شباب للأهمية ناوي على سيارة مستخدمه

نصيحه خذ الي تبي بس ابعد من الامريكي نصيحه..

ما قصرت أبوتركي رئيك على الراس
بس نبي أراء المستخدمين

فيه بعض الاعضاء مجربينها انتظرهم يجونك

معليش فيه ناس فيها عقده من الامريكي مدري ليه

الامريكي كان معي فورد شريته ماشي 150 وبعته ماشي 350

ماقد شفت منه شر

وشريت جمس وكذالك مدري ليه بعض الناس تكره الامريكي

الموديلات القديمه كانت فيه مشاكل خاصه موديلات 90 الى 97 صح فيها حراره ومشاكل ثانيه

لكن من 2000 وفوق الحمد لله صارت قويه واعتماديه واقتصاديه بعد

طبعا يجيني واحد شاطح يقول اللومينا والكابرس

هذي ماهي امريكيه لتوضيح

انا ما اتكلم عن السيارة ما استخدمتها ولا اعرف احد استخدمها 
لكن اتكلم لك عن واحد ناوي يشتري مستعمل ويبغاه استخدام .. وواضح انك تبغى تستخدم 
سيارة ماشية فوق المية الف ولا لها اكثر من سنتين استخدام لا تاخذ .. وليتك تسلم بعد 
وهذي ممشاها حول الميتين ولها اربع سنوات .. وهوبات وكراسي مكينه وهذا الظاهر بس وربنا يعلم بالخافي 
وكمان لازم ترد عليه اليوم .... عطه خبر انك لسه ما قررت وانك ما بتوقف سيارته وبتدق عليه اذا نويت تشتري وشوف سماحته كيف تختفي فجأه
المهم وانا اخوك في المستعمل لا تستعجل السيارات ماهي مخلصه من السوق 
ودور براحتك .. لا تعطي عربون ولا امسكلي ولا انتظرني 
اذا فحصت وارتحت للسياره واستخرت خذ فلوسك واشتر 
راحت السياره قبل تجي .. عاد ماهي من نصيبك 
الله يوفقك 

السيارات حظوظ اخي ... ممكن الامريكي يريحك ما يريح غيرك...
استخر و توكل على الله

ماليبو ماهي امريكية على فكرة مصنعة في كوريا
انا اشوف بقيمتها تجيب لك ماركيز 2007-2006 ياسلام الراحه على اصولها

انا مثلك لي فتره ادور لي سياره مستعمله نظيفه ولا لقيت 
طبعاً في راسي كامري 2007 - 8 فل .. بس للأسف مالقيت 
نزلت معارض مكه بس للأسف ، مالقيت شيء جيد اغلبها استاندر وتخوف
ولا عرفت اشتري سياره لحد الان زينه : وكل يوم وانا نازل المعارض
الله كريم .. بالتوفيق

الماليبو الموديل حتى 2011 امريكي او هذا الشكل عموما

بالنسبة للراحة فهي مريحة و بالنسبة لي اشوفها اريح من الموديل الجديد و راسية بالخط و ما تسمع تنسيم ( طبعا اذا سليمة من الصدوم و المشاكل )

اذا سعرها رخيص حول 25 الف اتوقع خيار جيد كسيارة مريحة 

كجودة ما عندي تجربة عشان اكد 

ابعد  عن  منتجات  شفروليت  اذا   كنت  تبي  الصحه  العقليه والنفسيه   والماليه والاجتماعيه     

احذرر

عندي ماليبو ابي ابيعه بسعر مناسب اذا لك رغبه  ماشيه 65 الف فقط 2010  تي ال  تحكم دركسون مثبت سرعه بدون تخشيبه 

اذا ودك فيه كلمني خاص       

ما قصرتو يا شباب
بالنسبة لي اشوف كل السيارات اذا حافظت عليها تحافظ عليك

الياباني سياره لك وللزمن وتحافظ عليك حتى لو بهدلتها
الامريكي فيه الخير ويكرف بسرلو اهملته بوديك ورى الشمس
الالماني عيب نحطه بالمقارنه كفو من كل النواحي بس محنا غالي بكل شي
الكوري منافس قوي وشرس وناوي يحتل السوق من كل النواحي بس يبغاله وكلاء زي الناس

بالنسبه لموضوعنا هذي السياره صناعه امريكيه٪ لين الشكل الجديد مدري عنه يقولو انه كوري
بصراحه متخوف وشكلي باخذلي انفوي مثلاً او بليزر عائلي ورخيص 

كم المبلغ اللي معك ؟ على شان يفيدونك الأخوان بالخيارات المناسبة .. 

ما أنصحك فيها لأن ممشاها نوعا ما كبير ومعظم الأمريكي اذا مشى

حول200 الف بيحتاج صيانة عامة والقيمة التقريبية الي مخطط تحطها في الصيانة 

لو زدتها على سعر الموتر بتحصل واحد انظف وممشاه اقل وبالتالي تشري راحتك