أضف سؤال أو موضوع جديد          

المكينة المناسبة للتاهو 2004

up 1 down 3
عمر الزمان 672
قبل 6 سنه و 8 شهر



السلام عليكم






عندي سؤال عن مكينة التاهو


سياراتي تاهو z71 موديل 2004

ويش اخر موديل اقدر اركب فيها


لأن سمعت ان المكينة ما تغيرت فقط التغييرات بالبدي

وسيارتي فيها صوت و بعد الفحص يقول ان احدى السلندرات ما يشتغل

تحتاج فك المكينة و لكن ما فيها مشكلة صوت فقط

لها 8 شهور بهدي الحالة وانا تاركها اروح بها و طلعت بها الكويت 3 مرات على سرعه 130-170


ولكن اخوي ملزم علي اصلحها مو عاجبه الصوت ههههههه

مع ان داخل السيارة ما تسمع شي الازعاج في الخارج بس


ويقترح اروح بها الامارات و ابدل القير مع المكينة من سيارة وحده


قلت بسأل عن اخر موديل اقدر اركبه فيها

لأن ادا يركب قير 6 نمر بركبه افضل من اللي عندي 4 نمر











إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اتوقع تغيير القير ل 6 نمر بحاجة لبرمجة وما ادري عن الكمبيوتر عندك يقبل هذا الشيء ولا ممكن يسبب مشاكل

إذا المشكلة في الماكينة فقط فغيرها بوحدة لنفس الموديل وريح نفسك من المغامرة حتى لا تتورط وأنت في الإمارات


up 2 down 1
أبو عبادة 4852
قبل 6 سنه و 8 شهر



المشكله عندك واضحه 
احتمال وانت ماسك خط وانت مسرع وغبار هذا يتسبب بقطع احد اسلاك السلندر والشغله سهله فك المكينه وتركيب السلك
وسلام عليكم


up 1 down 0
0إبراهيم0 12
قبل 6 سنه و 8 شهر



مدري شباب في صديقي
عنده تاهو ٢٠٠٥ ضعط المكينه ٧٠ وكل ٣ شهور 
تتفقع. الصوف  ودحين غير صوفة كابرس ٩٣ 
الميكانيكا قال افضل 
بس قال غير مكينه افضل 
السؤال كم تقريبا سعرها في دبي لان الجربوكس 
مشي حالك وألف شكر 


up 1 down 0
222333444 530
قبل 6 سنه و 8 شهر



خليك على شد بلادها ولا تسمع كلام احد واذا تبي الصوت يروح رح لمختص وضبط المكينه من والى بتكلفك اقل من تكلفة مكينة مع قير وتركيب ويمكن تلحقك شغلات مثل الصوف وزيوت وبرمجمه وتوليف مراوح وووووو ... الخ .
اذا تبي غير كذا بعه واشتري لك واحد موديل حديث شد بلاده افضل من التوليف وكل يو وانت بورشه نصيحة اخ


up 1 down 1
الباحث400 63
قبل 6 سنه و 8 شهر



اذا بترهم مكينة وقير كل شيء يركب لو تبي مكينة كورفت لكن كل شيء له ثمن اما اذا تقصد نفس حقت البلد ف90% ان مكينة موترك 5.3  ونفسها من 99 -2007  الدفعة الأولى وتجي المكينة ذي على السييرا والسلفرادو والتاهو واليوكون والسوبربان اما بخصوص المكينة للموديل 2007 وفوق اشوف انها 60% نفس الشكل القديم بناء على الشكل ﻻنها ماقد انفرطت مكينة الموديل ذا قدامي وبخصوص القير نصيحة ركب كل شيء نفس اللي على موترك عشان تتجنب مشاكل تغيير ضفيرة وبرمجة وقروشة ونصيحة ترا اللي يبيعون في الامارات اذا دروا انك سعودي صلخوك في السعر وﻻ عطوك قطعة مشي حالك ﻻنهم يدرون انك مابترجع لهم 


up 1 down 0
ابوابراهيم ksa 1391
قبل 6 سنه و 8 شهر



اخوي المشكله ذي مرت علي
طلع واحد من التكايات مكسور ويطلع صوت تكتكتك مع التشغيل ويختفي
واذا  دعست على الموتر تسمع طقطقه مع الدعس القوي فقط  وفيه واحد من البواجي ما يكمل اسبوع 
الا وهو مكربن
فكينا الراس ونظفنا الراس وغيرنا التكايات والحمد لله
ادخل موضوعي عن التفتفه.. ولا تقول ماهي مشكلتك الا هي لكن انا خليت الصوت لين ما انكسر علي


up 2 down 0
sehly11 648
قبل 6 سنه و 8 شهر



اهلا





كنت اعتقد من موديل 2005 الى 2007

القير فيها 6 تعشيقات


والمكينة نفسها يعني يركب القير بدون مشاكل

ولكن بعد ما بحثت طلع ما تغير القير الا في 2007 الدفعه الثانية



انا بستخدم السيارة الى ان صار عندي خرجيه بوديها الورشة واشوف

ادا شغل خفيف بصلحها اما ادا تحتاج توظيب يمكن اروح بها الامارات

يا وظبت هناك او غيرتها من مكاين وارد امريكا


up 0 down 0
عمر الزمان 672
قبل 6 سنه و 8 شهر



سلنر ما يشتغل احد الاسباب التاليه :

سلك البواجي الموصل خربان
البواجي الراكب بالسلنر خربان
الكويل الي راكب بالسلندر خربان. .

كل الاحتمالات السابقه تسبب لك رجه بالمكينه وضعف بالعزم وتغير بصوت المكينه...


شيك عليها قبل تفك المكينه. ..


up 0 down 0
asalami 2179
قبل 6 سنه و 8 شهر