اخواني عندي كابرس 2007 نظيف جدا لكن البودي معدوم من الغبار

هذا رابط الاعلان اللي سويته وفيه صور للسياره 


http://haraj.com.sa/114642424

هذا سافي معليك عادي انصحك تلمع الانوار وسياره وترشها بويه وتلمع كبوت وتقرطس مراتب وتصلحها وتنظفها وتجيب لك سعر انشاء الله 

 

بعد اطلاعي على الاعلان
اشوف السيارة نظيفه ووضع البودي جيد جدا وكل الى تحتاج رش الصدام الامامي مع تلميع للبودي فى محلات التلميع وترجع وكاله ما يحتاج رش بويه كامل السيارة البودي نظيف صراحه اذا عندك فلوس زايده تصدق منها احسن لك تفعك فى اخرتك ........ :)

اخي سكودر انا وديت السياره محلات الزينه ولمو الانوار لكن ما فاد وحصلت النور الواحد مكحل ب 650 يعني اثنين 1300 وشبك فوق وتحت ب 700 والسمكري طلب 800 يرش الصدام والكبوت والرفارف بس متردد اني اغيرها وبالاخر ما تجيب قيمه معقوله السياره الله الشاهد انها نظيفه ومريحه طيب بحكم خبرتك يا سكودر وبما انك بعت سيارتك قريب ورحت كذا معارض تعتقد تجيب ما بين كم وكم بوضعها الحالي 

اخي سيف بارك الله فيك انا فكرت لو رشيت الصدام بتكون السياره لونين وفيه بالبودي كذا دقه منتشره يعني بالباب دقه والشنطه دقه الخ وتردد اذا رشيتها يطيح سعرها مرره وبيقولون مصدومه او مقلوبه 

الصدام لازم له رش لكن بما انك تبي ترش عند ورشة رخيصة خليها على الصدام بدون الرفرف والكبوت

لأنه صراحة كبوت ورفرفين وصدام ب 800 راح تكون بوية تجارية يعني بعد سنة راح تقشر او تصدي

بس رش الصدام ولمعها ويتزبط معك هذي وجهة نظري 

تدري ليه مافاد لن يبي له تلميع داخلي وخارجي ودها ملمع صاحي يلمعها لك  خويي باع كابرس نفس موترك ومشهب وجهيه نفس شكل موترك اقسم بالله مر معرض حصلها تلمع وتلق ماعرف موتره من نظافته شغل اخذه شريطيه ولمعه وزبطه وجاب لهم سعر كويس وسيارتك كابرس سته سلندر 2007 ماشفت تفاصيل اعلان لكن لو تلمعها وتزبطها تجيب لك من 28 الى 29 لني شفت احمر 2009 ماهي ذيك نظافه وطالبين فيها 29  2007 2009 مافيه فرق الى با اس اس وريال اختلف قير 

 لكن موترك زي ماقلت لك نظيف من خلف وجوانب بس وجهيه لمعها وانوار 

^^^ تلميع المعارض اسمه تلميع مائي ويعتبر اخر علاج قبل الرش

التلميع المائي تتصنفر طبقة رقيقة من البوية جدا تعطي نتايج ممتازة لحالتك لكن عمر البوية بيصير قصير لان طبقة الحماية بتروح من البوية

موفق

احسها بخس عيني عينك 17 الف ليييييييييييييييييه هو مديله 2003  !!!

اذا السياره علا كلامك نظيفه ماعدا دقدقه بسيطه فروح انزل الحراج وخذلك كم لفه ولاتبيع الا على مستخدمين 

الملاحظات اللي على سيارتك راح يستغلونها الشريطيه في كسر وبخس قيمة السياره
وبعد مايشترونها منك بسعر بخس يروحون يملعونها ويرجعون يبيعونها ب28  

لاتبخس موترك اذا كان مثل ماتقول عنه

ي رجال رش الموتر كامل فرن لون فضي وسسوي غسيل لداخليه وتلميع والشمعات الاماميه خذها من التشليح اصليه تلقاها رخيصه لان الي 650 متاخذ سنه الا وهي مصفره من الشمس

ياخوي مايحتاج لا رش ولا تغيير قطع

شوف هذا المقطع والتلميع الاحترافي

http://m.youtube.com/watch?v=Wc9_d8NcU_U&feature=youtu.be

ما شاء الله تبارك الله

فيه محلات تلمع الأنوار ترجعها وكاله 
اذا انت ف الدمام ف محل اسمه ارمز وح لمعها عنده
وإذا م رجعت جديده تبرق

انا أتحمل قيمه التلميع من جيبي والشباب شاهدين

أما الصدام رح ورشه محترمه ترشه لك ويرش لكر ع كيوت 
وآنشاءالله مايصير اختلاف ف اللون 

والله يرزق البيعه الي تسرك 

إنتبه إنتبه إنتبه !!!! 
ترش الرفارف والكبوت إذا كانت نيتك البيع نصيحة لوجه الله  ( خاصة الكابرس ) والسبب 
1- اذا دخلت السيارة للمعارض الكثير سيعتقد ان السيارة تعرضة لحادث قوي بالمقدمة أو انها تبع محلات الإيجار وستقع بحرج كبير لإقناع الزبون 2- من يضمن لك ان الون لن يختلف قد تضطر لرش الجوانب  والأبواب لوكر لتطابق الون والحسابة بتحسب 3- مع احترامي للدهان ابو 800 ريال شكلة سباك الآن ورشة شغلها متوسط يرش الصدام فقط من 300 -500 ريال وهذا كبوت ورفارف وصدام 800 ؟؟
4- ثق ثقة تامة أن حسبتك وتقديرك للمبلغ الفعلي لتكلفة سيختلف 180 درجة بعد الإنتهاء لابد وان تظهر لك اشياء ليست بالحسبان  5- لا تنسى انك ستوقف السيارة لمدة 10 ايام إلى 15 يوم بالورشة إذا كان الشغل جيد جدا وستضطر لتأجير سيارة والحسابة بتحسب المهم نصيحتي لك :
رش الصدام الأمامي فقط بورشة جيده + تلميع الأنوار داخلي وخارجي وفيه محل بالرياض ممتاز ادلك عليه لوتبي + تلميع خارجي صدقني الفرق لن يكون كبير لو رشيت وتعبت عمرك ممكن تكتشف إنك خسران 

السلام عليكم
أخوي الي واضح لي من الصور ان الصدام والكبوت مرشوشه من أول
أخوي لمع انوار وغير شبك وعلامه وزيق تحت ورش الصدام والكبوت بس شف لك ورشة زينه  ثم لمع الموتر واشرط لك يرجع يلق واذا كان الكبوت ماقد انرش رش الاطراف بس الي بين الشبك والشمعه حرام السيارة طالع نظرتها دمار

اذا بتصلح فيه شي رش الصدام فقط لأن الصدام مايعتبر من البدي وثانيا انه مشوه منظر السيارة مرررة وعط الموتر تلميع كامل داخلي وخارجي وغير كذا بعه لا تعدل ولا ترش بالعكس لو بترشه كامل بيطيح في سبدك ولاهوب مبيوع الا حراج لأن الناس صارت تخاف من كلمت مرشوش كامل حتى لو تحلف له انه على نظافة وثانيا الموتر اشوف حقه مررة 28 الى 30 ان طقته الحمى لو هو نظيف وشد بلد مرررة