بعض الاعمال البسيطة لزيادة الدخل
23
12
إضغط هنا للإخفاء
مساء الخير شباب كلن بأسمه
لاحظت بين كل فترة وأخرى فيه شباب ينزلون مواضيع حول كيفية زيادة الدخل وقلت انزل اليوم بعض الاقتراحات الخفيفة لزيادة
الدخل وراح تكون موجهة بشكل عام للغير متفرغ
اولا
التاكسي سواء كانت سيارة اجرة رسيمة او سيارتك العادية حسب المنطقة التابع لها مثلا بالمدينة يقدر اي
شخص يتشغل بسيارته العادية بدون اي مضايقة من المرور وهي شغله مربحة وفيها خير كثير خاصة
لاصحاب المدن الكبيرة مثل الرياض الدمام جدة ومكة المدينة وجميع المدن الرئيسية بدون استثناء
ثانيا
تجارة التقسيط سواء كان التقسيط بطاقات سواء او سيارات او اجهزة كهربائية وبإمكان الشخص البداية
بمبلغ عشرين الف ريال ومن ثم التوسع لكن في هذه الحالة لاتنسى تنتقي الاشخاص الثقات واخذ كافة الضمانات
ثالثا
بيع الساعات والسلع البسيطة عن طريق المواقع الالكترونية واسمع ان فيها خير كثير لكن ماجربتها للامانة
خامسا
اذا كنت في مدينة كبيرة كالرياض او جدة وكنت متفرغ بإمكان العمل كمعقب خاصة للناس من خارج المنطقة
مثلا نقول بالرياض شخص عنده معاملة في وزارة الصحة وماعنده خبر وين وصلت المعاملة او ايش صار عليها
ولنفرض انه من تبوك ممكن بدل مايدق مشوار فوق الف كيلو يكلفك تشوف ايش صار على المعاملة بمقابل
مادي ممكن يوصل الى خمس مئة ريال
ومنها ايضا تخليص بعض المعاملات البسيطة وفي هذه الحالة تحتاج فقط الى اعلانات بسيطة عن نفسك في
المواقع الالكترونية
سادسا
العمل كسمسار في مكاتب العقارات والسيارات والسوق خصب لهذا النوع من التجارة لكنها متعبة بعض الشي وتحتاج انسان صبور
وباله طويل والله الله بالامانة
سابعا
بإمكان اي شخص سواء كان موظف او عاطل الحصول على رخصة مرشد سياحي اذا انطبقت عليه الشروط
مثل اجادة اي لغة غير العربية ومعرفة الاماكن السياحية وفيها دخل من جيد جدا الى ممتاز وتحتاج الى بعض
الجهد والتعب
ثامنا
العمل في بيع الحديد الخردة المعروف بالسكراب وكذلك المعادن والبلاستك والكرتون وغيرها
تاسعا
بيع الشاي والقهوة المعمولة ع الجمر و هذه مشتهرين فيها اخواننا اليمنيين ولا مانع من المنافسة الشريفة
خاصة الان وقت الاجازة الصيفية ويكثر الطلب على القهوة والشاي المعمولة ع الجمر
عاشرا
تأجير الدبابات وتنفع كثير في المناطق السياحية بشكل خاص
طبعا كل الشغلات اللي ذكرتها لاتحتاج الى راس مال او تحتاج راس مال بسيط يمكن مايوصل ثلاثين الف كحد اعلى
ولا أحد يقول عيب وماتناسبني لان الشغل مهو عيب والراتب مايوفي كل المصاريف والاجارات والاقساط
والكل يطمح لحياه كريمه له ولأهله
تحياتي وانتظروني قريبا لكن راح يكون الموضوع القادم عن مشعار لاصحاب رؤوس الاموال إن شاء الله
أخوكم / أبو نواف
إبلاغ
رابط تطبيق حراج للايفون
رابط تطبيق حراج للاندرويد (الجالكسي)
سيارات للبيع
الردود
بس معاه جيب انوفا
ورمضان هذا بيجيب باص باذن الله يقول فيها خيييير والله توه يحكيني
1
0
ولكن الرزق يحتاج الي شخص يخلص في عمله لله عزوجل ويركز في المجال اللي بيعمل فيه وكذلك يبغالها شخص نشيط ومتحرك
بالتوفيق
قبل 7 سنه و 11 شهر