ما رايكم باللومينا 2007 وفوق ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اللومينا سيااره حلوووه وشكليتها حلوه 
بس دايم اسمع عنها يقولوا حقت ورش يهني تطلب 
بس دامك محافظ اكيد مراح تتعبك بالذات لو اخذتها نظيفه

خدومة ما عليك من كلام الناس 

أسعارها 20 و تحت

حتى لو تمسك خطوط طويلة عادي

جزاك الله خير ..

تلقاها بالكثير 25 الف النظيف نظيف
وانت لا راعي خطوط ولا كرف اجل خذ سيارة على الاقل شكل حلو شف لك سوناتا 2011 او كامري 2007
بس ميزة اللومينا تجي ايرباقين واي بي اس وجنوط ومكينة 3.6 هذا اسوح شي

ماعليك منهم انت دور النظيف وماتطيح بيد الورش
انا كانت معي اللومينا محافظ عليها اول باول زيت سيفون ورديتر وفحمات ولا قربت للورش
وأهم شي افحصها قبل وتأكد من نظافتها تماماً مكينة قير كهرباء حساسات ومن ناحية الراحه مايحتاج معروفه اللومينا والكابرس

اذا أنت بتحافظ عليها ومنتب كرفها ومستعد تسويلها صيانة دورية

فاستخر وتوكل على الله وخذها ، الموتر سواقته ممتعة جدا والستاندر منه فيه كل أنظمة الأمان

لكن احرص على النظيف ثم النظيف ثم النظيف حتى لو تزود شوي (أغلب الي معروضه منتهية) لأنك لو طحت في وحدة

نظافتها لك عليها بتدخلك في دوامة طويلة من المشاكل الي مالها نهاية وبتاكل دراهمك وتضيع وقتك وفي الأخير بتضطر تبيعها بنص قيمتها

أسعارها في العشرين والنظيفة منها ما تتعدى 27 

خذ العلم من المستشار ابراهيم التركي 

هو اتوقع معه 2008   

حاول تاخذ موديل احدث 2009 و2010 ltz تحصل ممشها قليل وطبعاُ اهم شي نظييييييييييييييف

2007 احس شوي قديم واكثر الي بسووق مكروفه 

نصيحه لوجه الله لومينا اوكابرس ابعد عنها والله لوحتى وكاله معروووفه حق ورش مهما حافظت او صلحت او اسوء سيارات