أضف سؤال أو موضوع جديد          

تجربتي البسيطة لشفروليه ماليبو 2013

up 9 down 1
فكوك 1679
قبل 4 سنه و 9 شهر



السلام عليكم ورحمة الله

هذا تقرير متواضع عن شفروليه ماليبو ٢٠١٣
٤ سلندر    الحجم ٢.٤
ستاندر
العداد   ٨٠٠٠
سافرت عليها ٢٣٠٠ كيلو  ولمدة أسبوع 
 
وإنطباعي عنها : 

المميزات : 
 ١- العزل بالخطوط خرافي بمعنى الكلمه  ( :  ، بدون مبالغه مشيت إلى ١٧٠ بدون ماأحس ، ماتوقعت القى سيارة ٤ سلندر بهالعزل نهائيا ، لدرجة أكثر من مرة أناظر الطبلون ماني مصدق إني أمشي ١٦٠
 بس لاتذكرت إنها أمريكيه راح التعجب
 ٢- بالديرة مريحة وأنا خلصت فيها مشاوير متعدده خلال يوم واحد وماحسيت بتعب
وهذا يرجع للسبب الأول (العزل) ، بينما لو سقت سيارة كورية او يابانيه ٤ سلندر بنفس المشاوير كان تلقاني مرهق شوي  
٣- السعر ممتاز وأقصد هنا الستاندر تبدأ من ٦١ حتى ٦٩ بالمعارض 
حتى ال LTZ ٦ سلندر ستاندر كان عليها عرض ب ٨٨
  
العيوب : 
 ١-   ال٤ سلندر  أتعبني بالسفر ، لأن سرعتي كانت ١٦٠ إلى ١٨٠ تقريبا ، حيث أنها ٦ غيارات واذا قابلك هواء او ارتفع الخط  
راح ترجع للخامس لفترة طويله مادام فيه هواء ، وصوت المكينة واضح ، وهنا أمامك خيارين مالهم ثالث
إما تخلي سرعتك ١٤٠ ، أو تسوي مثلي وتقلب القير تيبترونيك وتاخذ راحتك بالسرعه بس على الترس الخامس على طوول  !
٢- المكيف بالنهار ومع الجو الحار تبريده متواضع ، أما بالليل زي أي سيارة طبيعي يكون بارد


الخلاصة :
الماليبو ٤ سلندر جيده للديره أكثر من الخطوط ، من أوسع السيارات وأكبرهم بأسعار٦١ - ٧٠ الف ، وسعر خرافي
بس لايطول معك الموتر ( إذا كان هو موترك  الوحيد وأنت راعي كررررف وماترحم ) ، خذ زبدته أول كم سنه ، ولاقرب يفتح فمه بيعه

الماليبو ٦ سلندر عز الطلب ، مكينة ٢٦٠ حصان ، يعني ترتاح من ترجيعه القير بالخط الغبية لل٤ سلندر
وعزل خرافي ، وسعر معقول لو بتدور ماشي قليل 
بكذا راح تمسك الخط والمكينة مرتاحه



أعذرونا ياشباب هذا مايحضرني ، ماأتذكر تفاصيل أخرى عن التجربه
مع الاعتذار لأصحاب الصور
شكرا











إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


قيادة السيارة فن وذوق وأخلاق ومسئولية


up 2 down 1
شبح 600 sel 6074
قبل 4 سنه و 9 شهر



ما شاء الله
الله يستر على موترك و يبارك فيه
انا جربت الجلسه بالسيارة داخل الوكالة
مدري احسه ضيقه و مضغوطة الداخلية
و الا من اول معجب فيها من الموديل اللي قبل


up 0 down 0
أبو نجوى 2450
قبل 4 سنه و 9 شهر



ماشاءالله تبارك الله فعلا سيارة جميلة والسته سلندر منها كلااام خصوصا ان كان عليها عرض ال تي زد بسعر 89


up 0 down 0
bandara 1133
قبل 4 سنه و 9 شهر



اكثر مايخيفني من هالسيارة
انها الجيل الجديد من ابييكيا
الى مستحيل في وحده بالسعودية ماتوضبت !


