كم اسعار زيوت المكينه ؟

كاسترول 24 

عند الأندلس بالقصيم 

ايسديلكو 5w30 ب ٢٤ ريال عند التوكيلات العالميه
وجمله ب ١٨ ريال 

بترومين حراميه اشتر الزيت والفلتر وغير عند اطرف بنشري ب ١٥ ريال

انا استخدم كاسترول جي تي اكس 10w-30 استخدم اربع علب و مع سيفون ب 100 ريال ..
رخييصه ويأدي الغرض وممتاز

كاسترول 10*30 يمشيك 5000 كم ب 18 ريال للعلبة وفي محطة العسيس يبيع العلبة ب 15

مشكورين يااخوان… الحين ايسديلكو يمشي 10 الاف والكاسترول 5 الاف 

أخ saud faleh
لا تاخذ باللي قلته لأنه مبني على تجربتي الشخصية.
شوف الناس الأغلبية وش تقول وامش معها.
بعدين أنا الزيوت جربتها على لومينا 2003 و 2006 ، الكاسترول سبب صوت تكتكة بلوف وأنا مالي 3 شهور مغير طرمبة الزيت.
والايسي ديلكو تمام بس مشكلته يتبخر وويوصل لحد فلتر الهواء آثاره، يعني يملى الثلاجة والثروتل ويوصل لخرطوش الهواء.
يمكن سياراتي فيها بلاء لا تعتمد على كلامي اعتماد كلي.
ولكن نصيحتي لك، غير بزيوت الشركات المشهورة القديمة، شل سوبر وفوكس وغيرها، من عرفت نفسي وهي بالبناشر وما عمري سمعت أحد يشتكي منها.
بينما كاسترول وايسيديلكو ما شفتها بالسوق السعودي إلا من عشر سنوات أو أقل، وكثير ناس قريت لهم شكاوى من الكاسترول خصوصاً.

تذكرت، سبب تكتكة بلوف مكينة سيارتي هو تغير لزوجة الزيت فجأة.
أعتذر للجميع على كلامي المغلوط وفعلاً كنت مخطئ، كنت أستخدم زيت فوكس 20w50 ومرة وحدة غيرت لكاسترول 10w30 وهذا اللي سبب تكتكة بلوف المكينة.
يعني كاسترول بريء من كلامي.

ولو حبيت أفضل أداء لسيارتك وأهدأ صوت وأطول عمر للزيت، استخدم كاسترول ماجنتك يمدحونه الناس مرة مرة وأنا ما جربته لحد الآن.

انا العضو سعود فالح بس مثل م انت شايف ي اخوي تقييمها بالسالب ولا اقدر ارد الا اربع ردود باليوم وانتهت .

بالنسبه لزيت أي سيدلكو اتوقع ي اخوي وليد كلام صحيح قبل فيه عضو حذرني منه يقول يتبخر ويحوس الفلتر .

زيت كاسترول استخدمت جي تي اكس 30ـ10 خرطي ينقص كل مابعد فتره وفتره .

جربت فوكس سوبر جي تي 50ـ20 وشوي الا وتخرب عندي طرمبة الزيت على وقتها كنا بالبرد واذا شغلتها الصباح شويه وهي بارده تولع لمبة طرمبة الزيت كم ثانيه وتختفي وصوتت المكينه يسمعه الي ب اخر الحاره خخخ .

كاسترول واي سيدلكو شطبت عليها معاد انا مستخدمها

الحين محتار بين موتر كرافت وبترومين

ياليت ي اخوي وليد تنزل بالمواضيع اخر الصفحه وشوف موضوعي الي قبل يومين

انا يا اخ سعودي قلة من يوم طلعت سيارتي 8 سلندر

وانا احطلها 10 30 كاسترول 
ولا عمري شفت شي وزي الحلاوة

استغرب من الا يقول
تخرب الطرمبة
حرارة
تبخير
مدري ايش

والحمدلله السيارة احسن ما يكون

وحتى قالو بعد 150 ثقل الزيت
لا تقلتو ولا شي زي ماهو

تماماً أخي حراج ماستر.
هي كل الدعوى على اللي تتعود عليه المكينة لا تغيره أبداً.
أنت من طلعت السيارة من وكالتها تحط لها هالزيت ومستمر عليه ما راح تواجه اي مشاكل بسببه.
غير كذا اصلا المكينة تجي من المصنع فيها زيت خفيف جداً نفس 10w30 إن ما كان أخف.

المصيبة في اللي مستمر على لزوجة ثم يغيرها للزوجة أخرى كذا مرة وحدة، المفترض بالتدريج.

معاي كابريس قسم بالله محتار بين انواع الزيوت 
ومدري كل واحد يقول كلام 
استخدم زيت كاسترول