أضف سؤال أو موضوع جديد          

فرامل الكابرس قروشتني موديل 2013

up 9 down 5
sloo00 606
قبل 6 سنه و 6 شهر



السلام عليكم .. وكل عام وانتم بخير :)

عندي كابرسس يا اخوان موديل 2013 LS الحمدالله مافيها مشاكل غير مشكله وحده

الي هي الفرامل لاحد يقولي ودها الوكاله انا انسان ماقد اخذت سياره وتعاملت مع الوكاله

الى تطلع فيها مشاكل او عيوب ..المهم

الفرامل بعد ماكمل ممشها 15 الف صارت فيها رجه مع مسكت الفرامل 

يعني اذا كنت ماشي ومسكت فرامل تبداء الطاره عندي ترج مرات رجه قويه ومرات خفيفه

بس الاكيد اني احسس فيها والي معاي يحسون فيها

بديت بشي بسيط فكيت الكفر الامامي وشفت الهوب نظيف مافيه اي حواف او زوايد

احترت وش اسوي شار علي واحد من الاصدقاء بالخرط واتجه على ورشه واقوله خرط هوبات

جلس يتفلسف علي لازم الاربع كلها تخرطها ماندري هي من الاماميه والى الخلفيه المهم قلت اخرط الاماميه
بس وفكنا شرك

ويقدح مني ذاك المبلغ وقدره ويخرطها ويركبها وقلت بس راحت المشكله

يومين بالكثير ورجعت المشكله بزياده رجه مع الفرمله

كرهت ام السياره بسبتها هل احد واجهته هذي المشكله وكيف حلها فيدوني الله يرضى عليكم

اغير الفحمات والى الهوب والى وش اسوي بالضبط....؟








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


خالي معاه نفس الكابرس اللي معاك 2013 وحصلت له نفس المشكله
وراح خرط الأربع هوبات وغير الفحمات ورصص وراحت الرجه

وبعدها كره السياره خربت عليه المساعدات الأربع وكراسي المكينه بسبب مطب اكله بسرعه 60

وينصحك ببيع الموتر لأنه زبالة ومايتحمل وهو بيبعه ان شاء الله ويدور الزبون الصامل
وبيشتري فكتوريا لأنها مواتر مكدة واصلن كان معه فورد قبل الكابرس ومايعرف الورش على ايامه


up 2 down 3
mgnonk_702 599
قبل 6 سنه و 5 شهر



اي سياره قابله للتصليح الا الكابرس الملعون 


up 1 down 4
ryan702 465
قبل 6 سنه و 5 شهر