أضف سؤال أو موضوع جديد          

قصتي وتجربتي مع التوكيلات العالمية للسيارات أنقلها لكم ...

up 16 down 0
طالب علم. 282
قبل 4 سنه و 9 شهر



بسم الله الرحمن الرحيم

السلام عليكم ورحمة الله وبركاته

أكتب لكم قصتي مع التوكيلات العالمية للسيارات
بكل شفافية ...
طبعا بسبب ضعف حماية المستهلك في المملكة أصبح المواطن ضحية لشراكات السيارات من نصب وأحتيال وكذب وتدليس وينطبق عليهم المثل الشهير (من أمن العقوبة أساء الأدب )

الوالد قرر يشتري تاهو 2014
رحنا للجميح وسألنا قالوا انتهت الكمية وموجود نفس المواصفات لكن بدون دبل وبنفس السعر (136500) تقريبا

المهم توجهنا الى التوكيلات العالمية للسيارات وياليتنا من رحنا لهم

وسألنا على تاهو 2014 LT دبل قال موجود حبة وحد لون رصاصي 136500 ريال

وقال هو الأن موجود في جدة 10 أيام وبالكثير 14 يوم ويكون عندنا
توكلنا على الله وعربنا لهم بــ10 الاف ريال

ومع محاولة الموظف واصراره بدفع كامل المبلغ لكن الحمد لله وقفت على 10 ألاف حتى أني شكيت في الموضوع

مرت الأيام وبعد 14 يوم أتصل الوالد على الموظف وسأل عن السيارة وقال أسفين 3 أيام ويوصل؟؟؟ (كأن الناس لعبة عندهم )

ويتصل عليه الموظف مرة ثانية وقال له الموتر يبيله 5 أيام تقريبا وهو في أبها كان خطأ في السستم ..

المهم وتجي الطامة الكبرى وصل التاهو للرياض أخيرا بعد 3 أسابيع تقريبا من أبها لكن قال بكل وقاحة لازم تزيد 10ألاف ريال على قيمة السيارة أرتفع سعره من الشركة يعني يصير المجموع 146500 ريال

رفض الوالد يزيد ريال على السعر المتفق عليه وطلب ارجاع العربون (حتى شرعا ما تجوز هذي الحركة لان تم البيع حسب السعر المتفق عليه)

قاولوا له تعال بكرة وتستلم العربون ناوين يمرمطونه...

راح لهم الوالد مع أخوي اليوم وقالوا له بكرة تستلم العربون

كبر الموضوع وجاء الموظف كلام على كيف كيفك عطوه الساخن

المهم حولهم الموظف الى المدير

وكملوا الكلام عليه ههههه

المهم تأسف المدير وقال حنا غلطانين وأسفين ومعكم حق وبكرة تستلم العربون لان المالية قفلت ونجيبه الين عندك (ماينفع معهم الا الساخن)

وعدنا تاهو LT نفس الموصفات لكن بدون دبل بــ131600

وبعطيكم كوبون تضليل عازل حراري من زيبارت وصيانة 10 و 20 ألف مجانا

قال لهم الوالد ما نبي منكم شي النفس طابة منهم

الخلاصة ..

*طبعا يقدر الوالد يشتكيهم ويطلعون السيارة بنفس السعر لكن زي ما قلت لكم النفس طابت منهم والله لا يبارك لهم في بيعم

*قبل ما تشتري السيارة أسأل عنها في المعارض كان سعر قبل 9 أيام 132500 دبل لكن أنتهى العرض وسعرة الأن 146000 تقريبا

*لا تثق أبدا في شركات السيارات لان هدفهم الوحين جني الأرباح

*أحينا يكون في السيارة رش أو عيب مصنعي أو أي ملاحظات وللأسف بعضهم يبيعها على أنها جديدة.. حاول أنك تفحص على الأقل بدي السيارة للتأكد من سلامته

*أتمني أنكم أستفدتوا من الموضوع ونرجوا تقييم الموضوع حتى يصل الى أكبر عدد ممكن من الناس...

وشاركونا بتعليقاتكم وملاحظاتكم .. والسلام عليكم









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


مهما فعلت جميييع الوكالات ,, ماراح تكون اسوأ من وكالة الوعلان على مر العصور

3 شهور انتظر وبالنهاية يقول السيارة رجعناها للميناء عشان فيها " خطأ برقم الهيكل " ,, ويجبرك تاخذ النص فل عشان الفل عليه طلب ومايفرق الا 2000 ريال فقط

هذا غير الخساسة بالصيانة ورداءة " الهنقر " المسمى بمركز صيانة


up 9 down 0
YASSER505 4157
قبل 4 سنه و 9 شهر



اخوي انا لو مكانكم كان بفلوسي هذي  ازودها وااشتري باترول بطل الدروب افضل مليون مره من التاهو لان التاهو استخدامه محدود مو مثل الباترول خط وبر وعائلي ومدينه وياباني والعيسى وكيل جديد ويبي يكسب سمعه وللمعلووووووومية نزل عرض عند العيسى الان الحقوا عليه وهو ان مثلا سعر الباترول الجديد 180 الف تدفع كاش 90 الف وبعد سنتين تدفع 90 الف كانك شاري بسعر الكاش


up 8 down 6
ابو علي 1 1009
قبل 4 سنه و 9 شهر



كفو والله مايجيهم الا كذا
قال الموظف نشب مع الوالد وماقدر يقنعه قاله خلني احوله للمدير
حوله للمدير ولكن للاسف تم نسف جبهت المدير ههههههههههههههههههه

