أضف سؤال أو موضوع جديد          

تغيير موية الرديتر

up 2 down 0
عاشق ال 90 128
قبل 11 سنه



السلام عليكم ورحمة الله وبركاته"
وكال عام وانتم بصحة وسلامة"

اخواني انا معي كابرس 2009 (8سلندر)
والموية اللي في الرديتر موية حنفية عاديه"
لها تقريبا حول السنة وكل مانقصت ازود مويه عاديه"
والحمد لله وضع الحرارة تمام ولا ترتفع"

بس فيه ناس قالوا لي المويه العادية ماتنفع وتعدم الرديتر وتخليه يصدي"

فالحين ابي اغير موية الرديتر بس مدري وش احط اي نوع؟
بحثت في النت لقيت اشياء كثيره وتلحس المخ فيه اشياء تزيد مويه مقطره!
وفيه اشياء مخففه ماتحتاج اضيف عليه شي!

المهم ياخوان وش افضل شي للكابرس 8 سلندر
ودي بعد تكون المويه مخففه عشان مازيد ولا شي ااخاف اجيب العيد واطيح في الحرارة اللي الحمد لله علاقتي فيها حبيه الى الان"


الله يعطيكم العافيه"







إبلاغ إبلاغ



الردود


افتح الكتلوج بتلقى سعة الرديترر 11 لتر والمويه الي منصوح فيها للكابرس بروستين احمر قيمته 80 ريال تشتري علبتين بروستين

وتشتري 6 علب مقطره بالرديتر


بعدين اشتر لك كم علبه ماء مقطر وحطها بالقربه ولو تشتري عبله ثالثه بروستين من شان لابغيت تزود الماء مع الوقت


up 2 down 1
حربي اتكيت -24
قبل 11 سنه



الطريقة الي قلت لك قبل شوي صعبه لانك ماراح تفهمها لان الرديتر يبي له 50 % ماء عذب و 50 % ماء محلول

يعني يبي لك توزن الترات وشغله وتكلف فلوس حول ال 200 ريال

انا اشوف لك تشتري لك ماء رديتر أي سدلكو

احمر تلقاه ب 50 ريال بالوكاله وبدون تضيف له ماء مقطر يعني ماراح يتعبك




up 0 down 0
حربي اتكيت -24
قبل 11 سنه



خلك على موية الحنفيه سيارتك الرديتر الاصلي 2000 ريال والتايلندي 450 ريال وفر فلوسك بدل ماتشتري موية الرديتر وبعد خمس سنين لو اخترب اشتري لك رديتر جديد تايلندي انا كان عندنا يوكن ثمان سنين وما سار اي ارتفاع بالحرارة والرديتر تايلندي


up 1 down 2
ipiwrtusol 114
قبل 11 سنه



ركب مويه ميستوبيشي خضرا اصليه سعرها ب50 ريال

كل السيارات اللي امتلكتها اركب هل المويه ولله الحمد ماواجهة مشاكل

تفك صرة الرديتر من تحت الين ينزل المويه حقت الحنفيه

ثمن صكرها وعب منها هل المويه الخضرا

واليوم الثاني شيك على المويه علشان تشوف لو فيه نقص تزوده




up 0 down 1
amear 1347
قبل 11 سنه



حط ماء رديتر هونداي او تويوتا  او اي نوع اصلي 

ولاتضيف علبه شي 

ماء الرديتر الاصلي فيه خاصية مقاومة الغليان والصدأ

لو اضفت عليه ماء مقطر او عادي فانت تخفف او تلغي هذي العناصر



up 0 down 1
مصفي النية 303
قبل 11 سنه



حط ماء رديتر موتوركرافت ذهبي وزيده ماء مقطر 




up 0 down 1
zl1z -20
قبل 11 سنه



ترا المويه العاديه بتعدملك راس المكينه وبتوهقك مثل ما صار معي.
خلك حذر وغير المويه قبل ما تطيح الفاس بالراس لا سمح الله


up 0 down 0
ابو فارس10 358
قبل 11 سنه



هلا بشياب قبل ار بع سنين اخر رسالة



up 0 down 0
alzwati 14
قبل 6 سنه و 10 شهر



alzwati في تعليقات في المنتدى لها6سنوات الله يالدنيا السنين تمشي بسرعه يالله حسن الخاتمه


up 0 down 0
kaled muhmed
قبل 6 سنه و 8 شهر



هههههههههههههههههههههههههه

هلا فيكم كلكم,,, قديييم الموضوع

قد بعت الكابرس من زمان

لكن صدق ياسرع السنين


up 0 down 0
عاشق ال 90 128
قبل 6 سنه و 8 شهر