اكسنت ومالقيت وش رايك بالافيو ؟

لاتقرب الافيو دور اكسنت قدر الامكان بس ابعد عن الافيو والاوبترا والابيكا 

انصحك لا تقرب منها هي والاوبترا والابيكا ... وصل الاستخاره وشف الي ارتحت له

أنا أرشح وبقوه الإكسنت

إنتظر وبتحصل أو دورلك على يارس

أما أفيو أنا أنصحك تبتعد عنها والله ما جربتها

لكن حسب ما سمعت مع اغلب مستخدمينها انهم ما يمدحونها


أما الإكسنت فأنا من عشاقه سنتين ونص كرفتها وكانت تدي ولا في يوم ردتني عن مكان

الى اني بعتها وعز الله إنها موتر كفو مقارنه بمثيلاتها

سيارات شيفروليه الصغيره هي اساسا دايو و دايو معروفه بسوء صناعتها وردائة المواد المستخدمه فيها 

انصحك بالابتعاد قدر الامكان عن هذه السيارات 

حتى ماليبوا لم تحقق نجاح باهر لا اعلم ما السبب ربما لانها تصنع في كوريا ؟؟؟ 

انصحك بالاكسنت او اليارس بس ابتعد عن سيارات الاجار تحصلها كثير في المعارض وحاول تتحقق من المستخدمين برسالة من المرور بإدخال رقم هوية المالك ورقم الشاص

الشباب معهم حق انحش عن الأفيو بنت الذينا لاتقربك ،

خذ اكسنت الشكل الجديد الي من 2007 وفوق وصدقني راح تلقى بسعر الي بمزاجك ..

ماحصصلت واحد يمدحها كلن يسبها ويذمها الافيووووووووووووووووووو


اما الاكسنت مع اخوي 2010 اوتوووو كدها كد وانا سافرت عليها لجده من القصيم واخووي يكدها ومايحافظ عليها وماشيه معه زي اللوووووز ولاتتطلب قطع غيار وقطع غيارها رخيص جدا وتصليحها سهل ومرغوبه بالسووووووووق لاتبعد عن الاكسنت واليارس اما الافيوووون اشتر سيكل ب250 احسن لك لين تلقى اكسنت بدل الخساير

إمشي على رجولك أفضل من إنك تشتري أفيو

دور لك على إكسنت نظيفة أو خذ لك يارس برضو طيبة

يارس او اكسنت او سيراتو 


غير الثلاث ذي لاتدور

مثلما قالو الشباب اقلب على يارس تراهي خدومه تكد وتمد  انا عندي ياريس وكرفتها لين طفشت               ولا شوفلك النترا تراهي احسن من الاكسنت بواجد

شف يا اخوي الكلام اللي بقوله بنجلد فيه دسلايك لكن يفدى راسك 
انا معاي افيو موديل 2005 و ماشي معاي زي الحلاوة تدري ليه ؟؟ 
لأني محافظ عليه  و قطع غيار اول بأول الزيت ما امشي عليه ولا حتى 1000 كيلو زيادة
الحين الموتر ماشي 150000 تقريباً (( اذكروا الله )) 
انا ما بكذب عليك 2011 ما قد جربته ولا ركبته 
و انا ما اقول انه الافيو احسن من الاكسنت 
لاكن  اذا كان موديل 2005 و اكسنت 2005 فأنا انصح بالافيو لاكن دام الشغلة موديلات 2007 و فوق اتوكل و خذ الاكسنت و اذا حصلت يارس نظيف مافي اي مانع بس حبيت اوضح 
بالتوفيق ان شاء الله :) 

يعطيكم العافيه ماقصرتو وبيض الله وجيهكم وافين 

انا معي افيو 2011 اقسم بالله من اول ماشريتها وانا ماسك فيها جلنطااات(قير عادي)
ياشباب مو كل واحد يسمع كلام يصددق جرب وبعدين احكمم
السياره مافيها شي بس انت حافظ عليها انصحك في الافيو بس ابعد عن القير التماتييك