كابرس 2006

و عليكم السلام ورحمة الله وبركاته

اخوك كم عمره

وبكم حصلت الكابرس

نصيحة ابعد اذا تبي ترتاح نفسيا ابعد ... لايهمك اللي يقول الكابرس مع من مليون سنة مافيه شي ترى الكابرس انتهى من زمن الصابونة بعدها مافيه الا خرده وبيغثكم تسييخ رديتر غير بلف شل خرطوش حتى لو كان نظيف الكابرس مع الصيف والحر غثيث وبعدين ليش تشتري له كابرس و 8 سلندر وهو توه صغير اكسنت ولا الالنترا جيزه جيز الشباب ويرتاح نفسيا موتر صغير وعب بنزين وامش وقطعها في البقالة اما كاااابرس ماعليش اندفعت مررة انت ... وانا هاذا رأيي وبدون تحيز وتأكد اني ابي لكم الخير لان حتى لو لك انت مايصلح وشف اغلب مواضيع المنتدى كلهم يقول مع كابرس 2006 طق القير ولا ترتفع حرارته للنص الظهر واللي يقول مدري وشوا لايغرك سعره تراه ابو كلب ولا مالقيت اسعاره كذا ... تقبل مروري

ما يمدحون الموديل هذا افضل موديل نزل على اس اس ورويال من 2009 وعلى ال اس من 2011

اذا صغير لاتسلمه كابرس 

عمره 17 بس عاقل انا اعرفه وكم مرة اعطية السياره واطلع وراه بسياره من دون مايدري وماهو من حقين 
التفحيط والمقاوم وبالنسبه للسعر للان ماشفت السياره ولا ادري عنها اي شي 

ياصديقي الي له خبره بالكابرس يقولك خذه بس مو ع عمااااهاااا انت الحين لك خبرة بالاسئلة ومنتديات السيارات وع علم كيف تبحث عن اي مشكلة تواجهك بالكابرس او غيره بالمستقبل

اذا حصلت ع جدول الصيانة الخاص بالكابرس وش الي يتغيير ومتى ،، وكل كم تغير القطع الاستهلاكية
ما عليك خووووف ابد

نظافة السيارة اذا ماتعرف تتعامل معه كيف بتعرف النظيف
افحص بورشة او الوكالة او شخص فاهم وانت استلم وتعرف عن تفاصيل الكابرس عشان تعيش الطرررب بالمحافظة الصح
مو تفجر امه بدون صيانة ، ونهاية بالورش وتجي تشتكي منه ومن خراباته وووو

حتى لو مهب راعي سرعة ياخي الكابرس طويل وغثيث وهو وين بيروح ابعد مشوار يمكن يوصل الاهل منا ومنا صح ولا لا ؟؟؟

يعني وشوله الكابرس و8 سلندر وحالتك حاله شف كم معك واللي تقدر توصل له واختر له من هالسيارات الصغار مكيف بارد ولا يشيل هم حرارة ولا شي خصوصا انه توه سايق يعني يمكن يمشي بذا الكابرس وترتفع حرارته مادرا عنه ... وماعليك من رفيقك ذا اللي انت مواعده تقدر تقول انا استشرت واستخرت وهونت عن الكابرس لاخوي ابي له موتر صغير ووضف ... اسمع نصيحتي ولا تورط عمرك

والله شوف بحكم عمره مايصلح معه الكابرس خذ له موتر 4 سلندر لايصرف بنزين ولازيت ويوفر له فلوس ... انا عاقل بالسواقه ولي 3 سنوات معي كابرس وماعمري لعبت فيه لاكن اليوم وانا طالع من الاختبار وراجع للبيت حللته تحليل صلخته درفته احرقته احراق مدري وش الي جاني ولا تحسبني كبير ترا عمري 20

شوف له النترا ولا اكسنت

انا عندي كابرس نفس ذا الموديل

والله العظيم اني ما اسرع كثير يعني بعضهم يقولك مايخرب الا من الي يدعس عليها كثير 
و السياره ممشاها قليل تقريبا 163 الف بس في 9 سنوات 
بس الحراره دائما بها مشكله اول كانت مراوح والحين الاديتر يسرب مويه وغير كذا السياره اسمع منها اصوات قربعه 

انصحك شوفلك غيييييييير الكابرس ماسموه ق... الورش من فراغ 

معي كابرس بس ٦ سلندر 
ماتصلح تكون اول سيارة لا اي احد خذ له ٤ سلندر افضل 
الكابرس يغري الشيبان خل باقي الشباب انا كنت عاقل بس يوم جربت الكابرس طار العقل 

لاتقول أخوي عاقل الكابرس في الخط ماتحس فيه يعني لاشعورياً تحصلك ماشي تحت 200 اسأل مجرب
انصحك خذ له سياره 4 سلندر مثل ماقالو الشباب فيه اكسنت والنترا وكورلا والله العظيم هذي بتجلس مع اخوك وبيرتاح حتى البنزين لاتشيل همه

تجربتي مع كابريس من اسوا السيارت التي استخدمتها تعب نفسي ومادي
الموتر لو مافيه شي مع الحر لزم ترتفع حرارته الى النص تقريبا لو تفر الورش كلها يقلون عاد صحيح عادي تخيل سيخت اديتر ركبت طرنبه مويه غيرت غطاء القربه المويه ركبت مراوح وانتيجه هي هي
ربله العمود مع الشيال حصلتها بالوكاله ب 700 ريال كبر كف يدك والدرجه الثانيه ماتنفع بريال شيريت الربله وكاله شهر وهي خربانها ورب مره ثانيه ونفس النتيجه اخرتها ركبت حقت مرسيدس ب 250 ريال وكاله يلبى

معليش ماكملت ردي مره نزلت اصرف من الصرافه وطق يقفل الباب والموتر شغال وانا مسافر نصيحتي لك انحش شفلك اي شي غيره عادي مع اخوك الصغير منت فاضي كل شوي خربان فيه طبعا موديل موتري 2004 وكلها نفس بعض بجميع الاعطال الي ذكرتها

طيب يمكن السسته حقت السنتر لوك نزلت وتقفل الباب او لاذع فيوزه خوينا صارت له بكابرس 2006 وكالة والله مامشى 90 الف صارفينه له الداخلية جاء ذاك اليوم لذع الموتر قام يقفل ويفتح البيبان من نفسه وتفتح الشنطة ويشغل يفطى الموتر وآخرتها صارت برمجة