up 1 down 0
سلطـانـ 214
قبل 4 سنه و 9 شهر



اولا الله يعطيك خيرها ويكفيك شرها ثانيا اشكرك انك ذكرت الايجابيات وتطرقت لسلبيات وهذا ممتاز ونصيحه طيبه من شخص يتمتع بعقل واعي وفكر راقي ،، تقبل تحياتي وتستاهل لايك ودبل


up 1 down 0
امير الاصيل 1667
قبل 4 سنه و 9 شهر



ياجماعه الموتر آجار هههههههههه
كل مواضيعي السابقة وتجاربي هي لسيارات آجار

أبو نجوى كلامك صحيح ، ضيقه
الكامري الجيل الجديد اوسع بفرق واضح بالخلف

سلطان أنا مثلك ، ماعندي ثقة بمنتجات جنرال موتورز ال ٤ سلندر بشكل عام
عشان كذا ذكرت في تقريري أن السيارة مايفترض تطول معك واجد


up 0 down 0
فكوك 1679
قبل 4 سنه و 9 شهر



مشكور على الموضوع ولك لايك لكن الماليبو الجديدة ليست امريكية الصنع بل كورية وتنتج في مصانع دايو


up 0 down 0
iadnuyh 839
قبل 4 سنه و 9 شهر



مثل الموتر الي معي 2010  ابلش في السفر كل شوي يرد القير نمره  لكن عازله يخليك تحب السفر


up 0 down 0
مستر12 861
قبل 4 سنه و 9 شهر



هذه سيارة دايو كورية ليست أمريكية ولاكن شركة دايو مملوكة لشركة شفر و يصنع في كوريا


up 0 down 0
king0shah 19
قبل 4 سنه و 9 شهر



((( بس لايطول معك الموتر ( إذا كان هو موترك  الوحيد وأنت راعي كررررف وماترحم ) ، خذ زبدته أول كم سنه ، ولاقرب يفتح فمه بيعه  )))

هذي نقطه مهمه
وش ابي فسياره عمرها الافتراضي بعد سنه وتبداء المشاكل ؟


up 1 down 0
شويخ من أرض مكناس 2817
قبل 4 سنه و 9 شهر



الماليبو من اروع السيارات تصلح حقت مشاوير خفيفه .  

والله اعلم هل هي تتحمل الكرف ام لا هل ستتاتي مشاكل مستقبليه ام لا . 

ميزه الياباني يصبر لكن لا تدور عزل .. 

يعطيك العافية ♡


up 0 down 0
fahadlfc 313
قبل 4 سنه و 9 شهر



اليوم وانا اشيك ع سيارة اخوي مثلها مشاء الله ١٣ فللل ٤ سلندر

اكتشفت ان لها (((( مروحة وحده فقط تشتغل ع ٣ سرعات او ٢ مو متاكد

بس مروحه وحده غريبة !!!!!!!!! وبكذا ح افكر اولف لها مروحة ثانية ان شاء الله

.....

و فيه من الشاشة تحكم (( بدرجة المروحة للمكيف ٣ وضعيات

مخفض ومتوسط ومرتفع

وكان اخوي يشكي من قوة الدفع للهواء المكيف .
والسببببب كان ع وضع ( مخفض *_*

وعدلته ع مرتفع مشاء الله ، 

وسببببب ثاني >>> فتلر المكيف كان متسخ وتقريبا مسدود
وهي ع يده الله يبارك له وماشيه الحين ٢٥ الف 
واستخدام داخل جدة بس لازم يتغييير ،،، لانه مأثرررر ع دفع الهواء بشكل ملاحظ 

شكرا وتسلم ع نقل تجربتك والله يعطيك العافيه +١ 


up 0 down 0
aziz..747.. 2419
قبل 4 سنه و 9 شهر



اسف جدا الديس لايك الثاني مني بالغط هههههه وماهو راضي يتعدل 
لكن لك دعوة افضل من الايك 


up 0 down 0
aziz..747.. 2419
قبل 4 سنه و 9 شهر



كني أشوف القزازه مكسوره


up 0 down 0
ميجا مايند 88
قبل 4 سنه و 9 شهر



شويخ اللي انا اقصده

اذا معزم على موتر (مؤقت ، سنه سنتين مثلا ) اخو الوكاله تبي عزززل وسعر من ٥٠ الى ٦٠ بتلقى ماليبو ماشي خفيف
وتبي عزل واوسع من الكورولا والالنترا   فالماليبو حل كويس




up 0 down 0
فكوك 1679
قبل 4 سنه و 9 شهر



لآ تفكر تآخذ شيفرولية الا يوم تتأكد انهآ تنبآع بأمريكآ . يعني الابيكآ و الابترا و الكابتيفا كل هالسيارات ما دخلت السوق الامريكي وشوف كيف مشآكلهآ عندنآ .!! امآ شوف السيارات الي دخلت السوق الامريكي كلهآ سيآرات جودتهآ من جيد الا ممتآز مستحيل تكون رديئهـ . الكروز و المآليبو صنآعه كوريهـ لكن موجودين بأمريكآ انا مجرب للكروز جودتهآ من جيد الى جيد جدآ . والله يكتب الخير للجميع .


up 0 down 0
بسآم آلزغيبي 27
قبل 4 سنه و 9 شهر



طيب ليش تبدا خراباتها بعد سنتين محد شكا منها

أنا إن شاء الله ب شتريها ،،
إذا أحد عنده نصيحة ياليت يفيدنا


up 0 down 0
abdullah_mirza6 19
قبل 4 سنه