وش اكثر شي يهمك في السيارة ؟

هناك أمور يجب مراعاتها في السيارة مثل الاعتمادية - أنظمة السلامة - الراحة الرفاهية

قدراتك المادية في الغالب هي التي ستحدد عن ماذا تتنازل

لولا اختلاف الناس لبارت السلع ... الناس تختلف وانا اخوك وكلن له نظرته في السيارة وانا بقسمهم لك تقريبا لعدة اقسام :

1- ناس تنظر ان السيارة لابد يكون محركها قوي عشان هيبة وموتري 8 سلندر شوفوني طبعا ماقصد احد بالكلام هاذا لكن هاذا الواضح قدامي من العينات اللي جالس اقابلها
2- ناس همه السيارة تكون مريحة توديه وتجيبه ولا تغثه مشاكل حرارة ولا صناعية ولا شي وهذولي اغلبهم تلقاه ياخذ 4 سلندر عشان يرتاح وممكن يكون ماعنده خلفية كافية في عالم السيارات
3- وناس تهتم للشكل والقيادة ان السيارة تكون مركبها مريح وعزمها مش بطال في من ناحية اذا بغى يسافر ومحمل شوي يكون الموتر مايموت عزمه مررة وهذولي اغلبهم ياخذ 6 سلندر

وانا من ناحيتي الشخصية بحكم اني جربت كل الفئات اشوف افضلهم 6 سلندر ما ادري اذا احد يأيدني الراي لانه جامع بين ال 4 سلندر من ناحية قلت بعض المشاكل اللي تصير في 8 سلندر وجامع بين القوة اللي موجودة في ال 8 سلندر انه مايتأثر بالركاب كثير وثانيا ال 6 سلندر خياراته ممتازة وكثيرة وكلها سيارات كويسة وتستاهل انك تقتنيها هاذا رأيي الشخصي بدون حيادية واتمنى محد يزعل مني ... تقبلوا مروري

كلام جميل يا تالمت فتعلمت اكيد ان المركب المريح وراحة القيادة فوق كل شي بعض الناس ينظر للشكل اهم من راحت مركبه يعني عايدي ياخذ موتر مرتبته يابسه عشان منظره من برا هيبه

وبالنسبة للكرايسلر صحيح مرتبتها مهيب مريحة مررة انا ركبت القديم والجديد وحتى التشارجر تصميمهم للمراتب بشكل سيئ وعندك الا اف جي مرتبته مهيب مريييحة ادري بيجون حقين تويوتا الحين ويشلخوني ديسلاك ويكتب التويوتا يمسك سعره هههههههههههههههههههههههههههههههه لكن ماعلي منهم كلمة الحق تنقال

انا اشوف ان الواحد على حسب ماتعود وتعلم عليه
مثلا " واحد عندنا تعلم كابرس ٨٧ وصار يعشقه عشق
وبعدين اخذ ٩٦ ss وبعدين ٢٠٠٢ ss وبعده لومينا ٢٠٠٧ ss
وبعدها اخذ كرولا ٢٠٠٩ ههههههههه خمس شهور تقريبا وخبطت
والحين عنده كامري ٢٠٠٦ قراندي ٦ سلندر ومبسوط فيها

والافلون عاد كلام ثاني ماشاء الله مررركبها اتوقع هو اللي موصل سعرها كذا اتكلم عن القديمة 2012 الزبده كل شي فيها حلو

حسب الاستخدام لكن بالمتوسط 6 سلندر ممتاز او 4 سلندر تيربو لزوم الخط او 4 سلندر والقير 6 تروس اذا مدينه فقط

واهم شي نحرص عليها تبريد المراتب شي مهم مع الاجواء الحاره 

يهمني الأداء والعمليه

عزم وخدمه وقلة خرابات آخر شيء الشكل اشوف لافضل شكل

بس المهم عزم مكيف بارد قليل او نادر عطالات

تقييم السيارات على مستوى العالم يعتمد على محاور ثلاث أساسية:
1- كفاءة المحرك وقلة استهلاكه للوقود وتلويثه للبيئة
2- أنظمة الأمان في السيارة
3- راحة الركاب

وهذي حسب دراسات عالمية تظهر أن:
1- الآسيوي (الياباني - الكوري...الخ) يتم التركيز فيه على الترتيب 1 ثم 3 ثم 2
2- الأمريكي (بمعنى مصنوع في أمريكا ما هو الأمريكي الكوري أو الاسترالي) يتم التركيز فيه على الترتيب 3 ثم 1 ثم 2
3- الأوروبي (ألماني - إيطالي...الخ) يتم التركيز فيه على الثلاث محاور مجتمعة تركيزا كاملا

الاعتمادية
الرساوة
هدوء المقصورة و الراحة

المكيف                                       

1- الاعتماديه وقلة الخرابات
2- الرساوه والعزل الارضي وعزل الهواء
3- راحة المقاعد
4- المكيف

اخوي انا احب 8 سلندر 
وماراح اطلع سياره الا 8 سلندر
ماهو عشان العزم 
لا عشان الراحه في الدعسه
وخفيفه 
انا سيارتي كانت في الورشه واستاجرت الانترا4 سلندر
قسم بالله اني فقعت المكينه بالدعس
دعستها ثقيله وياله تمشي مقارنه بال8
والله اني يوم استلمت سيارتي قعدت اتمسح فيها
وكنت افكر ابيعها لكن بعد ما صارلي الكلام كله قلت والله ما تروحين من عندي لين 
ما اموت ههههههههههههه

انا عندي اهم شي اهي الامان 

ثم حجم او كبر السيارة

ثم شكل السيارة فقط

اما القوة ماتهمني

اهم شي عندي العزل والتكييف وقلة الاعطال الميكانيكيه 

سيارتي 4 سلندر 

ومستغرب من الي ياخذون 8 سلندر كيف تاخذ 8 سلندر وماتقدر تستمتع بقيادتها مع ساهر 

8 سلندر وامشي بالخط السريع 120 مالها داعي 

أن تكون اعتمادية + أنيقة + مريحة + متوفرة القطع + رخيصة القطع + مستوى أمانها عالي (راسية )+رخيصة.

قيرها اوتو ودرايشها كهرب ومكيفه