أضف سؤال أو موضوع جديد          

حزام الامان لسلامتك

up 5 down 3
aooa1729 533
قبل 8 سنه



السلام عليكم و رحمة الله تعالى و بركاته .. و الصلاة والسلام علي رسول الله 

كيف حالكم عساكم طيبين 
ندخل في الموضوع 
حزام الامان يا اخوان فيه ناس ما يربطه الا عند نقاط التفتيش لتفادي المخالفة 
طيب ليه ؟ لو مثلا سايق في حارة و ماشي 40 كولي اقصد كيلو و جاك جمس طاير ماشي 80 في حارة 
بعيدة ؟؟ ماهي بعيدة 
و دعم في سيارتك و انقلبت احسن تكون في سيارتك ولا تكون برا مرمي و دمك مالي الشارع 
احسن تكون في سيارتك طبعاً 
و فرصتك انك تطلع من السيارة باقل اصابة لمن تكون رابط الحزام 
مثال قبل فترة يمكن شهرين توفي صديق لخالي في الطريق السريع كانو ماشي في سرعة عالية و حصل شي 
الزبدة ان السيارة انقلبت سبع قلبات ورا بعض 
و في السيارة كان السائق و صديق خالي 
السائق كان رابط الحزام لاكن صديق خالي العكس ما كان رابطه 
السائق نجا باصابات بسيطة لاكن الصديق خالي اسأل الله ان يرحمه و يغفر له و يسكنه فسيح جناته 
الخلاصة يا جماعة الخير 
اربط حزامك حتى لو ماشي البقالة اربطه 
لا تقعد تقولي مو مريح و مدري وش 
الحزام مصمم لراحة الراكب 
و حتى في الكتلوجات حقت السيارة مكتوب (( الشركة تخلي مسؤوليتها في حال حدث حادث و لم يكن الركاب مرتدين حزام الامان)) 
و فيه ناس يقول لك مو مهم في المدينة بس للخطوط 
لا يا ابو الشباب اهميته في المدينة نفس اهميته في الخط 
الزبدة اربط حزامك دائماً حتى لأقرب المشاوير 
في امان الله














إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اعلمك ليه الناس ما تربط حزام الامان 
علشان تبي الراحه ...
واذا صارحادث لا قدر الله 
بطنك بي ينفقع 
احسن شيئ الارباق 


up 0 down 6
xx -abdulrahman -xx 45
قبل 8 سنه



كلام سليم و للاسف قليل الا يربط الحزام 
حتى انا بامانة على المزاج في سيارتي القديمة بس الجديدة تقعد تطلع صوت مزعج الي ان اربطه شيء مفيد صراحة


up 0 down 0



باختصار حزام الامان ثقافه يجهلها الكثير 


صار حادث لصديق واحد من العيال وهو بالحيل يعز عليه 

المهم ان الرجال تو متعين مدرس وتو مملك على زوجته

قدر الله وصار له حادث وهو راجع من المدرسه وانقلبت السياره وطار

من السياره ودخل غيبوبه شهر والنتايج شلل رباعي 

الي يقطع القلب ان لما زرناه في المستشفى كان يقول لخويي يا فواز

انا مو حاس بجسمي ما احس شي !! ليه 

طبعا محد قاله ان فيك شلل رباعي عشان ما تجيه صدمه نفسيه 

خويي قاله هذا من البنج وان شاء الله فتره ويروح 

الله يشفيه ويكتب له الصحه والعافيه 

وش تتوقعون راح يصير له اول شي راح يفصل من وظيفته 

وراح ينجبر يطلق زوجته 
تدمرت حياته  والسبب سرعه مع عدم ربط الحزام 

اكيد قضاء وقدر بس مع الفعل بالاسباب *


up 7 down 0
al-harbi- 988
قبل 8 سنه



انا كنت كل ما أطلع من البيت اربط الحزام الا يوم صدمت وهاذا كان من رحمت الله لي للأن المكينة دخلت عندي لو كنت رابط الحزام
كا تمزقت رجولي لاكن رجعت للخلف وقت الأنقلاب 



والله ماحد طال فيه وانا اخوك 


up 0 down 0
sehly11 648
قبل 8 سنه



لو تلاحظون حوادث الغرب كبيره ومخيفه بس يخرجون من السياره أحياء سبحان الله 

لأنهم يربطون حزام الأمان 

والامان بيد الله سبحانه وتعالى 

سبحان الله وبحمده ** سبحان الله العظيم 


إي والله صدقت يا غالي
حزام الامان يا كثر انقذ ناس و القصص و الاحصائيات موجودة و متوفرة للاطلاع
بقي ان اضيف ان حزام الامان واجب على الخطوط السريعة الهاي وي لكنه اقل اهمية داخل المدن حيث السرعة البطيئة
اشكرك مرة اخرى


up 0 down 0
nezarnuaimat 733
قبل 8 سنه