أضف سؤال أو موضوع جديد          

مشكلة حرارة اللومينا 2006 الفجائية

up 1 down 0
م.بن عبدالله 2027
قبل 6 سنه و 10 شهر



السلام عليكم ورحمة الله وبركاته
عندي لومينا 2006 بهذلتنا بالحراره
المشكله ترتفع الحراره بدون اي مقدمات وبسرعه والامبير يقفز بسرعه بثواني معدوده 
واطفيها 5 دقايق واشغل ترجع ربع وطبيعي ولا كان صار شيء
لما اطفيها وهي مرتفعه ماسمع صوت غليان مويه او طقطقه حديد ولارائحه مع انها توصل للاتش 
والرديتر احس حرارته عاديه 
اما خراطيش المكينه حاره بس مادري هل هي حرارة طبيعيه او انها مرتفعه
غيرنا الرديتر وكاله والطرمبه وكاله والمروحه الصغيره وكاله
والليات واللمروحه الكبيره سليمه
بلف الحراره السياره اعتقد مافيها 
لان الحراره تطول عشان تحتمي ودايم تحت المعدل الطبيعي
المشكله انا شخصتها بحلين 
الاول ان فيها بلف حراره ويقفل وهنا الحل نغيره والمشكله ان تغيير يحتاج فك ثلاجه المكينه
الحل الثاني يكون مافيها بلف اعتقد بيكون حساس الحراره 
افيدونا بأرئكم هل احد واجه هالمشكله 
والله خسرنا مبالغ كبيره 
والله يعطيكم العافيه







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


تأكد من خرطوش الرديتر الي يوصل الموية للرديتر يهرب ولا مفقوع 
لان كانت عندي نفس المشكلة بالكامري وطلع من الخرطوش وغيرته ب100


up 0 down 0
صهيب أحمد 31
قبل 6 سنه و 10 شهر



البلف يقفل غيره 


up 1 down 0
xpoldx 1432
قبل 6 سنه و 10 شهر



يمكن سلك الحساس يلمس جسم حار او يتحرك تاكد منه


up 1 down 0
ابو عبد العزيز 305 417
قبل 6 سنه و 10 شهر



حبيبي أنت تقول الحرارة طبيعية 

هذا يدل إن الأمبير نفسه فيه مشكلة

بدل الخساير هذي كلها اللي سويتها

ركب ساعه حرارة خارجية مثل اللي يركبونها الكوابرس القديمة

و جرب ما تكلفك شيء

و جرب لو الحرارة ارتفعت بعداد السيارة الأصلي

كيف تكون بالعداد الجديد


up 0 down 0
أبو عبدالله ...... 163
قبل 6 سنه و 10 شهر



المشكلة في حساس الحرارة او انبير الطبلون


up 2 down 0
دكتور مرسيدس 110
قبل 6 سنه و 10 شهر



اذا ارتفعت وطفيتها وبعد ساعتين جيت تشغلها .. هل شيكت على الماء هو ناقص؟؟
انت غيرت اشياء كثيره ماهي بسيطة
مع العلم ان الجمس احيانا توصل الحرارة للاتش واذا فتحت الكبوت وشيكت الاقي كل شيء طبيعي ما فيه مشكله
ورحت غيرت الحساس وأخذ فترة ورجعت المشكله وطنشتها 
والى يومك اذا شفتها على الاتش اسوي كأني ما اشوف مع التشيك على المويه واي تهريب ممكن يكون واضح قدامي

اللي اقدر افيدك فيه:
1- الليات لما تمسكها وتضغطها بدون قوة ..هل هي محجرة ؟؟؟؟؟؟؟ ولازم تضغط بأقوى شيء!!!!!
2- اذا لا ... فما باقي قدامك الا بلف الحرارة وان شاء الله تنحل مشكلتك



up 1 down 0
b or not be 1423
قبل 6 سنه و 10 شهر



3- نسيت اقول غير الحساس اول شيء 
لخبطت في الرد


up 0 down 1
b or not be 1423
قبل 6 سنه و 10 شهر



الله يعطيكم العافيه على الردود وماقصرتم
الليات سليمه 100% وقاسية 
البلف زي ماذكرت ماني متأكد فيه ولالا
والمشكله يتطلب فكه  فك الثلاجه بكبرها
وعداد الحراره احتماله وراد
بس انا ابي اتوصل للمشكله بدون اي خساير 



up 0 down 0
م.بن عبدالله 2027
قبل 6 سنه و 10 شهر



المشكله يا من حساس الحرارة الي في الكوع واحتمال مكون من حساسين

او من الامبير نفسه


up 0 down 0
asalami 2179
قبل 6 سنه و 9 شهر



اخوي اذا تبي تعرف المشكلة وين شغل الحرارة الالكترونية بالارقام وراقب الحرارة المفروض تكون بين 89 و 108 اذا وصلت 108 تشتغل المراوح السرعه البطيئة وتطفى على 103
ثاني شي اذا مشيت مشوار وبعدها وقفت وارتفعت الحرارة هذي من البلف مو موجود والموية ما توقف في الرديتر عشان تبرد تضل ماشية على طول ما يمديها تبرد لازم تركب بلف وفيه اشياء كثيرة مثل الغطا و الرديتر و الطرمبة و هواء في النظام


up 0 down 0
hoot2025 49
قبل 6 سنه و 9 شهر



الله يعطيكم العافيه جميعا
تم حل المشكلة وطلعت من بلف الحرارة
وسعرة يجي كامل مع الكوع ب270 شد بلد
للافاده
والسبب طلع البلف معلق ومكسور السبرنق حقه .! 
والاخ الكريم \ hoot2025
كيف اشغل الحرارة الالكترونية


up 0 down 0
م.بن عبدالله 2027
قبل 6 سنه و 9 شهر



شوف قبل ما تفتح السوتش اضغط على السهم اللي فوق واللي تحت مع بعض علق عليها وافتح السوتش وبعدها تقدر تتنقل بزر المود


up 1 down 0
hoot2025 49
قبل 6 سنه و 8 شهر



اها الله يعطيكم العافيه ماقصرت


up 0 down 0
م.بن عبدالله 2027
قبل 6 سنه و 8 شهر




حمدلله لقيت حل مشكله الحرارة لومينا و كابرس 6 سلندر فقط مشكلة في الإلديتر مافي مساحه تخزين الأمياة كافي للمكينة والحل أفصل مواصير تبريد زيت القير خلي الالديتر فقط للمكينه وتركيب مبرد زيت القير خارجي بي 150 ريال بس لا زم تروح محل رديتر اشان يعدل مكان الزيت إلى ماء رديتر وشكراً أتمنى التوفيق



up 0 down 0
محمد صوتيات 1
قبل 3 سنه و 12 شهر