكلها الـ 45 الف الاخيره انا اللي اغير لموتر 
وفوق كذا غيرت زيت دفرنس موتر الوالد 
والشحم وغيرها واااااااااااجد 

والله انهم استغلونا في اشياء تااااافهه خلت الواحد يكون
 اتكااااالي مايتكل عليه 


up 1 down 1
عبدالله 711 791
قبل 6 سنه و 11 شهر



اوشف موضوع احد الشباب هنا
اتوقع انه شاقح مركب له بدل السره
مثل المحبس حق الماء يفكه ويخرج الزيت



up 1 down 0
ابوسعيد الاحمري 1017
قبل 6 سنه و 11 شهر



حصلت محطه في تركيا!!!


up 2 down 0
بدر الغامدي 88083 4055
قبل 6 سنه و 11 شهر



حفرة وين توديها 
ما عمرك شفت بعض الورش او محلات غسيل السيارات او بعض الوكالات يعرضون سياراتهم عند مدخل الوكالة كيف
عند الحدادين يفصلون لك حديد تطلع السياره عليه على شكل مثل المثلث الطويل
على اساس السياره تطلع من البدايه وتبدأ ترتفع ويكون اساسا ماهي طويله القوائم
تقريبا بيكون طول الوحده متر ونص الى مترين تكفي ترتفع فيها السياره لو الكفرات وتغير الزيت براحتك


up 2 down 0
أبو عبدالله .... 76
قبل 6 سنه و 11 شهر



اهلا

( ابو سعيد الاحمري )

سألت شاقح عنه وقال انه بينزل تقرير عنه بعد ما يستخدمه كم شهر ويتاكد منه

( بدر الغامدي ) 

تركيا احدى مناطق محافظة القطيف

( ابو عبدالله )


عندي رفاعات مثل الي دكرتهم و لكن متعبه في الشغل 

عندي مستودع بالمزرعة بعمل لي حفره اريح للشغل


والشكر والتقييم للجميع 




up 0 down 0
عمر الزمان 672
قبل 6 سنه و 11 شهر



عفوا الحفرة خطيرة صعب تحفر حفرة وتوقف السياره فوقها مرتين ثلاثه راح تنهار الاتربة من الجوانب
وتطيح عليك 
الحفرة حقت البناشر مدعمة بالحديد والاسمنت وشغلها صعب لكن نظريا تحفر حفرة بالمزرعة بجوانب ترابيه خطيرة
الحديد المذكور لك حتى سهل الاستخدام بالصيف 
الحفرة حتى ولو كانت امنة وبدون تهوية بالصيف بتموت حر غير انك تحتاج للاضاءة حتى بالنهار
بعكس الحديد شغل سهل وامان اكثر وتهوية ولا تحتاج اضاءة بالنهار


up 1 down 0
أبو عبدالله .... 76
قبل 6 سنه و 11 شهر



الحفره ماتحتاج اسمنت وحديد سيارتك تراها صغيره وخفيفه مهو تريله

والحفره تسويها طوب صغير وتبنيهابأسمنت وطوب صغير وبس

او من الطوب العريض مهو وتحطه بالعرض وتبني وخلاص

موجوده عند اكثر الورش هكذا وانزل الورشات شوف بعينك

وصل اللهم على سيدنا محمد


up 1 down 0
نوار الوذيناني 510
قبل 6 سنه و 11 شهر



السلام عليكم .. عندي مداخله بسيطه ..
ليه بدل ما تسوي حفره وحفر وشغله .. 
جيب بلك وابني عتبه مرتفعه وبالوسط فراغ مثل حرف n بحيث ان الموتر يطلع عليه بكل سهوله ويكون عندك مجال بالوسط تدخل تحت السياره وتغير الزيت 


up 1 down 0
أبو غاليه ... 770
قبل 6 سنه و 11 شهر



ههههههه غصب اشتري من عندي زيت ولا ماراح اغيره لك ....


up 1 down 0
ammar-512 21
قبل 6 سنه و 11 شهر



اشتر حديد مثل الجسر الي بعض بعض مغاسل السيارت تستخدمه بعد ماتغسل السيارات ووقت التمسيح تجيب حديد مثل الجسر وترفع جزء من السياره هذي اشترها واستخدمها لما تبي تغيير الزيت في بيتكم


up 1 down 0
Pro rare 447
قبل 6 سنه و 11 شهر