الموضوع محذوف

نعم الناس فيهم خير وياكثرهم بعد شكرا على الطرح الرائع

اول ماتوظفت ببنك الرياض اول يوم داومت فيه نسيت السيارة تشتغل ونزلت وفيها محفظتي وجوالاتي والابواب مفتوحة .. 





جلست تقريبا ساعة الا ربع بعدين فقدت المفاتيح والمحفظة .. طبعا الشارع اللي موقف عنده معروف شارع الحراميه اكثر السيارات تنسرق فيه طلعت ركض والحمدلله لقيتها واقفة مثل ماهي وتشتغل 



اللحين اول شيء ينزل من السيارة المفتاح والمحفظة بعدين انا انزل بعدهم ههههههههههههه 

صارت معي وفقدت المحفظة بالسوق وطلعت كل شي بدل فاقد

والله يخلف علي طارت باللي فيها

أشكر الجميع على الردود 
المشكلة إني طلعت البيت و جلست واخذت وقت لين استدركت انه المحفظة مو موجودة 
والله تجيك حالة توتر بانك حتحصلها او لا 
والمشكلة التوقيت غلط على ابواب العيد وجميع الجهات الحكومية مأجزة 
هذا غير حرقة الأعصاب 

الله يجزاه خير ... والحمد انك لقيت محفظتك .. ولاكان بتعيد قبلنا بيوم 

الحمد لله اللي رد عليك ضالتك.
اخس شعور يوم تضيع منك اوراقك الشخصية..
الفلوس ماهي مهمة..الافضل الواحد مايشيل مبلغ
كبير بالمحفظة..عشان يمكن اللي بيرجعها يلعب براسة الشيطان..

أبو ناصر ،،، ايوة والله صادق ،،، كان عيدي بدا من اليوم ههههههههه
badalfa  هي المشكلة الكبرى الأوراق الشخصية 
أول شي فكرت فيه لان بدل الفاقد متعب وياخد وقت وجهد 

الله يجزاه خير اللي لقاه واليمني ناس تخاف من الله

اللي يسردون قصص بعد قصتك احس انهم...................وبعدين الله يهديك موضوعك مايتعلق بالسيارات
على الاقل انت موضوعك عن الامانه يعني اشوى من بعض المواضيع ........اشوف كثرت الشطحات والسماجه بالمنتدى

الله يجزاه خير .....

طيب انا ذاك اليوم انجنيت كنت ادور المحفظه ومفتاح السياره  قسم بالله اني قلبت خبل 
واناظر والقاها بيدي  وش تقولون عنه اللي يسوي كذا :) :)

قد ضاعت محفضتي وفيها فلوس خليتها فوق طاووله المحل رحت وهملتها دورت منا ومنا وجيت الاماكن الي رحت لها ولا لقيتها 

 فكرت قلت مافيه الى بقاله رحت بقاله وسالته قالي وش لون محفضه علمته وقال هذي هي وقلت جزاك الله خير عاد فيها  اثبتات حقتي واشوا لقيتها  ماتمرمطت بدوائر حكوميه 

انا اختلف معكم تماما ههههههههههههه
للأسف ما هضمت المحفظة 
دائما ثيابي مفصل لها جيب صغير ومخصصه للفلوس والبطاقات ولله الحمد 5 سنين ما شاء الله ما قد ضاعت مني شيء

وحتى الملابس الرياضية اذا لبستها ورحت مشوار اخبي اغراضي بالسيارة واقفل عليها مع اني ادري فيها خطورة بس صعب 24 ساعة تكون اغراضك معك

كنت انا في احد الاسواق وركبنا في السياره ومشينا شوي ولا راعي كامري يلحقنا ويكبس النور علينا وحن ماندري وش السالفه المهم ولد عمي يحسب الرجال راعي الكامري يبغى يجاكر هههههههه تفكير معدوم المهم قعد يطردنا حوالي 5 دقايق شوي قلت لولد عمي والله ان توقف نزلت انا وولد عمي اشفيك يالطيب قال جوالك نسيته في المحل وانا الحقك ابغى اعطيك اياه المهم انصدمت انا وولد عمي من الموقف واخذنا الجوال وكان في جيبي 200 ريال وحلفت على الرجال ان ياخذها الله يجزاه خير قليل الي يسوي كذا تخيلوا يلحقنا من آخر الدنيا علشان يعطينا الجوال حق ولد عمي ..

نعم الدنـــيا مازال فيها خير والله يكفينا شر عيال الحرام

نصيحة لوجه الله

كل واحد يكتب رقم جواله في المحفظة

في ورق  صغيرة ويكون واضح مكانها

أشكر كل من رد على الموضوع وشاكر تفاعلكم 

10000 يوم / فكرة حلوة انك تكتب رقمك في محفظتك 

تسهل على الي وجد المحفظة يلقى صاحبها بسرعة 

الحمد لله
اللهم ﻻ تنزع الأمانة منا

كل واحد يكتب رقم جواله في المحفظة




في ورق  صغيرة