افضل ورشه للفحص في النسيم

طريق معارض وحراج النسيم ( عبدالرحمن بن عوف ) 
عندك أبرز ثلاث اسماء ( البريدي ) و ( كار تك ) و ( الغروب ) 
كلهم قريبين من بعض .. اذا دخلت طريق عبدالرحمن بن عوف من جهة خريص ووجهك جنوب تعدى الإشارة الأولى 
قبل الإشارة الثانية بتلقى مركز ( الغروب ) وبالنسبة لكارتك والبريدي إرجع مع الإشارة الثانية بتجاه خريص وبتلقاهم على يمينك.
كلهم تقريبا بنفس المستوى وفحصهم بإذن الله جيد .. 
الكابرس موتر ماعليه كلام وأبرز مشاكله تقريبا ( مشكلة الحرارة / مايحافظ على سعره كثير ) 
الله يوفقك ويسهل أمرك 

الغروب وكارتك من خلال تجربة شغلهم دقيق جدا

الله يبيض وجهك ماقصرت وانا اخوك 

ابعد  عن كارتك والبريدي اسوء مركزين لاتعامل ولاشغل افضلهم الغروب من تجربة 

ياشباب انا احترت بعضهم يقول كارتك وبعضهم يقول لا وين اروح ؟ 

هج عن البريدي انا مجربه
اسلوب الشايب زباله واخلاقه فراس خشمه ولاتقدر تاخذ وتعطي معاه ويحوال باي طريقه يطلع لك عيوب فالسياره حتى لو مافيها الا حكه بسيطه عشان يوري الناس انه فاهم

عندك الغروب وكارتك  
افضل قت تروح لهم ايام الاسبوع ولا تروحلهم يوم السبت او الجمعه لان البيع يكثر والزباين تكثر وماينزلون في الاسعار

اما الايام الباقيه تقدر تكسر فالسعر وماتلقى زحمه