أضف سؤال أو موضوع جديد          

ساهر و الاشارات المرورية

up 15 down 0
Ibrahim_nh 98
قبل 11 سنه



السلام عليكم ورحمة الله وبركاته

يا اخوان كلنا نعرف القرار الجديد حجز 24 ساعه قبل سداد مخالفة قطع الاشاره
وكلنا مع هالقرار !!

صح اننا نخالف ومو نظاميين 100% بس الحق ينقال قاطع الاشاره يستاهل !

بس والله ظلم نص اشارات الي عليها ساهر لا يوجد بها ارقام
يمين بالله الواحد يمشي ويده على قلبه
او لمن يقرب ويحصل الاخضر طفى يمسك فرامل لين يلبس بالطبلون هو والي معه بالسياره

يعني لو في عداد الارقام الواحد يمشي براحته وويقف بوقتها بدون احرجات ومسك فرامل او قطع اشاره وحجز وغرامه !!

لزم يشوفو لنا حل لهذا الموضوع اي اشارة فيها ساهر لازم يركبو عداد

حسبي الله ونعم الوكيل







إبلاغ إبلاغ



الردود


هم أصلا يبغونك ما توقف علشان نظام الجباية يشتغل

لا ويقول في ميزان حساباتي!!!

حسبي الله ونعم الوكيل


up 5 down 0
أبو عبادة 4853
قبل 11 سنه



^^^^ +1 نعم كلام أبو عباة صحيح ولايك للجميع


up 2 down 0
الشرقية1 269
قبل 11 سنه



حتى لو مافيه الارقام
عندك اللون الاصفر 3 ثواني ومسموح فيه المشي لكن
يفترض توقف اذا طلع ..
انا ضد ساهر كجباية
لكن اتمنى لو وضع نظام اقوى بدون فلوس
يعني نظام النقاط المخالفات توصل 24 نقطة تسحب الرخصة وهكذا


up 2 down 2
سلطـانـ 214
قبل 11 سنه



المشكله مو هنا المشكله انك تضرب فرامل و خايف من المخالفه ويجيك واحد من ورى 

يحضر عندك في الغمارة خخخخخخخخ يقولك ياخي باقي الاشارة ماصارت حمراء 


up 3 down 0
أبو عزام.... 473
قبل 11 سنه



للأسف الشركة المشغله لنظام ساهر في الغربيه لغت كل الإشارات اللي فيها أرقام وخلتها بدون أرقام لدرجه بعض الإشارات تطفئ بأقل من 10 ثواني 

على العكس في بريده كل الإشارات الضوئية اللي فيها ساهر بأرقام 


up 2 down 0
بووبوو 51
قبل 11 سنه



يا رجال والله انهم حرامية فلوس حرام
التعزير بالمال لا يجوز متفق عليه عند اغلب العلماء


up 2 down 1
عبدالله ون 147
قبل 11 سنه



يارجال ذولي مايهمهم الا الفلوس والمواطن مدعوس
الله يعين بس كل مره يطلعوا بقرار يكسبون به فلوس


up 1 down 1
نظره امل 398
قبل 11 سنه



ابشـرك انا اعرف اشارات كثيرة وفيها عداد قبل ساهر
بعد ماركبو سـاهر شالو العد التنازلي حق الاشارة هههههههههههه
الله كريم ,,


up 0 down 0
kiphone5s 6
قبل 11 سنه



ابشـرك انا اعرف اشارات كثيرة وفيها عداد قبل ساهر
بعد ماركبو سـاهر شالو العد التنازلي حق الاشارة هههههههههههه
الله كريم ,,


up 1 down 0
kiphone5s 6
قبل 11 سنه



سالفة العداد مادخلت راسي ... الحين نفترض اني ماشي 80 وبيني وبين الاشارة 200 متر وهي مولعة خضرا وانا مستمر بسرعتي

طيب العداد الاصفر فيه 3 ثواني .. واذا قلنا ان السواق شاطر ووازن الاخضر كم له مفتوح بيكون عنده مجال يوقف ... واذا قلنا انه غشيم مافي احد بيقطع الاشاره وهي خضرا وماشي فوق 80 الا مجنون يعني يمديك تدارك الوضع لو ولع اصفر

طبعا لازلت اذكر انه حتى لو كنت ماشي 80 واعلى وولع الاصفر وانت عند الخط ترا الاصفر فيه 3 ثواني يعني بسرعه 80 بتقطع التقاطع وتعدي وباقي من الاصفر 1 ثانيه ع الاقل


هي حالة وحده مايمديك تتدارك الامر اذا كنت جاي من بعيد والاشارة خضرا ودبلت دعستك لين تعدي 100 وقبل الاشارة بامتار ولعت اصفر هنا والله اسمحلي انت الغلطان ماقدرت حياتك ولاتعرف تقدرها

هذا اللي حصل معي بالضبط مريت باشارات فيها عداد واشارات مافيها عداد , في كل الاوضاع كنت اقدر اتدارك وافرمل او اعدي

وسوء التقدير لولا لطف الله كان بيقضي علي برغم وجود العداد ... في النهاية انا اعطيكم الزبدة 3 ثواني من الضوء الاصفر كافيه
للتوقف من سرعه 70 الى 0 اما اذا كنت والله بايع نفسك وتقطع فوق 100 ولاتعتبر بالناس اللي اكلتها هذي مشكلة ثانيه

التزام النظام ماهو شئ نكتسبه بيوم وليله النظام عاده متى ماتجرأت واخترقته مرة تأكد انك راح تكررها.


up 0 down 1
m11013 923
قبل 11 سنه