أضف سؤال أو موضوع جديد          

فحص السيارات كمبيوتر

up 7 down 1
سكودر 14904
قبل 4 سنه و 10 شهر



السلام عليكم 

 فحص السيارات كمبيوتر  لو احد باع سيارته اكيد الي بيشتري راح يفحص بس هنا صارت قصه 

 فيه شخص قابلته وقالي قبل 4  او 5 مااذكر بضبط كان معي يوكن جديد موديل 2009 السياره على يدي وكاله ماكملت معي سنتين  وماشيه حوالي 49 الف صيانته بوكاله ومحافض عليه والرجااال واضح عليه كبير ومحافض

 وقررت ابيعه مجرد اغير من سياره كبيره الى صغيره  فارحت معارض علشان ابيع موتر  وقابلني شخص وقالي كيف سياره ومحركات قلت سياره على يدي وكاله ونظيفه  وبودي بلد وصيانته بوكاله 

 قال ابي افحصها ونتوكل على الله راحو الفحص  وبعد الفحص هنا مشكله  الفحص قالو السياره تحتاج تصفيه مكينه هذي معليه كل الفحص يقلون كذا قالو فيها ضعف بتروس القير  هنا مشكله  قالو فيها صوت بمكينه داخلي  ماندري  ممكن سبايك ممكن عمود  هنا مشكله اكبر الرجال مسك راسه 

 والشخص الي فحص السياره قال ياخي انت تقول سياره وكاله   الرجال صاحب السياره انحرج ودفع قيمه الفحص وهو فيه حيره  فقرر يروح وكاله وفحصها بوكاله الوكاله قالو خل سياره نفحصها لك فحص دقيق   خلها عندهم ودقو عليه وكاله قال بشر وش فيها سياره قالو سيارتك سليمه  ولا فيها شي تقدر تستلمها  

 الرجال فرح  والحين سياره معه وماشيه حوالي 200 الف وهذي هي معه ولده  وماشيه زي حلاوه 

 
 الفحص يبالغون كثير  ولو تساله  ليه صوت هذا يقولك مادري روح مكانيكي طيب  انت وش فايده منك 

 صحيح ممكن فيه فحص ممتااز يحدد لك مشاكل لكن والله بعضهم ماعنده سالفه ويبالغ في شي سهل وصغير ومسوين ان حنا خبره وفاهمين وهم دجاج ومتعاونين مع شريطيه   افضل شي  انك تروح مكانيكي خبره وله خبره واسعه بسيارات يفحص لك سياره بدقه ويقولك وش تبي وش فيها بضبط  

 بنسه للسيارا ت الجديده لها جهاز فحص خاص ويشبك بكميوتر مباشره ويحدد لك اعطال بدقه 

 مو يحطون اسلاك ببطاريه ودينمو ويطلع لك  برنت كامل ماتدري وش مكتوب فيه ويجي يتفلسف عليك 

فاللي صارت له مشكله مع الفحص ياليت يذكرها لنا 









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


كلام سليم أخ سكودر

وانا بيني وبينك إذا جيت أشتري السياره أفحصها بنفسي وأجربها وأسئل راعيها وأحسسه قبلها إني بفحصها

كمبيوتر علشان لو فيها شيء يقولي

أدري إنه تقصير بس والله ما أثق بفحص الكمبيوتر

جربت وفحصت سياره لي علشان عندي مشكله والله ماطلعوها لي

مغير انا وصلت لها بعد عدة صيانات

وأعرف واحد وضب مكينه وقير لأفلون راح يفحصها على حسابه كمبيوتر

قبل لا يبيعها علشان يشوف الفحص يطلع إن المكينه موضبه ولا لا

يقول والله إنهم اما دروا عن شيء

فلذالك أغلب محلات الفحص متعوشين مايدرون عن شيء

أما الوكاله ما أقدر أفتيك فيهم لاني ماجربت ولكن أعتقد إنهم هم أصحاب الخبره

شكراً سكودر


up 1 down 0
ألو مرحبا 1891
قبل 4 سنه و 10 شهر



ياحبيبي موتر خويي مبوشه ومنتهي ومطلعها الفحص المكينه 88 يارجال كلها ظحك عشان 200 ريال هههههههههههههههههه


up 0 down 0
شيخ المعارض 2012 350
قبل 4 سنه و 10 شهر



انا صارت لي مشكله مع الفحص بس في البدي


اشتريت سياره من شريطي نوعها كابرس رويال جايبه من الامارات وفحصته كمبيوتر وبالجهاز حق الفحص وطلع 100% واشتريت وبعدها بشهرين قلت ببيع وجاني رجال من الرياض وفحص الموتر في نفس المكان الي فحصت فيه قبل شهرين وقال البدي كامل مرشوش !!!!!!!


بصراحه ارتفع ضغطي قلت انا فاحصه عندك قبل شهرين تقول سليم قال ما اذكر وهنا شهرين ممكن انت رشيته !!!!


قلت حسبي الله عليك


والرجال عشيته وحجزت له على حسابي واعتذرت منه وحلفت له اني ما ادري انه مرشوش والرجال الله يذكره بالخير طيب وكفو وقلت خذه ب50 وكان السعر المتفق عليه 75 والله كلها عشان مشواره واحراجي قدامه



وجلس الموتر معي سنه كامله وجيت لشريطي وقلت وش رايك بالسياره قال مافيها شي لا رش ولا غيره !!!

