عن كابرس 2008 ال اس يفصل 6سلندر

بعد سرعه ١٦٠ المفروض توقف الموتر تلبس كفن وترجع تكمل السواقه 

الاعمار بيد الله بس هذا انتحارر يااااارجل ٢٣٥ وين تبي تطيييرر انت ويين !?

أسأل هل كال 6كذا أو عندي مشكله لن إلى أعرفه أن الكابرس مايفصل 

هل هو يفصل او انه يوقف على ٢٣٥ اذا كان يوقف عليها فهذا شي طبيعي جدا ولاتنسى انه ٦ سلندر 

انا معاي كابرس 2007 ال اس 8 سلندر يفصل على 248 اذا وصلها كانك مسكت فرامل يهدي لين 243

اعرف واحد من الشباب وربي نمشي مره على اخو موترك بالظبط ال اس 6 سلندر 2008 243

انا بموتري مجرد تجربه ي شباب ولا انا الحمد لله عاقل حدي بالخط 190 200 كذا

انتبه لعمرك وشيك على الكفرات اول باول اذا انت راعي طيران وسرعة 
بعض الكفرات مماتحمل الضغط عليها وحاول انك ماتزيد عن دقيقه وانت ماشي فوق ال200 ممكن ﻻ قدر الله ينفجر عليك كفر وتروح فيها 

ما يفصل خلاص إنتهى عزمة هذا حده الله يشفيك

الكابرس يفصل على الحدود اللي قلتها سواء 6 او 8 سلندر لأن برمجة السيفتي وحدة 


وبخصوص السرعه انا بنفسي عملت تجربه بمسافة محددة ولكن بسرعتين مختلفتين

من الرياض الى الدمام 380 كيلو متر
السرعه المقترحة 200 كم / بالساعه 

زمن الوصول في ساعتين ونص (( فك لزق وركب لزق ))

في رحلة العودة من الدمام للرياض بنفس المسافه
السرعة المقترحة 137 كم / ساعه 

زمن الوصول 3 ساعات وبدون فك وركب لزق 


الفوارق / 
البنزين بالذهاب مابقى فيه اللي يمشيني 50 كم زيادة
ارهاق عاااااام وتعب نتيجة الشد العصبي من السرعة 

البنزين بالعودة ما استهلك الا ثلث التانكي 
وصلت الرياض والبال مرتاح جدا وبدون تعب او اي شيء ولله الحمد 

(( بنفس توقيت رحلتي من الدمام للرياض كان جنبي راعي كابرس يمشي 200 وصلت الرياض انا واياه سوا ))

السرعه وانا اخوك ماراح تستفيد منها بشيء 

تتعب نفسك وتهلك صحتك ومالك وسيارتك 

عيال خالتي توفوا بسبب السرعه 
نص اخوياي راحو بسبب السرعه 

والله ان بالكثير 140 ممتازة جدا
واذا خلاص بتشد خلك 150 وهذي السرعه ذكرها ضابط بالقناة السعودية انها 
اعلى حد يستطيع الشخص التصرف السليم حال وقوع اي طارئ لاسمح الله
بامكانه تدارك الامر بهذه السرعه

لا سيارتك فيها مشكله...

الحل ركب اجنحه وطير

اجل عاقل ياصاحب الاعلان تمشي 190 الى 200 ماشاء الله واضح هههههههه انتبه من السرعه ما منها الا كل شر