عندي مشكله اصوات قربعه بالابواب

اخوي انا عندي نفس مشكلتك موب بالبيبان بس كل الموتر ديكوراته وطبلونه والقزاز 
الموتر تاهو 2012 تقريبا بدات الاصوات على ممشى 70 الف مع العلم اني ماطلع للبر كثير استخدامي مشاوير داخل الديرة 
بس موترك مامشا كثير مامدا يتفكك !

ولا ازيدك من الشعر بيت بدون دبل وماعمر طلع للبر وحتى يوم اشغل المسجل وارفع الصوت 
القربعه تسمعها مع الصوت 

هاذا عيب معروف في التاهو واليوكون لازم تسمع قربعته الله يعينك كل سنة يبيلك تسوي تربيط من جديد وبرضوه تأكد يخوي من ظغط كفراتك يمكن انها مرتفعه وصاير مطب الموتر قاسي شوي

امسح كل جلود الابواب ب Wd40 وادعيلي ان شاءالله 

كانت عندي بكابريس واختفت بنسبة 80%

لكن غريبة على 2013

عادي حتى الاكسبدشن معي بدت تطلع اصوات الديكور والموتر ماشي 30 الف 
انا اقترح لك شغل المسجل وماتسمع شي شوي شوي لين تتفكك مره 
ونزلها ورشة تربيط ديكورات يربطونها ب الفين الى 3 اﻻف 

الجمسات من 2007 وطالع تجي فيها هذي الأصوات اللي تقول...
الجمس من 2000 إلى 2006 ،، سيارة متماسكة لا ينازعها منازع،، عن تجربة بين الإثنين..
جرب الطريقة التالية :

خذ لساتك كفرات حقت التريللات من عند البناشر ، وحطها على أقفال البيبان بحيث أنها تمسك الباب لما ينقفل عليها ،،
لكن لا تزود علشان ينقفل الباب ، ولا يسوي فراغ ،، وراح تروح معظم الأصوات خاصة مع ميلان السيارة بين جهه وجهه أخرى ،،

وكل عام وأنتم بخير ..

نفس المشكلة عندي واكتشف ان ظغط الكفرات 40 ولا تنسى بالحر تصير 45 لكني يوم ارخيت الهوا عن الكفرات وصار 30 هدئت الاصوات والطرقعه ولايضر الكفرات وايضا زميلي بالعمل معه يوكن 2012 نفس المشكلة ويوم عيرنا هوا الكفرات لقيناه 50 ونزلته لين 30 
والى يومك وهو يدعيلي

امتلك تاهو 13 ،، حقيقةً جودة الديكور سيئة وتطلع اصوات غير طبيعية !

ولكن الموتر عز الله انه كلام ،، بس بغض النظر عن جودة الديكورات ..

اخوي تأكد من البدي وافحصه , لان الابواب اذا انفكت وجاتها سمكرة مستحيل ترجع مثل اول تطلع فيها اصوات بالديكورات