رحت وفحصت في مكان ثاني بالجهاز وطلع سليم 100% وفرحت والله اني كرهت السياره والسبه من الفحص الخايس

ورجعت لرجال وقلت افحص انا جيت كذا فحص والموتر سليم وانت تقول مرشوش ابيك تفحص الحين وفحص وطلع سليم في اللحظه هذي صفقته بحديده جنبي ولا فرع فيه الا الشباب الي كانو حاضرين



وبعته ب69





هذا الي صار معي ..


up 2 down 0
صامل وجاد 126
قبل 4 سنه و 10 شهر



المشكله مو هنا سكودر المشكله بعض الاحيان بنفس البائيع مايصدق معك مثل صارت لي سالفه قبل شهرين 
رحت للنسيم ومعروف يمكن فحص كارتك انا مالفت انتباهي الي بدي السياره الطعوج و المخوش الي عليها قلت هذي تهون 
استلمها المهندس طلعت فيها بلاوي الدنيا قلت ماودي اظلم الرجل قلت له قيمت الفحص عليك اذا الموتر مافي شي انا اتكفل في كل 
شي قالي طيب طبعا دفعت المبلغ الاول قلت له رح ودها لفحص ثاني اشوف التقرير الموتر طبعا بعدها لادق ولا شفته 

انا بس ابي اقول للي ماعندهم ذمه ولا ضمير بالبيع ان البركة بالبيع كيف ترضي انك تاكل مال حرام 



up 0 down 0
abdullah992
قبل 4 سنه و 10 شهر



يا صامل من جد إنك صامل

أرفع عقالي و شماغي الأحمر لك

مع لايك


ههههههههه

أكل علقه ما ينساها


up 0 down 0
الفارس المميز 2643
قبل 4 سنه و 10 شهر



كان عندي كامري 2008 وفيها معجون ورش في الباب الأيسر الخلفي وقلت للمشتري عنه وطلب يفحص والفحص قالوا البدي وكالة

أغلب محلات الفحص عند المعارض ما يعرف يفحص وكثير منهم متفقين مع الشريطية إذا كان بايع يقول السيارة نظيفة وإذا مشتري يطلع عيوب علشان يبخسوا موترك

حسبي الله على كل ظالم


up 1 down 0
أبو عبادة 4517
قبل 4 سنه و 10 شهر



اللي يبي يفحص سيارته بالرياض يكلمني افحصها له ببلاش ما ابي شيء الا دعوه لوالديني 

رقمي 0569995123


up 2 down 0
kaboom smash 646
قبل 4 سنه و 10 شهر



قبل شهر تقريبا لد عمي اشترى كامري 2008 فحصها كمبيوتررر قالو سليمه وخبروه ان المكينه مفكوكه قال اعيها ان مغير في حاجه بسيطه نسيت ايش هي وطمنهم انها سليمه والفحص قال مافيها شي طبعا كان صغير بالعمر مايعرف واشترى الموتر ويسافر لرياض من القصصيم وقبل يوصل الرياض والحراره تفور وينقلها لسطحه للورشه قالو الراس يبي مسح ومسح الراس وكلافه تقريبا3000 المهم الفحص مايطلع الاشياء الخفيه


up 0 down 0
امير الاصيل 1682
قبل 4 سنه و 10 شهر



سيارتي كامري 2008 فحصتها كمبيوتر بعد ثلاث سنوات وانا مشتريها وكاله المهم اخذ علي الفحص تقريبا ٢٥٠ ريال وطلع لي برنت من ثلاث صفحات يقول كل هذي خرابات عندك واخذ البرنت وادخله بدرج السياره واسحب عليهم والى الحين الحمدلله سيارتي ماشيه معاي تمام والحمدلله 


up 1 down 0
alhudaly77 29
قبل 4 سنه و 10 شهر



فحص السيارة بالكمبيوتر او فحص السيارة شامل لغرض الشرا 
١- الكمبيوتر لايفحص الا الاشيا الكهربايية في السيارة وتقرير نسبة المكينة كذب ودجل
٢- اذا ترغب في فحص المكينة والقير والدفرنس تحتاج خبير او ميكانيكي فاهم 
٣- فحص البدي والشاص تحتاج خبير او جهاز فحص البدي الالماني الصنع
٤- وبالنسبة لمحلات الفحص القريبة من المعارض يبغا يكسب فلوس شريت او ماشريت
بالتوفيق 


up 0 down 0
متميز جدا 224
قبل 4 سنه و 10 شهر



كان معي فورد والله نضيف يا الربع وجاي امشي ١٧٠ عليه من شقراء والموتر مبطي معي ومحافض عليه وابيعه يوم دخل مراكز الفحص ويطلعلي ٦٦ عيب انا بايع الرجال ١٦ قال تبي ١٠ ولا هونت قلت هون بكيفك يوم رجعت لشقراء من قو الوسوسه امشي ١٠٠ ههههه كلت كل ها البلاوي بموتر ولا ادري واخذ ٣ سنوات ماحطيت فيه ريال اكثرهم حقين الفحص الحاجه الي فيها نص عمر وتمشي يقولون تالف غير 


up 1 down 0
ابو عبد العزيز 305 382
قبل 4 سنه و 10 شهر