مالهم الا كذا


up 5 down 0
شويخ من أرض مكناس 2813
قبل 4 سنه و 9 شهر



شعب مسكين
لازم نعرف النظام عشان نقدر نخارج أنفسنا منهم ونأخذ تعويض على المرمطه
لكن وين اللي يصمل


up 3 down 0
لكل ساقط لاقط -56
قبل 4 سنه و 9 شهر



اوسخ شركة تبيع سيارات مرشوشة ع انها جديدة والتجارة ماتحرك ساكن
عشان صاحب الشركة من اصحاب السمو اللي النظام يسوي نفسه ميت
معاهم  حاول تكتب لوزير التجارة توفيق الربيعة في تويتر يمكن يتفاعل معك 


up 4 down 0
ابو خالد الناصري 476
قبل 4 سنه و 9 شهر



نفس الحاله صارت لي قبل ٩ شهور تقريبا 

طلبت امبالا وعربنت فيها وكل شي تمام قال ثمانيه ايام وتوصل وبعد عشره ايام تستلمها 
قعدنا ثلاث اسابيع والاسبوع الثالث اشتكينا في وزارة التجارة 
بيجي كم واحد يقول ماحد بيطالع لك ، لا طالعو وصاروا يتصلون بشكل يومي استلمتها والا لا 
وبعدها صارت تجينا مكالمات من جده من التوكيلات ويقولون اسفين سيارتك موجودة لكن البطاقه الجمركيه ضاعت 
ملخص كلامي الواحد لايقول مافيني من تعب واشتكى ومافيني للطلعه والنزله : ) 


up 5 down 0
bari.za 201
قبل 4 سنه و 9 شهر



ياعمي اشتكي ولا عليك فيهم انا اشتكيت على بنك الراجحي. لوازه الماليه ماقعت الى اسبوعين وفلوسي بصرافه 


up 6 down 0
سكودر 14891
قبل 4 سنه و 9 شهر



حاول تشتكيهم وزيرالتجاره الربيعه شادحيله


up 0 down 0
بندر اللبدانى 122
قبل 4 سنه و 9 شهر



في بلدنا الكريم المواطن اخر شي يفكرون فيه ولو تبي تشتكي بتتعب كثير اراسلك اللحين اخوي والله العظيم وانا منتظر كنب فصلته للمجلس والله له اكثر من نصف شهر رغم انه وعدني خمسة ايام ويكون جاهز ويوم فرحت وجابوه طلع مقاسه غلط ورجعوه وطلبوا مني 300ريال زياده هههههههه رغم انهم اللي غلطانين قلت ابشتكي لكن والله العظيم داري اني بتعب عالفاضي لأن الاجنبي قدره فوق المواطن والشكوى لله


up 4 down 2
مهووس سيارات 471
قبل 4 سنه و 9 شهر



الشكوى لغير الله عيب ومذله 


مالنا الاالصبر 


up 2 down 1
amear 1334
قبل 4 سنه و 9 شهر



التوكيلات المفروض يسحب منها توكيل جنرال موتور بس شفعت لهم كثره الفروع كل بيعهم ضحك ولعب على الدقون واحد مثل حالتك دفع كاش قبل يشوف السيارة يوم جت حصل صداماتها حكوك قال مابيها بعد مانقلوها باسمة مشاكل معهم ثم وافقو يغيرون السيارة يوم غيرها حصل خطا في البطاقه الجمركيه اللون ذهبي ومسجل فضي اخذ الاوله وطلها وباعها بخسارة


up 1 down 0
بريق الرياض 266
قبل 4 سنه و 9 شهر



الله يكون بعوننا والله يقوي الربيعة على الهوامير الكباار ..

ولعلها خيرة رح وكالة فورد وشف الإكسبدشن يمكن يناسبكم .. لانة أقرب سيارة لليوكن والتاهو تقريباً ..


up 0 down 0
youlike 559
قبل 4 سنه و 9 شهر



كل الوكلاء في السعوديه نصاااابين 


up 0 down 0
05512 1699
قبل 4 سنه و 9 شهر



الردود تبالغ للأسف في ذم الشركة 


تجربتي شريت تاهو ٢٠١٢ وقالي أربعة ايام بالظبط وهو جاي من نجر ان الي أبها وبالفعل في نفس الوقت جابوه وتمت المبايعة

اعتبرها من وجهة نظري افضل وكالة وأحسن من الجميح وشلته  





up 0 down 2
صبي ربعه 22
قبل 4 سنه و 9 شهر



جدا سيءه . شريت من عندهم سياره و كانت اسوء تجربه مريت فيها . لا يمكن اشتري سياره او اتعامل معهم ابدا


up 0 down 0
salemg
قبل 4 أسبوع و يوم